بی پی ایل کیلئے قومی کرکٹرز کو مشروط اجازت مل گئی

لاہور(نیوزایجنسیاں) پاکستان کرکٹ بورڈ نے قومی کرکٹرز کو بنگلہ دیش پریمئیر لیگ کے لیے18 نومبر سے 13 دسمبر تک کے لیے این او سی جاری کر دیئے۔بنگلہ دیش پریمئیر لیگ 4 سے 12 دسمبر تک کھیلی جا ئے گی۔پاکستان کرکٹ بورڈ نے قومی کرکٹرز کو فٹنس میں لازمی بہتری کی تلقین کی ہے، معمولی انجریز کے شکار 4کھلاڑیوں کو قومی ٹی ٹوئنٹی ٹورنامنٹ تک کوئی میچ نہ کھیلنے کی ہدایت کی گئی ہے۔ بنگلہ دیش پریمیئر لیگ میں شرکت کے خواہشمند کھلاڑیوں کو مشروط اجازت دے دی گئی ہے۔پی سی بی نے تمام کرکٹرز کو فٹنس میں لازمی بہتری کی ہدایت کی ہے۔ 4 کھلاڑی بابر اعظم، عماد وسیم، عثمان شنواری اور رومان رئیس معمولی انجریز کا شکار ہیں۔ انہیں اور دیگر 8 کرکٹرز کو قومی ٹی ٹوئنٹی ٹورنامنٹ تک کوئی میچ نہ کھیلنے کی ہدایت کی گئی ہے جبکہ بنگلہ دیش پریمیئر لیگ میں شرکت کے لئے مشروط اجازت دے دی گئی ہے۔پی سی بی نے سینٹرل کنٹریکٹ یافتہ کرکٹرز کو لیگ کے لیے 18 نومبر سے 13 دسمبر تک کے لیے این او سی جاری کر دیئے ہیں، لیکن کرکٹرز کو 11 نومبر سے شروع ہونے والے ڈومیسٹک ٹی ٹوئنٹی میں حصہ لینا لازمی ہو گا۔ویسٹ انڈیز سے سیریز کا شیڈول طے پانے کی صورت میں بھی کرکٹرز قومی ڈیوٹی کے لیے دستیاب ہوں گے۔ این او سی حاصل کرنے والوں میں محمد عامر، شعیب ملک، حسن علی، فہیم اشرف، عمران جونیئر، فخر زمان، رومان رئیس، اسامہ میر، رضا علی ڈار، عثمان شنواری، بابرا عظم، غلام مدثر ،جنید خان، شاداب خان اور سرفراز احمد شامل ہیں ۔دوسری جانب حکام کی جانب سے شاہد آفریدی ، مصباح الحق، سہیل تنویر اور محمد سمیع کو مکمل ایونٹ کے لیے این او سی جاری کیا گیا ہے ۔بورڈ نے معمولی انجریز کے شکار کرکٹرز کو جلد از جلد میڈیکل کلیئرنس حاصل کرنے کو کہا ہے۔ 8 دیگر کھلاڑیوں کپتان سرفراز احمد، حسن علی، محمد عامر، شاداب خان، شعیب ملک، فہیم اشرف، محمد حفیظ اور فخر زمان کو بھی 11 نومبر کو شیڈول قومی ٹی ٹوئنٹی کپ سے پہلے میچز نہ کھیلنے کی ہدایت کی گئی ہے۔قائد اعظم ٹرافی کا ساتواں راﺅنڈ ملک کے مختلف شہروں میں شروع ہو گیا ہے ،جس میں ان کھلاڑیوں کو نہ کھیلنے کو کہا گیا ہے۔ بنگلہ دیش لیگ میں شرکت کے خواہشمند کھلاڑیوں کو مشروط اجازت دی گئی ہے۔ جاری کردہ این او سی کے مطابق کھلاڑیوں کی لیگ میں شرکت قومی ٹی ٹوئنٹی کپ اور ویسٹ انڈیز سے سیریز کا شیڈول طے ہونے سے مشروط ہے۔