اسلام آباد، راولپنڈی، حافظ آباد، سکھیکی، نوشہرہ، فیصل آباد، ملتان (نمائندگان خبریں) پنجاب بھر میں 610 ٹریفک حادثات میں 21 افراد جاں بحق جبکہ 757 زخمی ہوگئے، زخمیوں کو فوری طور پر نزدیکی اسپتالوں میں منتقل کیا گیا جبکہ 231 افراد معمولی زخمی ہوئے جنہیں ریسکیو ٹیموں نے جائے حادثہ پر فوری ابتدائی طبی امداد فراہم کی۔پنجاب کے مختلف اضلاع میں ٹریفک حادثات کے دوران 20 افراد جان کی بازی ہارگئے جن کی میتیں ضروری کارروائی کے بعد ورثائ کے حوالے کردی گئیں۔ریسکیو 1122 کے صوبائی مانیٹرنگ سیل کو موصول ہونیوالی ایمرجنسی کالز کے مطابق ٹریفک حادثات میں 286 ڈرائیور، 16کم عمر ڈرائیور، 371 مسافر اور 100 پیدل چلنے والے افراد متاثر ہوئے۔اعداد و شمار سے ظاہر ہوتا ہے کہ 113 ٹریفک حادثات کی کالز لاہور کنٹرول روم میں موصول ہوئیں، جن میں صوبائی دارالحکومت 103 متاثرین کے ساتھ پہلے، فیصل آباد 59 حادثات میں 64 متاثرین کے ساتھ دوسرے اور ملتان 33 حادثات میں 32 متاثرین کے ساتھ تیسرے نمبر پررہا۔واضح رہے کہ ٹریفک حادثات کے کل 757 متاثرین میں 637 مرد اور 120 خواتین شامل ہیں جبکہ زخمی ہونیوالوں میں 86 افراد کی اوسط عمر 18 سال سے کم اور 478 افراد کی اوسط عمر 18 سے 40 سال کے درمیان جبکہ 193 زخمی افراد کی اوسط عمر 40 سال سے زائد ہے۔بیشتر واقعات میں 463 موٹر سائیکلز، 97 آٹو رکشے، 67 موٹر کاریں، 35 مسافر بسیں، 29 ٹرک اور 93 دوسری اقسام کی گاڑیاں شامل ہیں۔ نوشہرہ مصری بانڈہ کے رہائشی افراد کاراو¿نڈ لاہورجانے والے تین مزدہ گاڑیوں کا موٹر وے حافظ آباد کے قریب ٹریفک کا المناک حادثہ، حادثے میں 19 افراد جاں بحق ہوگئے جبکہ 71 افراد زخمی ہوگئے جن میں سے بارہ زخمیوں کی حالت تشویشناک بتائی جارہی ہے۔ جبکہ 32 معمولی زخمیوں کو علاج معالجہ کے بعد فارغ کردیا جبکہ 39 زخمی مختلف ہسپتالوں میں زیر علا ج ہیں‘ حادثہ شدید دھند اور سموگ کی وجہ سے پیش آیا۔ تفصیلات کے مطابق گزشتہ رات نوشہرہ کے علاقے مصری بانڈہ سے تبلیغی حضرات جو راﺅنڈ تبلیغی اجتماع میں شرکت کےلئے راﺅنڈ لاہور جارہے تھے کہ حافظ آباد موٹر وے پر شدید دھند کے باعث سیمنٹ سے بھرے ٹرالے سے مزدہ گاڑی ٹکرا گئی جب چار مذید گاڑیاں بھی ٹکرا گئی جس میں تین مزدہ ٹرکوں کا تعلق مصری بانڈہ نوشہرہ سے تھا۔ جس میں94 سے زائد افراد سوار تھے ۔ چار افراد کو معمولی خراش تک نہیں آئی جبکہ 71 افراد زخمی ہوگئے جبکہ 19 افراد جاں بحق ہوگئے۔ جاں بحق ہونے والوں میں خوشنود ولد فروش خان، طاہرخان ولد افسرخان، حامد الحق ولد شریف خان، چمن کاکا، میاں مظاہر شاہ ، منور خان پوتاشریف خان ، عامر، صفدر خان ، میراوس، مولانا کفایت الحق ولد مولانا عبدالصمد،مختیار، زرتاج محمدخان، نیک آمان اللہ، فقیراللہ، عطاءاللہ، مجاہد، احمد، مراد اور ارشاد جان ساکنان مصری جاں بحق ہوگئے جبکہ زخمیوں میں 32 کو علاج کے بعد فارغ کردیاگیا۔ جبکہ 39 مریض مختلف ہسپتالوں میں زیر علاج ہیں جن میں 12 کی حالت تشویشناک ہے حادثہ اتنا شدید تھا کہ ہلاک او ر زخمیوں کونکالنے میں کئی گھنٹے لگ گئے۔زخمی ہونے والے افراد کے نام معلوم نہ ہوسکے۔ موٹروے پر 7 سے زائد گاڑیاں آپس میں ٹکرا گئیں ¾ زخمیوں کو پنڈی بھٹیاں ہسپتال منتقل کردیاگیا ¾ 2 کی حالت تشویشناک ¾ جاں بحق ہونے والے بعض افراد کی شناخت نہ ہوسکی۔

راولپنڈی (این این آئی)آرمی چیف جنرل راحیل شریف سے برطانیہ میں کیمبرین پٹرول مشقوں میں سونے کا تمغہ جیتنے والی پاک فوج کی ٹیم نے ملاقات کی۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے شاندار کارکردگی دکھانے اور قومی پرچم سربلند کرنے پر ٹیم کو مبارکباد دی۔کیمبرین پٹرول مشقیں 14 سے 23 اکتوبر تک برطانیہ میں منعقد ہوئیںجن میں دنیا کے 122 ملکوں کی افواج نے حصہ لیا۔رواں سال پاک فوج کے کور اول، 37 ویں ڈویڑن پنجاب 59 کے جوانوں نے برطانیہ میں ہونے والی کیمبرین پٹرول ایکسرسائز میں پاک فوج کی نمائندگی کی اور گولڈ میڈل اپنے نام کیا۔پاک فوج کی ٹیم نے کیمبرین پٹرول مشقوں میں تیسری مرتبہ سونے کا تمغہ جیتا۔

اسلام آباد (صباح نیوز) پاکستان تحریک انصاف کے چیئرمین عمران خان نے کہا ہے کہ اب نوازشریف کے پاس وزیراعظم رہنے کی کوئی اخلاقی قوت نہیں رہ گئی،وزیر اعظم اگر احتساب کے لیے تیار ہیں تو حکومت کی طرف سے مزید کیوں وقت مانگا گیا،ہم نے قوم کو تنگ نہیں کیا بلکہ آپ نے کیا ہوا ہے، آپ نے ڈنڈے مارے ہیں،سپریم کورٹ میں آ کر مجھے خوشی ہوئی، ہمارے لوگ جذباتی تھے وہ لاک ڈا¶ن چاہتے تھے۔ پاکستان تحریک انصاف کے چیئرمین عمران خان نے شاہ محمود قریشی،شیخ رشید ،جہانگیر ترین ،اعجاز چوہدری اور نعیم الحق کے ہمراہ سپریم کورٹ میں پانامہ لیکس کے حوالے سے کیس کی سماعت کے بعد میڈیا سے گفتگو کرتے ہوئے کہا کہ 7 مہینے سے پانامہ لیکس کی بات ہو رہی ہے حکومت کی طرف سے مزید وقت مانگا گیا۔ ابھی تک 3 بچوں کا جواب دینا باقی ہے جو نہیں دیا۔ عدالت نے کہا تھا کہ بچوں کے بیانات بھی آج جمع کرائے جائیں صرف نوازشریف نے اپنا بیان جمع کرایا۔ اصل مسئلہ ہی نوازشریف کے بچوں کا ہے۔ نوازشریف کے بچوں کا بیان آتا تو اس سے نوازشریف سے تعلق جڑنا تھا۔ انہوں نے کہا کہ نوازشریف نے پارلیمنٹ میں کھڑا ہو کر کہا کہ میں احتساب کے لئے تیار ہوں تو پھر تاخیری حربے کیوں استعمال ہو رہے ہیں جبکہ حکومت نے یہ بھی کہا تھا کہ ہم قابل سماعت ہونے کو چیلنج نہیں کریں گے لیکن اٹارنی جنرل کے ذریعے کہا گیا کہ ہم درخواست کے قابل سماعت ہونے کو چیلنج کرتے ہیں۔ اٹارنی جنرل سے پوچھتا ہوں کہ آپ نواز خاندان کے ملازم ہیں، آپ کیسے یہ بات کہہ سکتے ہیں۔ ہم اس پر سخت اعتراض کریں گے۔ عدالت نے فیصلہ کیا ہے کہ یہ درخواست قابل سماعت ہے۔ میں پاکستانیوں کو مبارکباد دیتا ہوں کہ اللہ نے ہمارے شکرانے کو قبول کیا۔ یہ لوگ ابھی تک تیار نہیں ہیں کیوں بھاگ رہے ہیں، ہم نے قوم کو تنگ نہیں کیا بلکہ آپ نے کیا ہوا ہے، آپ نے ڈنڈے مارے ہیں، ہم تو احتساب مانگ رہے تھے، دنیا کا آپ کا انکشاف ہوا۔ دنیا بھر میں نوازشریف کی تصاویر آئیں۔ حکومت کی طرف سے جمع کروائے گئے دستاویزات 99 فیصد من کھڑت ہیں۔ اسی لئے میں کہتا تھا کہ نوازشریف استعفیٰ دے۔ انہوں نے کہا کہ سپریم کورٹ میں آ کر مجھے خوشی ہوئی۔ ہمارے لوگ جذباتی تھے وہ لاک ڈا¶ن چاہتے تھے۔ مجھے خوشی ہے کہ ملک میں بڑا بحران وزیراعظم کی کرپشن ہے اور وہ سپریم کورٹ میں زیرسماعت ہے۔ کوریا، گوئٹامالے میں بھی وزیراعظم کی کرپشن کے خلاف لوگ نکلے لیکن ان پر کسی نے لاٹھی چارج نہیں کیا۔ عمران خان نے کہا کہ پختون خوا کے وزیراعلیٰ کے ساتھ جو آپ نے کیا کیا آپ کو پتہ ہے کہ اس سے کتنی نفرت پھیلی ہے۔ ان کا جرم صرف یہ تھا کہ وہ میرے گھر آ رہے تھے۔ انہوں نے کہا کہ تھوڑے سے لوگ کرپشن میں ملوث ہیں جس کی وجہ سے پاکستانیوں کو صحت، تعلیم اور دوسری بنیادی سہولیات مہیا نہیں کی جا سکتیں۔ کسی بھی جمہوری ملک میں اگر کرپشن کا کیس وزیراعظم پر شروع ہو تو وہ اقتدار میں نہیں رہتا۔ وزیراعظم اخلاقی قوت سے حکومت کرتا ہے نہ کہ طاقت سے۔ اب نوازشریف کے پاس وزیراعظم رہنے کی کوئی اخلاقی قوت نہیں رہ گئی۔ اس سے قبل میڈیا سے گفتگو کرتے ہوئے پاکستان تحریک انصاف کے سینئر وائس چیئرمین شاہ محمود قریشی نے کہا کہ ہم نے ٹی او آرز کے حوالے سے اپنی تجاویز تیار کر لی ہیں اور ہماری ٹی او آرز اسی بنیاد پر بنائے گئے ہیں جس پر متحدہ اپوزیشن متفق ہوئی تھی۔ شاہ محمود قریشی نے کہا کہ میں دو خواجگان خواجہ آصف اور خواجہ سعد رفیق سے کہتا ہوں کہ آپ کے پاس اہم وزارتوں کے قلمدان ہیں آپ روزانہ عدالتوں میں آتے ہیں۔ آپ اپنی وزارتوں پر بھی توجہ دیں۔ کراچی میں ٹرینوں کا خوفناک تصادم ہوا جس میں 19 افراد جاں بحق ہوئے۔ عمران خان نے الزام عائد کیا ہے کہ حکومت دستاویزات میں گڑبڑ کر رہی ہے، نیب اورایف آئی اے نے جعلی دستاویزات جمع کروائی ہیں ¾اٹارنی جنرل ایک خاندان کا مقدمہ کیوں لڑ رہے ہیں ¾ اٹارنی جنرل پر اعتراض اٹھائینگے ¾ سات ماہ سے پاناما کی بات ہورہی ہے ¾ نوازشریف کی جانب سے مزید ٹائم مانگا جارہا ہے ¾ نواز شریف کیوں بھاگ رہے ہیں ؟ ۔جمعرات کو سپریم کورٹ کے باہر میڈیا سے بات چیت کرتے ہوئے عمران خان نے کہاکہ سات ماہ سے پانا ما کی بات ہورہی ہے اور آج مزید ٹائم مانگا جارہا ہے ¾ عدالت نے نواز شریف کے بچوں سے جواب مانگا تھا نواز شریف کا جواب آگیا ہے اصل ایشو بچوں کا ہے بچوں کا جواب آنا تھا انہوںنے کہاکہ نواز شریف نے پارلیمنٹ میں کھڑے ہو کر کہا ہے احتساب کےلئے تیار ہیں مگر آج وہ کیوںبھاگ رہے ہیں عمران خان نے کہاکہ نواز شریف کے درباریوں نے کہا تھا کہ وہ اس معاملے میں عدالتی کارروائی پر سوال نہیں اٹھائیں گے تاہم اٹارنی جنرل نے دائرہ کار پر اعتراض کیا جسے عدالت نے مسترد کردیا۔عمران خان نے کہاکہ اٹارنی جنرل بتائیں آپ نواز شریف کے خاندان کے ملازم ہیں ¾ آپ پاکستان کے عوام ٹیکس سے پیسے لے رہے ہیں اٹارنی جنرل ہمارے پیسے پر کام کرتا ہے تو پھر وہ کیوں ایک خاندان کا مقدمہ لڑ رہے ہیں۔ ہم اٹارنی جنرل پر اعتراض اٹھائیں گے۔ انہوں نے کہا کہ حکومت دستاویزات میں گڑبڑ کر رہی ہے، نیب اورایف آئی اے نے جعلی دستاویزات جمع کروائی ہیں۔ ہم نے نہیں حکومت نے قوم کو پریشان کیا ہے۔ کیس چلے گا تو معلوم ہوگا کہ ہم انتشار پھیلا رہے تھے یا نہیں۔عمران خان نے کہا ہے کہ جو ٹی اور آرز اپوزیشن کے ہیں اسی پر میرا احتساب بھی کیا جائے،پانامہ لیکس پر سپریم کورٹ کا فیصلہ قبول کریں گے، میرے سمیت پارٹی کے ہربندے کا احتساب کیا جائے۔ دھاندلی سے متعلق جوڈیشل کمیشن کے فیصلے کو قبول کیا تھا، آج تک کسی پاور میں نہیں آیا تو کرپشن کیسے کرسکتا ہوں، جو ٹی اور آرز اپوزیشن کے ہیں اسی پر میرا احتساب بھی کیا جائے، پانامہ لیکس پر سپریم کورٹ کا فیصلہ قبول کریں گے، آف شور کا معاملہ صرف پاکستان کا نہیں ہے دنیا بھر کے ممالک کے حکمرانوں کے نام آئے ہیں۔ انہوں نے کہا ہے کہ عدالت میں نیب کا بھی ٹرائل ہے، میر ا سب کچھ ڈکلیئر اور میرے نام پر ہے، حکومت جواب دینے کے بجائے الزامات لگا رہی ہے، نواز شریف کے نہیں سپریم کورٹ کے ٹی او آرز مانیں گے،مریم نواز کو نواز شریف کے زیر کفالت ثابت کرنا ہوگا، میں چاہتا ہوں میری قوم آزاد ہوں، نوازشریف نے ظلم کیا ہے، میری بہنوں کو میرے گھر نہیں آنے دیا ہے۔ انہوں نے کہا ہے کہ کیا ہم کمی ہیں؟ کیا ہم نواز شریف کے غلام ہیں؟ ان لوگوں نے ثبوت یا کاغذات بھی تبدیل کیے تو پکڑے جائیں گے، پانامہ لیکس بہت بڑا سکینڈل ہے اس کو کبھی نہیں بھولیں گے، میری پارٹی سے کسی کا احتساب کرلیں کوئی اعتراض نہیں ہے، نواز شریف کی پوری فیملی کے بیانات میں تضاد ہے۔

لاہور(اپنے سٹاف رپورٹر سے) وزےراعلیٰ پنجاب محمد شہبازشرےف سے لاہور مےں تعےنات امرےکی قونصل جنرل ےوری فےڈ کےو (Mr.Yuriy Fedkiw)نے ملاقات کی۔ ملاقات میں باہمی دلچسپی کے امور، پاک امریکہ تعلقات کے فروغ اور مختلف شعبوں میںتعاون بڑھانے پر تبادلہ خیال کیا گیا۔ وزیراعلیٰ محمد شہبازشریف نے امریکی قونصل جنرل سے گفتگو کرتے ہوئے کہا کہ پاکستان اور امریکہ کے مابین اچھے دوستانہ تعلقات ہیں۔انہوں نے کہا کہ وزیراعظم محمد نوازشریف کی قیادت میں پاکستان مسلم لیگ (ن) کی حکومت نے گزشتہ ساڑھے تین برس کے دوران کئی شعبوں میں نمایاں کامیابیاں حاصل کی ہیں اور معاشی پالیسیوں کی بنا پر آج پاکستان کا شمار دنیا کی ابھرتی ہوئی معیشتوں میں ہو رہا ہے اور زرمبادلہ کے ذخائر ریکارڈ سطح پر پہنچ چکے ہیں۔ توانائی سمیت مختلف منصوبوں پر تیزی سے کام جاری ہے جن کی تکمیل کے ثمرات جلد عوام تک پہنچیں گے۔ انہوں نے کہا کہ آج کا پاکستان 2013 کے مقابلے میں محفوظ، پرامن، خوشحال اور ترقی یافتہ ہے۔ دہشت گردی کے خاتمے کیلئے پوری قوم متحد ہے اور افواج پاکستان،عوام اور دیگر قانون نافذ کرنے والے اداروں نے دہشت گردی کےخلاف جنگ مےں لازوال قربانےاں دی ہےں ۔ انہو ںنے اس امید کا اظہار کیا کہ آنے دنوں مےں پاک امرےکہ تعلقات کو مزےد فروغ حاصل ہوگااوران مےںمزےد بہتری آئے گی۔ وزیر اعلیٰ پنجاب محمد شہباز شریف نے کہا ہے کہ صوبے میں ”خادم پنجاب سکولز پروگرام“ کے تحت 10 ہزار سے زائد اضافی کمروں کی تعمیر کا پروگرام تشکیل دیا گیا ہے جس کا آغاز جنوبی پنجاب کے سکولوں میں اضافی کمروں کی تعمیر سے کیا جائے گا۔ پروگرام پر مرحلہ وار عملدرآمد ہوگا اور اس پروگرام سے طلبا و طالبات کو مزید بہتر تعلیمی سہولتیں میسر آئیں گی اور وہ بہترین تعلیمی ماحول میں زیادہ دلجمعی سے حصول تعلیم کی طرف راغب ہوں گے۔ ”خادم پنجاب سکولز پروگرام“ کے حوالے سے اعلیٰ سطح کے اجلاس کی صدارت کر رہے تھے جس میں پروگرام کے مختلف امو رپر پیش رفت کا جائزہ لیا گیا اور اضافی کمروں کے ڈیزائن کی باقاعدہ منظوری دی گئی۔وزیراعلیٰ محمد شہبازشریف نے اجلاس سے خطاب کرتے ہوئے کہا کہ ہمارا مستقبل قوم کے نونہالوں کی بہترین تعلیم و تربیت اور انہیں جدید علوم سے آراستہ کرنے سے جڑا ہے اور اسی مقصد کیلئے حکومت پنجاب صوبے میں تعلیمی پروگرام کی بہتری کیلئے جامع پروگرام پر عمل پیرا ہے۔ انہوں نے کہا کہ ”خادم پنجاب سکولز پروگرام“ قوم کے وسائل قوم کے نونہالوں پر صرف کرنے کی شاندارمثال ہے اور یہ پروگرام بھی شفافیت اور معیار کے اعتبار سے دیگر منصوبو ںکی طرح اپنی مثال آپ ہوگا۔ انہو ںنے کہا کہ کام کے معیار اور رفتار کو یقینی بنانے کیلئے ضلع اور ڈویژن کی سطح پر کمیٹیاں تشکیل دی جا رہی ہیں جو اس پروگرام کے تحت تعمیر ہونے والے اضافی کمروں کے معیار اور کام کے رفتار کی مانیٹرنگ کریں گی۔ انہوں نے کہا کہ سکولوں میں جہاں اضافی کمرے تعمیر کئے جائیں گے وہاں عدم دستیاب سہولتوں کو بھی یقینی بنایا جائے گا۔ انہوں نے کہا کہ سکولوں میں عدم دستیاب سہولتوں کی فراہمی کیلئے پہلے ہی اقدامات اٹھائے جا رہے ہیں اور اس مقصد کیلئے اربوں روپے مختص کئے گئے ہیں۔ وزیراعلیٰ پنجاب محمد شہباز شریف سے جمعےت اہل حدےث پاکستان کے سربراہ سےنےٹر پروفےسر ساجد مےر نے ملاقات کی،جس مےںباہمی دلچسپی کے امور اورملکی صورتحال پر تبادلہ خےال کےا گےا-وزےراعلیٰ شہبازشرےف نے اس موقع پر گفتگو کرتے ہوئے کہا کہ کامیابی افراتفری پھیلانے سے نہیں بلکہ عوام کی خلوص نیت سے خدمت کرنے سے ملتی ہے – ملک کی ترقی،استحکام اور قومی مفادات کو ہر حال میں ذاتی مفادات پر ترجیح دینی چاہیے -عوام نے دھرنا گروپ سے لا تعلق ہو کر مسترد شدہ عناصر کے عزائم کو خاک میں ملا دیا ہے -انہوںنے کہا کہ اربوں روپے کے میگا پراجیکٹس کی تکمیل سے عوام کی تقدیر بدلنے جا رہی ہے -چائنہ پاکستان اکنامک کوریڈور پاکستان کی ترقی اور خوشحالی کا ضامن ہے -سی پیک پر تیزرفتاری سے عملدرآمد سے دوست خوش اور عوام کی ترقی کے مخالفین کو تکلیف ہو رہی ہے – منفی سیاست کے علمبردار پاکستان کی ترقی اور خوشحالی نہیں چاہتے- ملک کے روشن مستقبل کی نوید سی پیک کو نقصان پہنچانا کسی طور پر عوام کی خیر خواہی نہیں – پاکستان ہم سب کا ہے اور ہمیں اجتماعی سوچ کے ساتھ اسے آگے لیکر جانا ہے -انہوںنے کہا کہ مشترکہ بصیرت سے کئے جانےوالے اجتماعی فیصلوںکے مثبت نتائج سامنے آئے ہیں-سیاسی و عسکری قیادت اور عوام نے ملکر دہشت گردی کے ناسور کو نکیل ڈال دی ہے-انہوںنے کہا کہ معاشرے میں اخوت ،بھائی چارے ، تحمل اور رواداری کے جذبات کو فروغ دےنے کی ضرورت ہے-پاکستان کو درپیش چیلنجز سے نمٹنے کےلئے سیاسی قوتوں کو اپنا مثبت کردار ادا کرنا ہے-انہوںنے کہا کہ انتشار کی سیاست پاکستان کی ترقی اورعوام کی خوشحالی کےلئے زہر قاتل ہے- 2014ءکے بلا جواز دھرنوں سے قومی معیشت کو بڑا دھچکا لگاتھا-ذاتی مفادات کی خاطر قومی معیشت کو نقصان پہنچانا 20 کروڑ عوام کے ساتھ ظلم ہے- احتجاجی عناصر کے غیر جمہوری رویوں سے سی پیک کے منصوبے بھی تاخیر کا شکار ہوئے- انہوںنے کہا کہ باشعور عوام جان چکے ہیں کہ افراتفری کی سیاست کرنےوالے ملک مےں اندھےروں کا راج چاہتے ہیں ۔ حافظ عبدالکریم اور امیر بیت المال سلمان منگلا بھی موجود تھے وزیر اعلیٰ پنجاب محمد شہباز شریف نے مختلف مقامات پر سموگ کی بنا پر ہونے والے ٹریفک حادثات میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ نے جاں بحق ہونے والوں کے لواحقین سے اظہار تعزیت اور زخمیوں کی جلد صحت یابی کی دعا کی ہے۔ وزیراعلیٰ پنجاب محمدشہباز شریف نے کراچی کے علاقے لانڈھی میںٹرین کے افسوسناک حادثے کے نتیجے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ پنجاب محمدشہباز شریف نے موٹروے،پنڈی بھٹیاں پر سکھےکی انٹرچےنج کے قرےب ٹریفک حادثہ میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ نے جاں بحق افراد کے لواحقین سے ہمدردی اور تعزیت کا اظہار کیا ہے۔ وزیراعلیٰ نے حادثے کے بارے میں انتظامیہ سے رپورٹ طلب کر لی ہے اور ہدایت کی ہے کہ حادثے میں زخمی ہونے والے افراد کو علاج معالجے کی بہترین طبی سہولتیں فراہم کی جائیں۔ وزیر اعلیٰ پنجاب میاں شہبا زشر یف سے وفاقی وزیر داخلہ چوہدری نثار علی خان کی ملاقات ،ملک کی سیاسی صورتحال سمیت دیگر امور پر بات چیت کی گئی۔نجی ٹی وی کے مطابق لاہور میں ہونیوالی ملاقات میں آئی جی پنجاب بھی شر یک ہوئے،اس ملاقات میں تحر یک انصا ف کے احتجاج کے موقعہ پر پو لیس کی کار کردگی کی بھی تعریف کی گئی جبکہ وزیر اعلی شہبا زشر یف اور وفاقی وزیر داخلہ چوہدری نثار علی خان نے ملک کی موجودہ سیاسی صورتحال ،پانامہ لیکس کیس سمیت دیگر امور پر بھی بات چیت کی ہے۔