(ویب ڈیسک) بجلی کی لوڈ شیڈنگ نے چند ہی روز میں عوام کو دن میں تارے دکھا دیئے ہیں لیکن اچھی خبر یہ ہے کہ آج رات سے بجلی کی لوڈ شیڈنگ میں کمی ہونے جا رہی ہے۔وفاقی حکومت نے بجلی کی لوڈ شیڈنگ مین نمایاں کمی کرنے کا انتظام کر دیا۔
وزیر توانائی اویس لغاری کا آج رات سے بجلی کی لوڈشیڈنگ میں کمی کا اعلان کر دیا ہے۔
اسلام آباد میں نیوز کانفرنس کرتے ہوئے وفاقی وزیر توانائی اویس لغاری نے آج رات سے بجلی کی لوڈشیڈنگ میں کمی کا اعلان کیا۔
وفاقی وزیر پاور اویس احمد خان لغاری نے کہا کہ عوام کو بجلی کی صورت حال سے متعلق آگاہ کرنا ہے ، لوڈشیدنگ پر عوام کو تکلیف پر معذرت خواہ ہیں ، ہم نے ہمیشہ عوام کو اندھیروں سے نکالا ہے۔
اویس لغاری نے آج رات سے بجلی کی لوڈشیڈنگ میں کمی کا اعلان کرتے ہوئے کہا کہ گزشتہ رات سے آج رات بجلی فراہمی بہتر ہوجائے گی۔
اویس لغاری نے واضح کیا کہ حیدرآباد اور کے الیکٹرک کے لیے لوڈشیڈنگ نہیں کی گئی ، کے الیکٹرک نیشنل گرڈ سے ریکارڈ 2100 میگاواٹ بجلی لے رہا ہے ، اس وقت 4 ہزار میگاواٹ کمی کا سامنا ہے ، شارٹ فال کی وجہ آبنائے ہرمز کی ناکا بندی کے باعث گیس کا نہ ملنا اور پن بجلی کی پیداوار میں 1600 میگاواٹ کم ہونا ہے ۔
اویس لغاری نے کہا کہ ملک میں سولر اور قابل تجدید توانائی کو فروغ دیا۔ ایل این جی معطلی سے فیول میں قلت آئی، پن بجلی کی پیداوار میں کمی ہوگئی ہے ، پن بجلی میں 1600 میگاواٹ کے قریب شارٹیج ہے، ایل این جی نہ ملنے سے بھی 3000 میگاواٹ سے زائد قلت ہوئی۔
وفاقی وزیر پاور اویس احمد خان لغاری نے بتایا کہ اپریل میں بجلی کی طلب 9 ہزار سے 20 ہزار میگاواٹ رہی، بجلی طلب جب ساڑھے 16 ہزار میگاواٹ سے اوپر جاتی ہے تو لوڈشیڈنگ بڑھ جاتی ہے۔
انہوں نے کہا کہ پن بجلی کی پیداوار بڑھنے سے لوڈشینگ ختم ہوجائے گی، خلیجی جنگ کے بعد گیس نہ ملنےسے بھی بجلی لوڈشیڈنگ میں اضافہ ہوا، ہم شہری اور دیہی علاقوں میں برابر لوڈ شیڈنگ کر رہے ہیں۔
وفاقی وزیر پاور کا کہنا تھا کہ 1400 میگاواٹ بجلی فرنس آئل سے پیدا کر رہے ہیں ، بجلی لوڈشیڈنگ کی وجہ عارضی ہے، چند روز قبل ڈھائی گھنٹے لوڈ شیڈنگ کا اعلان بجلی کی قیمتیں روکنے کیلئے کیا تھا، میگاواٹ کی قلت سے ایک گھنٹہ لوڈشیڈنگ بڑھتی ہے، صنعتی شعبے کیلئے بھی بجلی کی لوڈ شیڈنگ کر رہے ہیں۔
اویس لغاری سے صحافی نے سوال کیا کہ نیپرا کہتا ہے اکنامک لوڈشیڈنگ لیگل نہیں، جس پر انہوں نے جواب دیا کہ یہ لیگل ہوجائے گی۔
وزیر توانائی اویس لغاری نے کہا کہ فرنس آئل کے استعمال سے فیول پرائس ایڈجسٹمنٹ بڑھ سکتی ہے، فیول پرائس ایڈجسٹمنٹ 1 روپے 30 پیسے فی یونٹ تک ہو گی، بجلی بحران کا مکمل خاتمہ ایل این جی فراہمی سے مشروط ہے۔
