لیسٹر(ویب ڈیسک)برطانیہ کے شہر لیسٹر میں گزشتہ روز ہونے والے دھماکے میں ہلاکتوں کی تعداد 5 ہوگئی۔برطانوی شہر لیسٹر میں دھماکے گزشتہ روز شام کے اوقات میں ہوئے تھے جس کے نتیجے میں اسٹور اور 2 منزلہ عمارت مکمل طور پر تباہ ہو گئی۔پولیس اور ریسکیو اداروں نے دھماکے کے فوری بعد امدادی کارروائیوں کا آغاز کردیا تھا اور لوگوں کو متاثرہ علاقے سے دور رہنے کی ہدایت کی تھی۔پولیس نے واقعے کے ایک روز بعد 5 ہلاکتوں کی تصدیق کرتے ہوئے بتایا کہ ملبے سے 5 افراد کی لاشیں ملی ہیں جب کہ 5 زخمی اسپتال میں زیر علاج ہیں۔پولیس کے مطابق کہ دھماکے کی تحقیقات جاری ہیں اور ملبے سے مزید افراد کو ڈھونڈنے کے لیے امدادی کارروائیوں کا سلسلہ بھی جاری ہے۔پولیس کا کہنا ہے کہ اب تک کی تحقیقات میں واقعے کا دہشت گردی سے کوئی تعلق ثابت نہیں ہوا ہے۔
