فیصل آباد(بیورورپورٹ)ڈکیتی، راہزنی، چوری اور چھینا جھپٹی کی نان سٹاپ 51 وارداتوں میں اڑھائی کروڑ سے زائد مالیت کی نقدی، طلائی زیورات، موبائل فون، قیمتی سامان، مویشی، رکشہ اور 8 موٹر سائیکل چھین لیے گئے، تفصیل کے مطابق شہر اور نواحی علاقوں میں گزشتہ چوبیس گھنٹوں کے دوران مختلف مقامات پر دس گھروں، چھ دکانوں اور ڈیرہ سے مجموعی طور پر پچیس لاکھ سے زائد نقدی، انیس تولہ طلائی زیورات، چھ درجن موبائل فون، زرعی آلات اور ادویات اور قیمتی سامان مسلح ڈاکوؤں اور چوروں نے چھین لیا، مختلف مقامات پر ایک شہری سے نقدی، موبائل فون اور موٹر سائیکل اور چھ شہریوں سے مجموعی طور پر پندرہ لاکھ سے زائد نقدی، موبائل فون، دو تولہ طلائی زیورات، لیپ ٹاپ اور قیمتی سامان راہزنوں اور جھپٹا گروپوں نے چھین لیا جبکہ شہر اور نواحی علاقوں میں مختلف مقامات سے ایک رکشہ، سات موٹر سائیکلیں، چار بجلی میٹر، دو واٹر پمپ، ٹیوب ویل، کماد کی فصل، ٹرانسفارمر، تین افراد کی نقدی، موبائل فون اور قیمتی سامان اور آٹھ زمینداروں کے مجموعی طور پر تیس لاکھ روپے سے زائد مالیت کے مویشی نامعلوم چور لے اڑے۔
