ایک ہفتے کے دوران 21 اشیاء مہنگی 10 سستی20 کے نرخوں کا استحکام

کراچی(نیوز ایجنسیاں) ملک میں ہفتہ وار بنیادوں پر مہنگائی کی شرح میں مزید 0.29 فیصد اضافہ ریکارڈ کیا گیا ہے، جس کے بعد سالانہ بنیادوں پر مہنگائی کی شرح بڑھ کر 12.31 فیصد ہوگئی۔وفاقی ادارہ شماریات کی جانب سے جاری  کردہ ہفتہ وار رپورٹ کے مطابق ایک ہفتے کے دوران 21 اشیائے ضروریہ کی قیمتوں میں اضافہ ہوا، 10 اشیائ سستی ہوئیں جبکہ 20 کی قیمتوں میں کوئی تبدیلی نہیں آئی۔رپورٹ کے مطابق سالانہ بنیادوں پر ایل پی جی کی قیمت میں 114.88 فیصد اور ٹماٹروں کی قیمت میں 78.89 فیصد اضافہ ہوا۔ اسی طرح بجلی کے چارجز 52.38 فیصد، ڈیزل 39.27 فیصد اور پیٹرول 36.34 فیصد مہنگا ہوا۔ادارہ شماریات کے مطابق گزشتہ ایک سال کے دوران گندم کا آٹا 33.95 فیصد جبکہ مرغی کی قیمت میں 31.81 فیصد اضافہ ریکارڈ کیا گیا۔
مہنگائی