All posts by Daily Khabrain

کھیل

پی ایس ایل 4 ڈرافٹنگ: لاہورقلندرز نے ڈی ویلیئرز اور محمد حفیظ کو چن لیا

اسلام آباد(ویب ڈیسک) پاکستان سپر لیگ ( پی ایس ایل) کے چوتھے ایڈیشن کے لیے کھلاڑیوں کی ڈرافٹنگ کی تقریب اسلام آباد میں جاری ہے، جس کے دوران لاہور قلندرز نے سابق جنوبی افریقی کپتان اے بی ڈی ویلیئرز اور آل راو¿نڈر محمد حفیظ کو چن لیا۔اسلام آباد میں جاری تقریب کے دوران ایونٹ میں شامل 6 فرنچائز 633 ملکی و غیر ملکی کھلاڑیوں میں سے اپنی اپنی ٹیم کے لیے ناموں کا انتخاب کر رہی ہیں۔ایونٹ میں پشاور زلمی، کراچی کنگز، لاہور قلندرز، اسلام آباد یونائیٹڈ، کوئٹہ گلیڈی ایٹرز اور چھٹی ٹیم شامل ہے جس کی فرنچائز کا اب تک اعلان نہیں کیا گیا۔ ڈرافٹنگ میں شامل کھلاڑیوں کو پلاٹینئم، ڈائمنڈ، گولڈ، سلور اور ایمرجنگ کیٹیگریز میں تقسیم کیا گیا۔واضح رہے کہ پی ایس ایل میں کئی نامور غیر ملکی کرکٹرز پہلی مرتبہ حصہ لے رہے ہیں جن میں اے بی ڈی ویلیئرز، آسٹریلیا کے اسٹیون اسمتھ اور نیوزی لینڈ کے کوری اینڈرسن شامل ہیں جنہیں پلاٹینئم کیٹیگری میں رکھا گیا ہے۔ڈائمنڈ کیٹیگری میں بین کٹنگ، کریگ اورٹن، ڈینئل کرسچن، مجیب الرحمان، کیمر روچ، سولومون مائر، پال اسٹرلنگ، شمرون ہیتمیر اور مارک ووڈ شامل ہیں۔ڈرافٹنگ کے دوران پہلی باری لاہور قلندرز کی تھی، جس نے سب سے پہلے پلاٹینئم کیٹیگری میں جنوبی افریقا کے سابق کپتان اے بی ڈی ویلیئرز کو چنا۔لاہور قلندرز نے پلاٹینئم کیٹیگری میں محمد حفیظ اور ڈائمنڈ کیٹیگری میں کارلوس بریتھ ویٹ اور کورے اینڈرسن کا انتخاب کیا۔لاہور قلندر نے گولڈ کیٹیگری میں نیپال کے سندیپ، سلور کیٹیگری میں حارث سہیل، شاہین آفریدی، آغا سلمان، سہیل اختر اور حسن خان کا انتخاب کیا جب کہ ایمرجنگ کیٹیگری میں محمد عمران اور عمیر مسعود کو منتخب کیا گیا۔

شوبز

شادی کے بعد فوٹوگرافرز کے ’بھابھی جی‘ کہنے پر دپیکا پڈوکون کا قہقہہ

ممبئی(ویب ڈیسک)دپیکا پڈوکون اور رنویر سنگھ پر مشتمل بالی وڈ کا دلکش جوڑا گزشتہ ہفتے اٹلی میں شادی کے بندھن میں بندھا، یہ جوڑا اب اپنی شادی کی پہلی استقبالیہ تقریب کے لیے ممبئی سے بنگلور روانہ ہوگیا ہے۔ممبئی ایئرپورٹ سے روانہ ہوتے وقت دپیکا اور رنویر نے خوب تصاویر بنوائیں۔ اس موقع پر فوٹوگرافرز نے دپیکا کو ‘بھابھی جی’ کہہ کر پکارا جب کہ رنویر سنگھ کو ‘رنویر بابا’ کہہ کر مخاطب کیا۔اس ویڈیو میں دیکھا جاسکتا ہے کہ دپیکا ‘بھابھی جی’ سن کر خوشی سے ہنس پڑیں۔ بنگلور روانگی کے موقع پر نوبیاہتا جوڑے نے سفید رنگ کے ملبوسات زیب تن کر رکھے تھے۔دپیکا پڈوکون نے کریمی مائل سفید انار کلی فراک پہن رکھی تھی، جس کے ساتھ سرخ اور سنہری امتزاج کی چوڑیوں اور چاندی کی بالیوں کا انتخاب کیا گیا، ساتھ ہی گلے میں بھاری نیکلس کے بجائے وہ ایک چھوٹی زنجیر پہنی دکھائی دیں جس میں ہیرے کا لاکٹ جڑا تھا۔دوسری جانب رنویر سنگھ سفید رنگ کے کرتے پاجامے کے ساتھ سفید فلورل (پھولدار) ویسکوٹ میں نظر آئے۔دونوں کی شادی کی پہلی استقبالیہ تقریب کل بنگلور میں ہوگی جس میں دپیکا اور رنویر کے دوست اور رشتہ دار شریک ہوں گے جبکہ بالی وڈ کے چند اسٹارز کی شرکت بھی متوقع ہے۔شادی کی دوسری استقبالیہ تقریب 28 نومبر کو ممبئی میں منعقد کی جائے گی جس میں بالی وڈ کے نامور ستاروں کی شرکت یقینی ہے۔یاد رہے کہ دپیکا اور رنویر گزشتہ ہفتے 14 نومبر کو اٹلی کے خوبصورت ترین مقام ‘لیک کومو’ میں رشتہ ازدواج میں منسلک ہوئے تھے، جہاں صرف مخصوص مہمانوں کو ہی مدعو کیا گیا تھا۔ اس موقع پر شادی کی تصاویر لیک نہ ہونے کا بھی خاص خیال رکھا گیا تھا، لیکن بعدازاں دپیکا اور رنویر نے خود تصاویر سوشل میڈیا پر پوسٹ کیں، جنہیں مداحوں کی جانب سے بہت سراہا گیا۔

اہم خبریں, پاکستان

پاکستان اور چین کے درمیان کراچی سے پشاور کے درمیان ٹریک کی اپ گریڈیشن کا معاہدہ

لاہور(ویب ڈیسک)پاکستان اور چین کےدرمیان کراچی سے پشاور کے درمیان ریلوے ٹریک کی اپ گریڈیشن کا معاہدہ طے پاگیا۔لاہور میں پاکستان ریلوے کے ہیڈ کوارٹر میں پاکستان اور چین کے درمیان معاہدے پر دستخط ہوئے۔اس موقع پر پریس کانفرنس کرتے ہوئے شیخ رشید نے کہا کہ پاکستان اور چین ایک دوسرے کی دوستی پر بھروسہ کرتے ہیں، پاکستان اور چین کے درمیان ریلوے کے شعبے میں تعاون خوش آئند ہے، پاکستان میں ریل سروس بہت پیچھے رہ گئی ہے، ہم اسے آگے لے جانا چاہتے ہیں۔انہوں نے بتایا کہ 23 نومبر کو وزیراعظم چار ٹرینوں کا افتتاح کریں گے اور وزیراعظم نے لاہور ہیڈ کوارٹرز کے دورے کی دعوت قبول کی ہے۔شیخ رشید نے مزید کہا کہ میرا خواب پورا ہو رہا ہے ، 14 سال پہلے اس منصوبے کا سوچا تھا، ہمارے 1700 کلومیٹر ٹریک کی پٹڑی ا?ج بھی ویران پڑی ہے۔ان کا کہنا تھا کہ آئی ایم ایف وقت کی ضرورت ہے، اپنی ضرورت کے مطابق آئی ایم ایف کی ضرورت ہے، آئی ایم ایف کے پاس جانے کی کڑوی گولی کھانی پڑجاتی ہے۔شیخ رشید نے اعلان کیا کہ 11 دسمبر کو ریلوے میں 10 ہزار ملازمتوں کا اشتہار دیا جارہاہے، زندہ رہا تو ایک لاکھ ملازمتیں دے کر جاو¿ں گا۔وزیر ریلوے نے سابق صدر کو ہدفِ تنقید بناتے ہوئے کہا کہ زرداری نےکمیشنیں نہ کھائی ہوتیں تو آج ریلوے کا محکمہ کہاں سے کہاں پہنچ چکا ہوتا، مجھےخطرہ ہے زرداری کہیں بلاول کی سیاست بھی نہ لے ڈوبیں، آنے والے وقت میں زرداری اور بلاول کی سیاسی راہیں جدا نظر آتی ہیں۔ان کا کہنا تھاکہ نوازشریف کی پوری کوشش ہے ان کی سیاست چاہےختم ہو، مریم کی سیاست بچ جائے، چیئرمین سینیٹ بہت اچھے آدمی ہیں، ہم سیاستدان لوگوں سے غلط بیانی کرتے رہتے ہیں۔ایک سوال کے جواب میں شیخ رشید نے کہا کہ عمران خان نے بہت محنت کی ہے، حکمت عملی کی تبدیلی یوٹرن نہیں۔

اہم خبریں, پاکستان

دہشتگردی کیخلاف جنگ میں سب سے بھاری قیمت چکائی، دنیا اسے تسلیم کرے: آرمی چیف

راولپنڈی(ویب ڈیسک)پاک فوج کے سربراہ جنرل قمر جاوید باجوہ کا کہنا ہے کہ ہم نے دہشت گردی کے خلاف جنگ کی سب سے زیادہ فوجی، اقتصادی، سیاسی اورسماجی قیمت چکائی لہٰذا دنیا ہماری اس قربانی کو تسلیم کرے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے اپنے بیان میں کہا ہےکہ پاکستان نے دہشت گردی کے خلاف کامیاب جنگ لڑی اور علاقائی امن کیلئے کام کیا، پاکستان نے دہشت گردی کے خلاف کامیابیاں حاصل کی ہیں۔انہوں نے کہا کہ ہم نے دہشت گردی کے خلاف جنگ کی سب سے بھاری فوجی، اقتصادی، سیاسی اور معاشرتی قیمت چکائی ہے لہٰذا دنیا ہماری اس قربانی کو تسلیم کرے۔آئی ایس پی آر کے مطابق آرمی چیف جنرل قمر جاوید باجوہ نے مزید کہا کہ پاکستان نے افغانستان میں کسی بھی ملک سے زیادہ امن کیلئے کام کیا، ہم افغانستان میں امن کیلئے کردار جاری رکھیں گے لیکن پاکستان کی عزت اور سلامتی ہمیشہ اولین ترجیح رہے گی۔

اہم خبریں, پاکستان

پاکستان کا آئی ایم ایف کی کچھ شرائط ماننے سے انکار، مذاکرات بے نتیجہ ختم

اسلام آباد(ویب ڈیسک)پاکستان نے آئی ایم ایف کے بعض مطالبات تسلیم کرنے سے انکار کردیا جس کے بعد مذاکرات کا پہلا دور بغیر کسی نتیجے کے ختم ہوگیا۔پاکستان اور آئی ایم ایف کے درمیان مذاکرت پچھلے دو ہفتے سے جاری تھے جس میں ا?ئی ایم ایف کی جانب سے پاکستان کی مالی امداد کے لیے سخت شرائط سامنے آئیں۔ذرائع کے مطابق پاکستان اور آئی ایم ایف کے درمیان مذاکرات کا پہلا دور بغیر کسی نتیجے کے ختم ہوگیا۔ذرائع کا کہنا ہےکہ آئی ایم ایف اور پاکستان پ±ر امید ہیں کہ اگلے سال 15 جنوری سے قبل کسی نتیجے پر پہنچیں گے۔ذرائع کے مطابق پاکستان نےآئی ایم ایف کےکچھ مطالبات تسلیم کرنے سے معذرت کرلی ہے جس میں روپے کی قیمت میں کمی، ٹیکسوں کی شرح بڑھانے اور بجلی کی قیمتوں میں اضافے پر ڈیڈ لاک برقرار ہے۔ذرائع نے بتایا کہ آئی ایم ایف کی جانب سے پاکستان سے 20 سے 22 فیصد تک بجلی کی قیمت میں اضافے کا مطالبہ کیا گیا جس سے پاکستان نے معذرت کرلی۔ذرائع کا کہنا ہےکہ پاکستان نے چین سے مالی معاونت کی تفصیلات فراہم کرنے سے بھی معذوری ظاہر کی ہے اور مو¿قف اختیار کیا ہےکہ ہماری کچھ ریڈ لائنز ہیں جنہیں عبور نہیں کیا جاسکتا۔ذرائع کے مطابق پاکستان کا وفد مذاکرات کے بارے میں اپنی رپورٹ پیش کرےگا جس کے بعد آئی ایم ایف کا وفد دوبارہ پاکستان آنے کے بارے میں فیصلہ کرے گا۔وزارت خزانہ نے پاکستان اور آئی ایم ایف کے درمیان ہونے والے مذاکرات کا اعلامیہ جاری کردیا ہے جس میں کہا گیا ہے کہ آئی ایم ایف سے مذاکرات میں قابل ذکر پیش رفت ہوئی ہے۔وزارت خزانہ کے مطابق آئی ایم ایف سے پالیسی اور ڈھانچہ جاتی اصلاحات کی بنیاد پر پروگرام پر بات ہوئی، مالی ادائیگیوں کے دیرپا توازن کو بہتر بنانے کیلئے حکومتی مداخلت جیسے مسائل زیر بحث آئے۔اعلامیے کے مطابق آئی ایم ایف سے مذاکرات میں غربت کم کرنے کیلئے اخراجات، گورننس کے امور پر بات چیت ہوئی۔وزارت خزانہ کے مطابق ترقی اور کاروبار کے ماحول کو دوستانہ بنانے کے امور پر بات بھی چیت ہوئی۔وزارت خزانہ کا کہنا ہے کہ حکومت اقتصادی و سماجی بہتری کیلئے آئی ایم ایف کی مدد کو سراہتی ہے، آئی ایم ایف وفد نے 7 نومبر سے 20 نومبر تک پاکستان کا دورہ کیا، وفد نے وزارت خزانہ، منصوبہ بندی، اسٹیٹ بینک جیسے اہم اداروں سے بات چیت کی، اراکین پارلیمنٹ اور صوبائی وزرائے خزانہ سے بھی تبادلہ خیال کیا۔

کھیل

نئی ٹیسٹ رینکنگ جاری: 10 بہترین بلے بازوں میں کوئی پاکستانی شامل نہیں

دبئی(ویب ڈیسک) انٹرنیشنل کرکٹ کونسل ( آئی سی سی ) نے نئی ٹیسٹ رینکنگ جاری کردی جس کے مطابق پاکستان کا کوئی بلے باز ابتدائی 10 بہترین بیٹسمینوں میں شامل نہیں جب کہ بولنگ کے شعبے میں محمد عباس تیسرے نمبر پر موجود ہیں۔نئی آئی سی سی ٹیسٹ رینکنگ میں بیٹنگ کے شعبے میں ویرات کوہلی 935 پوائنٹس کے ساتھ سرفہرست ہیں جب کہ ایک سالہ پابندی کا شکار ہونے والے آسٹریلیا کے اسٹیو اسمتھ 910 پوائنٹس کے ساتھ دوسرے نمبر پر ہیں۔نیوزی لینڈ کے کپتان کین ولیمسن تیسری پوزیشن پر براجمان ہیں، پاکستان کے اظہر علی کا فہرست میں 15واں نمبر ہے جب کہ اسد شفیق 23ویں اور کپتان سرفراز احمد 33ویں نمبر پر ہیں۔بولنگ کے شعبے میں جیمز اینڈریسن بدستور پہلی پوزیشن پر قبضہ جمائے ہوئے ہیں، جنوبی افریقا کے کگیسو رابادا دوسرے اور پاکستان کے محمد عباس تیسری پوزیشن پر موجود ہیں جب کہ یاسر شاہ نے دو درجہ ترقی پا کر 19ویں پوزیشن حاصل کرلی۔آل راو¿نڈرز کی رینکنگ میں بنگلادیش کے شکیب الحسن پہلی، بھارت کے روندرا جدیجا دوسری اور ویسٹ انڈیز کے جیسن ہولڈر تیسری پوزیشن پر موجود ہیں اور پاکستان کا کوئی آل راو¿نڈر ابتدائی 20 بہترین آل راو¿نڈرز میں شامل نہیں۔

اہم خبریں, پاکستان

ڈیم فنڈ ریزنگ مہم کیلئے چیف جسٹس ایک ہفتے کے نجی دورے پر برطانیہ روانہ

اسلام آباد (ویب ڈیسک)چیف جسٹس آف پاکستان جسٹس ثاقب نثار ایک ہفتے کے نجی دورے پر برطانیہ روانہ ہوگئے جہاں وہ لندن، برمنگھم اور مانچسٹر میں ڈیم کی تعمیر کے لیے فنڈ ریزنگ تقاریب میں شرکت کریں گے جب کہ ڈیم کی تعمیرکے لیے جیو نیوز انٹرنیشنل پر جمعہ (23 نومبر) کو مانچسٹر سے لائیو ٹیلیتھون بھی ہوگی۔چیف جسٹس آف پاکستان بدھ (21 نومبر)کو لنکن اِن میں پاکستان کے مستقبل کے حوالے سے منعقد تقریب میں شرکت کریں گے۔جمعرات (22 نومبر) کو وہ بیٹر فار پالیسی ڈائیمنشن کے زیر اہتمام منعقدہ استقبالیے میں شریک ہوں گے۔جمعہ 23 نومبر کو چیف جسٹس مانچسٹر میں فنڈریزنگ ڈنر میں شریک ہوں گے۔مانچسٹرمیں فنڈریزنگ پاکستان تحریک انصاف (پی ٹی آئی) کے رہنما اور وزیراعظم عمران خان کے دوست انیل مسرت کی جانب سے منعقد کرائی جارہی ہے۔ڈیم کی تعمیرکے لیے جیو نیوز انٹرنیشنل پر جمعہ کو مانچسٹر ہی سے لائیو ٹیلیتھون بھی منعقد کی جائےگی۔عمران خان لوورز یوکے اینڈ یورپ کے مطابق ان کی جانب سے فنڈریزنگ کی ایک تقریب 25 نومبر کو منعقد کی جائے گی۔26 نومبر کو چیف جسٹس ورلڈ کانگریس اوورسیز پاکستان کے زیر اہتمام تقریب میں کمیونٹی سے ملاقات کریں گے جبکہ یوکے چیمبر آف کامرس اینڈ انڈسٹریز کے تحت بھی فنڈ ریزنگ کی تقریب ہوگی۔

دلچسپ و عجیب

خود کو ڈریکولا سمجھنے اور ایک شخص پر حملہ کرنے والی لڑکی گرفتار

ماسکو (ویب ڈیسک ) روس میں ایک 22 سالہ لڑکی کو پولیس نے گرفتار کرلیا جس کا دعویٰ ہے کہ وہ اصل ویمپائر (ڈریکولا) ہے لیکن پولیس نے اسے اپنے دعوے کی بجائے اسے ایک ایسے شخص پر حملہ کرنے کے جرم میں پکڑا ہے جسے وہ وروولف (ایک بھیڑیا نما انسان) سمجھتی تھی۔ یہ واقعہ نووسی برسک شہر میں پیش آیا جہاں ایک لڑکی الیکٹرینا ٹرسکایا نے مشہور ٹی وی شو ’دی ویمپائر ڈائریز‘ بار بار دیکھا اور وہ خود کو ویمپائر سمجھنے لگی۔ اس کے بعد اس نے خنجر سے ایک شخص پر وار کیا جس کے بعد اسے ڈھائی سال کی سزا سنادی گئی۔واقعہ کچھ یوں ہے کہ الیکٹرینا کی سوشل میڈیا پر ایک شخص سے ملاقات ہوئی جس کے بعد دونوں نے ملنے کا فیصلہ کیا۔ الیکٹرینا کچھ دن اس شخص کے پاس رہی اور ایک روز صبح بیدار ہونے پر وہ طیش میں آگئی اور اس نے خون کا تقاضا کرنا شروع کردیا اور کہا کہ وہ ایک ویمپائر ہے۔اس کے بعد لڑکی نے چھری اٹھا کر اپنے دوست پر حملہ کردیا۔ اس موقع پر لڑکے نے لڑکی کا ہاتھ موڑ کر اس سے چھری چھین لی لیکن اگلے ہی لمحے لڑکی نے دوسری چھری اٹھا کر اس کے سینے پر وار کرنے کی کوشش کی جس سے ہلکی خراش آئی۔ اس دوران لڑکی خود کو ویمپائر کہتی رہی۔

صحت

آپ کی جلد اور موسمِ سرما

ؒلاہور (ویب ڈیسک) موسم نے کروٹ بدلی ہے اور سردی کے ساتھ ہی آپ کو اپنی جلد کی فکر ہوگئی ہے۔ یقیناً خشک اور کھردری ہوجانے کے ساتھ اس موسم میں اکثر خواتین جلد پھٹنے کی شکایت بھی کرتی ہیں۔ اس کا سبب ہوا میں نمی کا تناسب کم ہونا ہے، لیکن سرد موسم میں خود پر تھوڑی سی توجہ دیں اور احتیاط کریں تو آپ اپنی جلد کی خوب صورتی اور صحت برقرار رکھ سکتی ہیں۔سردیوں میں گرم پانی کا استعمال عام بات ہے۔ آپ اپنے کچن میں روزمرہ کے کام انجام دے رہی ہوں یا غسل کرنا ہو، ہر ایسی ضرورت کے لیے گرم پانی استعمال کیا جاتا ہے۔ ماہرین کے مطابق زیادہ دیر تک گرم پانی سے نہانا بھی جلد کو خشک کردیتا ہے۔ اس لیے سرد موسم میں ضرورت سے زیادہ گرم پانی جسم پر نہ ڈالیں۔جلد کی حفاظت کے لیے نہانے سے پہلے پانی میں بے بی آئل یا کوئی اچھا تیل لے کر اس کے چند قطرے پانی میں ڈال لیں۔ اسی طرح سرسوں یا کھوپرے کے تیل سے جسم کی مالش کریں تو آپ کی جلد تروتازہ اور شاداب رہنے کے ساتھ خشک بھی نہیں رہے گی۔یاد رہے کہ نہانے کے بعد بدن کو اچھی طرح خشک کریں اور باڈی لوشن کا استعمال یقینی بنائیں۔ سوتے وقت جلد پر کولڈ کریم مَلنا بھی خشکی اور کھردراہٹ سے بچا سکتا ہے۔ ماہرین کے مطابق چہرے کی صفائی کے لیے بیسن کا لیپ بہترین ثابت ہوتا ہے۔ اس سے چہرہ چکنائی سے پاک اور فریش ہوجاتا ہے۔ بعض خواتین کی جلد قدرتی طور پر خشک ہوتی ہے اور صرف موسم سرما ہی ان کے لیے مسئلہ نہیں بنتا بلکہ عام دنوں میں بھی وہ خشکی اور جلد پھٹنے کی شکایت کرتی ہیں۔ ان کے لیے لوشن اور موسچرائز کلینر کا استعمال فائدہ مند ہوسکتا ہے۔سردیوں میں ایک مسئلہ ہاتھوں کی جلد اترنے کا بھی سامنے آتا ہے۔ یہ عام بات ہے۔ تاہم خواتین اس معاملے میں بہت حساس ہوتی ہیں اور ان کو اپنی خوب صورتی اور دل کشی متاثر ہونے کا ڈر رہتا ہے۔ اس کا ایک عام حل یہ ہے کہ گلاب کے عرق میں دو چمچے گلیسرین، ایک بڑے لیموں کا رس ملا کر کسی بوتل میں محفوظ کرلیں۔ رات کو سوتے وقت اس محلول سے مساج کریں اور صبح دھو لیں تو ایسی شکایت نہیں ہو گی۔
سردیوں میں معیاری کولڈ کریم اور موسچرائزر کا استعمال جلد میں ضروری نمی برقرار رکھتا ہے اور یوں آپ موسم کے اثرات سے اپنی جلد کو محفوظ رکھ سکتی ہیں۔ ماہرینِ صحت کے مطابق سرد موسم میں جلد کو تروتازہ رکھنے کے لیے زیادہ پانی پینا چاہیے جب کہ گرم مشروبات کا استعمال بہت کم کرنا چاہیے۔ یہ جسم سے پانی کے اخراج کا سبب بنتے ہیں اور جلد کی نمی کا توازن بگڑ جاتا ہے جس سے خشکی بڑھ جاتی ہے۔سردیوں میں مالٹے، سنگترے، گاجر، مولی اور دیگر موسمی پھلوں سے بھی جسم میں پانی کی کمی پوری کی جاسکتی ہے اور پانی پینے سے ہم اپنی جلد کے لیے ضروری نمی حاصل کرسکتے ہیں۔ اس کے علاوہ ماہرینِ صحت و امراض کے نزدیک خشک میوہ جات اپنے اندر تمام ضروری غذائیت رکھتے ہیں، ان میں وٹامن ای، کیلیشیم، فاسفورس، فولاد اور میگنیشیم موجود ہوتا ہے جب کہ زنک، تانبا بھی مناسب مقدار میں پایا جاتا ہے، جو جلد کی خشکی دور کرکے نمی کو برقرار رکھتا ہے۔ اس کے ساتھ شکر قندی کا ایک جزو بیٹا کروٹین جسم میں جاکر وٹامن اے میں تبدیل ہوجاتا ہے۔

اہم خبریں, پاکستان

وزیر اعظم کی رحمت العا لمین کا نفرنس میں شرکت

 اسلام آباد: وزیراعظم عمران خان ’عالمی رحمت اللعالمین کانفرنس‘ سے آج خطاب کریں گے۔2روزہ بین الاقوامی رحمت اللعالمین کانفرنس آج جناح کنونشن سینٹر اسلام آبادمیں ہو گی۔ کانفرنس کے پہلے روزوزیراعظم عمران خان خطاب کریں گے جبکہ دوسرے روزکے اختتامی سیشن میں صدرمملکت عارف علوی شرکت کریں گے جب کہ رحمت اللعالمین کانفرنس میں علما، اسکالرزاورغیرملکی وفود بھی شرکت کریں گے۔وزیراعظم آفس کی طرف سے جاری اعلامیہ میں کہاگیاہے کہ کانفرنس میں شرکت کیلیے عالمی مذہبی اسکالرزپاکستان پہنچ گئے ہیں، وزیراعظم کی ہدایت پرکانفرنس کی حتمی تیاریوں کیلیے حکام کااہم اجلاس بھی ہوا، جس میں وفاقی وزیرمذہبی امورنورالحق قادری اور وزیراطلاعات فوادچوہدری،وزیراعظم کے معاونین خصوصی افتخاردرانی اورذوالفقاربخاری بھی شامل ہوئے، اجلاس میں کانفرنس کی تیاریوں کاجائزہ لیا گیا۔وزیر اعظم کی کانفرنس میں شرکت اورخطاب کوبھی حتمی شکل دیدی گئی، کانفرنس میں بھارت، ایران، سعودی عرب اورمصر سمیت دیگرممالک کے اسکالرشرکت کریں گے۔عراق سے ڈاکٹرعمارنقشوانی پاکستان پہنچ گئے،عمار نقشوانی دنیاکے500 بااثر مسلمانوں میں کم عمرترین مذہبی اسکالرہیں، وفاقی وزیر مذہبی امورنور الحق قادری نے ڈاکٹرعمارکااستقبال کیا۔