اعظم نذیر تارڑ کا بین المذاہب ہم آہنگی ‘ امن کانفرنس سے خطاب

اسلام آباد(این این آئی)وفاقی وزیر برائے قانون و انصاف و انسانی حقوق سینیٹر اعظم نذیر تارڑ نے کہا ہے کہ قومی کمیشن برائے حقوقِ اقلیت ایکٹ 2025ء اقلیتوں کے حقوق کے تحفظ اور ان کے مسائل کے مؤثر حل کے لیے ایک اہم قانونی پیش رفت ہے۔ اس قانون کی تیاری میں پاکستان کی مذہبی اقلیتی برادریوں سے وسیع مشاورت کی گئی اور تقریباً دو سال کے مشاورتی عمل کے بعد مختلف مذہبی برادریوں کی تجاویز اور آراء کی روشنی میں متفقہ مسودہ تیار کیا گیا۔اسلام آباد ہائی کورٹ بار ایسوسی ایشن کے زیرِ اہتمام قومی بین المذاہب ہم آہنگی اور امن کانفرنس سے خطاب کرتے ہوئے وفاقی وزیر نے بتایا کہ وزیر برائے قانون و انصاف و انسانی حقوق کی حیثیت سے انہوں نے اس قانون سازی کے عمل کی قیادت کی۔ قومی کمیشن کے چیئرمین اور اراکین کی نامزدگی اور تقرری کا عمل وزیرِ اعظم پاکستان اور قائدِ حزبِ اختلاف، قومی اسمبلی کے ذریعے جاری ہے اور توقع ہے کہ کمیشن آئندہ چند ہفتوں میں فعال ہو جائے گا۔سینیٹر اعظم نذیر تارڑ نے کہا کہ حکومتِ پاکستان اپنے آئینی، قانونی، اخلاقی اور سرکاری فرائض کے تحت تمام شہریوں کے حقوق کے تحفظ اور مذہبی ہم آہنگی کے فروغ کے لیے پوری طرح پرعزم ہے،مذہبی آزادی، مساوی حقوق اور انسانی وقار کا تحفظ ایک پرامن اور متحد معاشرے کی بنیاد ہے۔ا