راولپنڈی (سٹی رپورٹر)آراے بازار پولیس کی کارروائی،کار سوار فیملی سے ہراسگی، لڑائی جھگڑا
اور فائرنگ کرنے والا مرکزی ملزم گرفتار۔ تفصیلات کے مطابق آر اے بازار پولیس نے کارروائی کرتے ہوئے کار سوار فیملی سے ہراسگی،لڑائی جھگڑا اور فائرنگ کرنے والے مرکزی ملزم کو گرفتار کر لیا،مدعی مقدمہ کے مطابق ملزم نے میری فیملی کو ہراساں کیا، مجھ پر فائرنگ کی اور میری گاڑی کا نقصان کیا، آراے بازار پولیس نے مقدمہ درج کرکے ٹیکنیکل و ہیومن انٹیلیجنس ذرائع سے مرکزی ملزم کو ٹریس کرکے گرفتار کر لیا، ملزم کے دیگر ساتھیوں کی گرفتاری کے لیے ریڈز کیے جارہے ہیں، ایس پی پوٹھوہار چوہدری اثر علی کا کہناتھاکہ ملزم کو ٹھوس شواہد کے ساتھ چالان کیا جائے گا۔
