بینکنگ بحران اور یوئینو بینک اسکینڈل پیراگوئے کے صدر سینتیاگو پینا مستعفی

آسنسین (این این آئی)پیراگوئے کے صدرسینتیاگو پینا نے بینکنگ بحران اور یوئینو بینک اسکینڈل کے بعد اپنے عہدے سے استعفی دے دیا۔میڈیارپورٹس کے مطابق یوئینو بینک کو مالیاتی بحران کے باعث رات گئے بند کر دیا گیا تھا، جس کے نتیجے میں لاکھوں صارفین اپنی رقوم تک رسائی سے محروم ہو گئے اور ملک میں تنازع نے جنم لیا۔سینتیاگو پینا نے سوشل میڈیا پر جاری پیغام میں کہا ہے کہ ملک کے استحکام، سماجی امن اور سرکاری اداروں کے تحفظ کو مدِنظر رکھتے ہوئے صدارت سے مستعفی ہونے کا فیصلہ کیا ہے۔ان کا کہنا تھا کہ اس وقت میری اولین ترجیح ان شہریوں کو ذہنی سکون فراہم کرنا ہے جنہوں نے اپنا سرمایہ ملک کے مالیاتی نظام پر اعتماد کرتے ہوئے جمع کرایا تھا۔صدر پینا نے اپنے بیان میں کہا کہ تاریخ موجودہ واقعات کا فیصلہ کرے گی اور اگر میں کسی بھی موقع پر عوام کی توقعات پر پورا اترنے میں ناکام رہا تو میں ان سے معذرت خواہ ہیں۔