فیصل آباد(یونس چوہدری سے)فیصل آباد کے نواحی تھانہ صدر تاندلیانوالہ کے علاقہ میں تین افراد نے جواں سالہ دوشیزہ کو اغوا کرنے کی ناکامی پر اس کے والد کو ”کسی کے پے در پے وار کر کے بےدری سے موت کے گھاٹ اتار دیا“۔ اسلحہ لہرانے اور دھمکیاں دیتے ہوئے فرار ہوگئے اور مقدمہ کے تفتیشی افسر نے بھاری رشوت وصول کر کے تینوں ملزمان کو رہا کر دیا بلکہ ملزموں کو بے گناہ کرنے کی کوشش کر رہا ہے جبکہ مدعی مقدمہ مقتول کے بھائی کا کہنا ہے کہ ہم تھانے جاتے ہیں تو تفتیشی بے عزتی کر کے تھانہ سے باہر نکال دیتا ہے۔ ہماری کوئی شنوائی نہیں ہو رہی۔ ہمیں پولیس سے انصاف ملنے کی کوئی امید نہیں ہے۔ مقتول کے بھائی اور دیگر رشتہ دار خبریں آفس پہنچ گئے۔ یہاں مقتول عالم شیر کے بھائی گلزار احمد، فلک شیر نے اپنے عزیزوں کے ہمراہ بتایا کہ 6ستمبر 2018کی شب میرا بھائی عالم شیر اپنے گھر اہل خانہ کے ہمراہ سویا ہوا تھا کہ چک نمبر 417گ ب سمندری کا رہائشی عامر اپنے دو ساتھیوں کے ہمراہ گھر میں داخل ہو گیا اور اس کی 15سالہ بیٹی روبیہ کو زنا حرام کاری کےلئے اغوا کر کے ساتھ لےجانے کی کوشش کی کہ اس کے والد عالم شیر نے مزاحمت کرتے ہوئے اپنی بیٹی کی عزت بچا لی اور مزاحمت کرنے پر عامر نے اپنے ساتھیوں کے ہمراہ اسے قابو کر کے کسی کے وار کر کے قتل کر ڈالا اور فرار ہو گئے۔ تھانہ صدر تاندلیانوالہ پولیس نے واقعہ کا مقدمہ درج کر کے مرکزی ملزم عامر سمیت اس کے دونوں ساتھیوں شہباز اور دلدار کو گرفتار کر کے حوالات میں بند کر دیا اور بعد ازاں مقدمہ کی تفتیش ہومی سائیڈ یونٹ کے مہر آفتاب کے سپرد کر دی گئی۔ مگر اس نے ملزمان سے ساز باز کر لی اور بھاری رشوت لےکر تینوں ملزموں کو باعزت رہا کر دیا۔ ہم نے اس بارے میں تفتیشی افسر کو پوچھا تو اس نے بے عزت کر کے ہمیں تھانہ سے باہر نکال دیا۔ پولیس ہماری کوئی بات نہیں سن رہی۔ ایک سوال کے جواب میں مقتول کے بھائیوں نے بتایا کہ ہم نے چیف آف آرمی سٹاف اور سی پی او فیصل آباد کو درخواستیں دی ہیں۔ سی پی او نے ڈی ایس پی ریل بازار طاہر محمود کو انکوائری آفیسر مقرر کر دیا ہے۔ اس امر پر مقتول کے بھائیوں اور دیگر رشتہ داروں نے وزیراعلیٰ پنجاب، آئی جی پنجاب، آر پی او اور سی پی او فیصل آباد سے مطالبہ کیا ہے کہ نوٹس لےکر ملزموں کو کیفر کردار تک پہنچا کر انصاف و تحفظ فراہم کیا جائے۔ اس حوالہ سے مقدمہ تفتیشی افسر مہر آفتاب سے ان کے مطلوبہ موبائل نمبر پر رابطہ کیا گیا تو اس نے بتایا کہ میں ورکشاپ میں مصروف ہوں۔ بعد میں فون کرنا۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ عمران خان نے مذہب کی توہین پر عالمی قانون بنانے کیلئے جو بات کی ہے وہ صرف اسلام کیلئے نہیں بلکہ تمام مذاہب کیلئے ہے۔ سب س کی حمایت کریں گے۔ آج تک کسی حکومت نے اس مسئلے پر سنجیدگی سے توجہ نہیں دی۔ یو این او میں معاملہ لے کر جانے کی باتیں ہوتی رہیں لیکن لے کر نہیں گئے۔ ڈنمارک و ہالینڈ نے گستاخانہ خاکے چھاپے، جب ان سے احتجاج کرتے تھے تو ان کی حکومتیں یہ کہہ کر بری الذمہ ہو جاتی تھیں کہ ہمارے ہاں آزادی صحافت و اظہار ہے لہٰذا ہم کسی پر پابندی نہیں لگا سکتے۔ آزادی اظہار یہ نہیں ہوتا بلکہ وہ یہ ہوتا ہے کہ کسی ملک یا غیر ملکی معاملہ پر کوئی اپنی رائے دے سکتا ہے لیکن کسی مذہب کے بارے میں نہیں۔ کسی مذہب کی توہین کرنے کا آزادی رائے سے کوئی تعلق نہیں۔ مذہب ایمان کا درجہ رکھتا ہے۔ کسی کے دن کی توہین نہیں ہونی چاہئے۔ دنیا بھر میں امن، استحکام، رواداری کا ماحول پیدا کرنے کیلئے مذہب کی توہین کے جواب سے عالمی قانون بنانا ضروری ہے۔ انہوں نے مزید کہا کہ موجودہ حکوومت کو خراج تحسین پیش کرتا ہوں، اس نے آئی ایم ایف کے مسئلے پر جرا¿ت، ہمت و بہادری کا مظاہرہ کیا۔ انہوں نے کہا امریکی قانون میں شخصی بادشاہت نہیں، صدر آئین و اداروںکا پابند ہوتا ہے۔ مسلسل کہتا رہا ہوں کہ ٹرمپ جو مسلمانوں کو دھمکیاں دیتا رہا اس پر عملدرآمد نہیں کر سکتا کیونکہ بات ہی غیر قانونی ہے۔ اب پینٹاگون اور وزارت دفاع سے واضح بیان آ گیا ہے کہ پاکستان سے مل کر دہشتگردی کے خاتمے کی کوشش جاری رکھیں گے جبکہ امریکی صدر کہہ رہے ہیں کہ ہمیں ضرورت نہیں پاکستان نے ہمارے لئے کچھ نہیں کیا۔ صدر ٹرمپ کے پاس اب پہلے والی قوت نہیں رہی۔ 2 میں سے ایک ایوان میں وہ ہار چکے جہاں جیتے ہیں وہاں بھی صرف 4 ووٹوں سے جیت ہے۔ انہوں نے کہا کہ ہمارا شمار غریب ملکوں میں ہوتا ہے، قرضے لینے کیلئے عالمی اداروں کے پاس جانا پڑتا ہے لیکن اس دفعہ حکومت نے بڑی بہادری و جرا¿ت کے ساتھ آئی ایم ایف کی شرائط سے انکار کر دیا ہے۔ آئی ایم ایف کی شرائط کے چین سے معاہدات کی تفصیلات دیں اور قرضے کی رقم سی پیک منصوبے پر خرچ نہیں کریں گے یہ دونوں شرائط تذلیل آمیز تھیں جو کسی بھی آزاد ملک کے شایان شان نہیں تھیں۔ آئی ایم ایف نے قرضہ دینا ہے وہ یہ تو کہہ سکتا ہے کہ بجلی و گیس کی قیمت بڑھا دیں، ٹیکس میں اضافہ کر دیں لیکن ہماری خارجہ و داخلہ پالیسی میں مداخلت کرنے کا اس کو کوئی حق نہیں۔ عمران خان کو سلام کرتا ہوں کہ انہوں نے جس طرح آئی ایم ایف کو انکار کیا اس کے لئے بھی بڑا دل و گرودہ چاہئے تھا۔ اس کا مطلب یہ ہے کہ سابقہ حکومتیں جو ہر سال قرضہ لیتی رہیں وہ نہ مانے کیا کیا معلومات فراہم کرتی رہیں۔ سابق حکمران اگر ایسی باتیں مانتے رہے ہیں تو زیادتی کرتے رہے ہیں۔ انہوں نے کہا کہ وزیراعظم کے دورہ ملائیشیا کو بڑی اہمیت دیتا ہوں۔ مہاتیر محمد نے کیا معاشی پالیسیز کی تھیں جن کی بنیاد پر اپنے ملک کو اتنی ترقی دی؟ مسلمان ملکوں کو سارے دباﺅ کے باوجود ان سے سیکھنا چاہئے۔ میرے خیال میں عمران خان ان سے اس بارے میں ضرور پوچھیں گے۔ مفید مشورے مل سکتے ہیں۔ ملائیشیا وہ واحد ملک ہے جس کے مہاگیر محمد نے چین پر اعتراض کیا تھا کہ سی پیک منصوبے پر تمام لیبر چائنہ کی کیوں ہے؟ لوکل لیبر فورس کیوں استعمال نہیں کی جاتی؟ پاکستان میں کسی اخبار نے یہ خبر نہیں چھاپی صرف خبریں نے شائع کی تھی کہ پاکستان میں بھی چائنہ اپنی لیبر فورس استعمال کر رہا ہے۔ انہوں نے مزید ہا کہ مجھے ماہر معیاشیات نے بتایا تھا کہ ہمارے ہاں امپورٹ و ایکسپورٹ میں توازن درست نہیں۔ ملائیشیا ہم کو ایک ارب ڈالر سے زیادہ کا صرف پام آئل ایکسپورٹ کرتا ہے۔ ان سے بات کی جا سکتی ہے کہ آپ بھی ہم سے کچھ ایکسپورٹ کروائیں۔ سابق وزیرخزانہ سلمان شاہ نے کہا کہ مہاتیر محمد کے ساتھ دوستی کے تعلقات ہیں۔ پاکستان سے بھی ایکسپورٹ ملائیشیا جائیں تو توازن پیدا ہو سکتا ہے۔ وزیراعظم کے دورے کے دوران اصل بات اسی پر ہو گی کہ امپورٹ اور ایکسپورٹ میں توازن کو ٹھیک کیا جائے۔ انہوں نے مزید کہا کہ ابھی آئی ایم ایف سے بات جاری ہے، اس میں ٹائم لگتا ہے۔ اگر ہمیں سعودی عرب، چین، ملائیشیا، یو اے ای وغیرہ سے کوئی سپورٹ نظر آتی ہے تو ہمارے پاس بھی ابھی وقت ہے، آئی ایم ایف کے ساتھ فوری نہیں بلکہ اچھے معاہدے کی ضرورت ہے۔ ہم نے معیشتکو بہتر کرنا ہے۔ سرمایہ کاری ملک میں لانی ہے اگر اس پر انٹرسٹ بڑھا دیں گے تو سرمایہ کاری نہیں آئے گی۔ سینئرقانون دان علی ظفر نے کہا کہ لوٹی دوسلت باہر سے واپس لانے کا قانون موجود ہے۔ کمیٹی پر کمیٹی بنانے کا جواز نظر نہیں آتا۔ ٹیکس چھپا کر یا کرپشن و غیر قانونی پیسے سے پراپرٹی بنانے پر مختلف قانون موجود ہیں۔ قانون موجود ہے ہم اس کو نافذ نہیں کر سکے۔ انہوں نے مزید کہا کہ لوٹی دولت کی واپسی کے لئے اب نئی کمیٹی بنانا تو نہ ختم ہونے والا سلسلہ ہے۔ ہمیں پہلے مسائل کی شناخت کرنی چاہئے پھر اس کا حل ڈھونڈیں۔ پہلے یہ شناخت کرنے کی ضرورت ہے کہ غیر قانونی طور پر جائیداد کیوں اور کس طرح بنتی ہے تب تک ہم اس کا حل نہیں ڈھونڈ سکتے۔مذہبی سکالر علامہ راغب نعیمی نے کہا کہ جب ڈنمارک نے نازیبا خاکے چھاپے تھے، اس وقت بھی امت مسلمہ خاص طور پر پاکستان میں علماءکی جانب سے یہی تجویز تھی کہ اس حوالے سے عالمی سطح پر قانون سازی کرنی چاہئے۔ حضور کے جواب سے گستاخانہ خاکے، تحریر یا کوئی بھی چیز ہو، ہم بطور مسلمان اس کی اجازت نہیں دے سکتے۔ انہوں نے مزید کہا کہ یورپی یونین سے پچھلے دنوں ایک ایسی خاتون کی سزا کو بحال رکھا جس نے حضور کی شان ہیں نعوذ باللہ گستاخی کرنے کی غرض سے بڑے فورم و کانفرنسز منعقد کی تھیں۔ یہ قانون بھی آزادی اظہار کے نام پر یہ سب کر رہی تھی لیکن یورپ نے مسلمانوں کے موقف کو تسلیم کیا۔ اب برف پگھل رہی ہے۔ حکومت مذہب کی توہین پر قانون سازی کے لئے عالمی سطح پر بھرپور کوشش کرے، علماءکا تعاون ان کے ساتھ رہے گا۔سابق سفیر سیدہ عابدہ حسین نے کہا ہے کہ امریکی سٹیبلشمنٹ نے دہشتگردی کے حاتمے کیلئے پاکستان سے مل کر کوششیں جاری رکھنے کی وضاحت کی ہے، انہوں نے صدر سے اختلاف کا اظہار کیا ہے۔ انہوں نے مزید کہا صدر ٹرمپ اکثر خارجہ امور میں بہکے بہکے بیان دیتے رہے ہیں لیکن ان کے بیانات کو سنجیدگی سے نہیں لینا چاہئے اس کی جگہ سٹیبلشمنٹ کا بیان اہمیت کا حامل ہے۔

اسلام آباد(ویب ڈیسک) صدر ڈونلڈ ٹرمپ کے بیان پر پاکستان کے سخت ردعمل اور احتجاج کے بعد امریکی حکام نے سفارتی سطح پر پاکستان سے رابطہ کیا ہے۔سفارتی ذرائع کے مطابق سینئر امریکی حکام نے پاکستان کی جانب سے ردعمل آنے کے بعد وزارت خارجہ سے رابطہ کیا اور واضح کیا کہ امریکا کو پاکستان کی طرف سے کیے گئے تعاون کی قدر ہے اور امریکا کو پاکستان کے مزید تعاون کی ضرورت رہے گی۔ذرائع کا کہنا ہے کہ امریکی حکام نے سفارتی سطح پررابطہ جاری رکھنےکی یقین دہانی بھی کرائی اور مائیک پومپیو کے دورہ میں کیے گئے فیصلوں پربات جاری رکھنے کی بات کی۔امریکی حکام کی جانب سے دوطرفہ رابطے جاری رکھنے پر اتفاق بھی کیا گیا۔واضح رہے کہ پاکستان نے امریکی صدر ڈونلڈ ٹرمپ کی جانب سے بے بنیاد الزامات پر شدید احتجاج کرتے ہوئے اسے ناقابل قبول قرار دیا، دفتر خارجہ نے امریکی سفارت خانے کے ناظم الامور پال جونز کو طلب کرکے امریکی صدر کے حالیہ ٹویٹس پر مایوسی کا اظہار اور پاکستان کے حوالے سے غیر ضروری اور بے بنیاد الزامات پر سخت احتجاج کیا۔وزیراعظم عمران خان نے بھی امریکی صدر کے پاکستان مخالف بیان پر ردعمل دیتے ہوئے کہا تھا کہ ٹرمپ کے غلط بیانات زخموں پر نمک چھڑکنے کے مترادف ہیں، ہم امریکی جنگ میں بہت نقصان اٹھا چکے اب وہی کریں گے جو ہمارے مفاد میں ہوگا۔ڈونلڈ ٹرمپ نے اپنی ٹوئٹ میں پاکستان پرتنقید کرتے ہوئے کہا تھا کہ پاکستان نے ہم سے اربوں ڈالرز لیے لیکن بدلے میں کچھ نہیں کیا۔