شہدا اور غازیوں کے گائوں بھٹی گجر کا اکلوتا روڈ خستہ ھالی کا شکار

بلکسر (رانامسعود سے)ضلع چکوال کا معروف گاں بھٹی گجر، جو کہ پاک فوج کے غازیوں اور وطن پر جان نثار کرنے والے بسالت و شجاعت کے پیکر شہدا کی سر زمین کے طور پر جانا جاتا ہے، اس وقت شدید بنیادی انتظامی اور سفری مسائل کی لپیٹ میں ہے۔گاں پیپلی سے بھٹی گجر کو ملانے والی تقریبا 10 کلومیٹر طویل سڑک مکمل طور پر ٹوٹ پھوٹ کا شکار ہو کر کھنڈر کا منظر پیش کر رہی ہے۔ سڑک پر جگہ جگہ بڑے بڑے گڑھے پڑ چکے ہیں جس کے باعث روزمرہ کی آمدورفت انتہائی دشوار ہو چکی ہے۔ سڑک کی خستہ حالی کے باعث مریضوں اور بالخصوص ایمرجنسی کی صورت میں اسپتال پہنچنا انتہائی مشکل اور جان لیوا ثابت ہو رہا ہے۔ اسکول و کالج جانے والے طلبا و طالبات کو روزانہ انتہائی دشوار گزار راستے سے گزرنا پڑتا ہے، جس سے ان کی تعلیم شدید متاثر ہو رہی ہے۔ خراب سڑک کی وجہ سے مقامی گاڑیوں اور آٹو رکشاں کا بے تحاشا نقصان ہو رہا ہے اور آئے دن حادثات کا خدشہ برقرار رہتا ہے۔اہالیانِ علاقہ اور فوج کے شہدا کے اہل خانہ نے وزیراعلی پنجاب، ڈسٹرکٹ ایڈمنسٹریشن چکوال اور اعلی حکام سے پرزور اپیل کی ہے کہ شہدا اور غازیوں کی اس بستی پر فوری توجہ دی جائے۔اہلِ علاقہ کا مطالبہ ہے کہ پیپلی تا بھٹی گجر سڑک کی فوری مرمت اور پختہ تعمیر کی جائے تاکہ عوام، مریضوں اور اسکول کے بچوں کو آمدورفت میں آسانی اور سہولت میسر آ سکے۔یاد رھے اس گاوں سے 8 شھدا بشمول کرنل توقیر حیدر، کپٹن شیراز (ستمبر 2026) بھی اسی گاوں سے تعلق رکھتے ہیں