اسلام آباد (خصوصی رپورٹ) تھانہ آئی نائن کے علاقے آئی ایٹ فور میں فوجی افسر کو گھر میں فائرنگ کرکے قتل کردیا گیا۔ پولیس نے اس پراسرار واردات کے حوالے سے بتایا کہ میجر ذیشان سیکٹر آئی ایٹ فور گلی نمبر106 مکان نمبر496 میں موجود تھے جنہیںسینے میں گولی لگی جس سے وہ خالق حقیقی سے جا ملے۔ ایس ایس پی آپریشنز ساجد کیانی سے رابطہ کیا گیا تو انہوں نے بتایا کہ مقتول افسر کی اہلیہ نے دو بیان دیئے ہیں جن میں پہلے انہوں نے کہا کہ ایک شخص گھر کے اندر آیا جس کے بعد دو مزید افراد آگئے تاہم پولیس دو پہلوﺅں پر تفتیش کر رہی ہے۔مریدکے (خصوصی رپورٹ) بھتہ نہ دینے پر مسلح افراد نے دن دہاڑے لیڈی ڈاکٹر کے کلینک میں داخل ہو کر اسے قتل کر دیا۔ بتایا گیا ہے کہ مریدکے کے نواحی علاقہ منوں آباد میں 32سالہ ساجدہ نامی لیڈی ڈاکٹر اپنے کلینک میں بیٹھی ہوئی تھی کہ نامعلوم موٹرسائیکل سوار تین نوجوان کلینک میں داخل ہوئے اور اندھا دھند فائرنگ کر کے لیڈی ڈاکٹر کو موت کے گھاٹ اتار دیا۔ اس دوران کلینک پر آئے مریضوں میں شدید بھگدڑ مچ گئی اور انہوں نے کلینک سے باہر نکل کر خوف سے بھاگنا شروع کر دیا۔ سٹی پولیس نے نعش پوسٹمارٹم کیلئے تحصیل ہیڈکوارٹر ہسپتال پہنچا دی۔ پولیس کے مطابق ابھی تک قتل کی وجہ سامنے نہیں آئی۔ ادھر مقتولہ کے خاوند محمد نواز نے بتایا کہ سہگل فارم کے شبیر نامی شخص نے پچاس ہزار روپے بھتہ نہ دینے پر اپنے دیگر دو ساتھیوں کے ہمراہ مل کر میری بیوی کو قتل کیا ہے۔ ملزمان ایک ماہ سے ٹیلیفون پر بھتہ دینے کا مطالبہ اور سنگین نتائج کی دھمکیاں دے رہے تھے۔
قتل
