All posts by Daily Khabrain

کھیل

شارجہ ٹیسٹ …. کالی آندھی نے شاہینوں کا اڑنا محال کر دیا

شارجہ (آئی این پی)پاکستان اور ویسٹ انڈیز کے مابین تیسرے ٹیسٹ کے دوسرے روز ویسٹ انڈین اوپنر بریتھ ویٹ پاکستانی باﺅلنگ اٹیک کے سامنے ڈٹ گئے،ویسٹ انڈیز کے بریتھ ویٹ کی شاندار بیٹنگ کی بدولت 6وکٹوں کے نقصان پر 244رنز بنا لئے ہیں، بریتھ ویٹ 95رنز بنا کر ناقابل شکست ہیں ،جبکہ روسٹن چیز50 اور ڈورچ 47رنز بنا کر نمایاں بلے باز رہے۔پاکستان کی جانب سے محمد عامر اور وہاب ریاض نے 2،2جبکہ یاسر شاہ اور ذوالفقار بابر نے ایک ایک وکٹ حاصل کی ۔ویسٹ انڈیز کو پاکستان کی پہلی اننگز کا سکور پورا کر نے کیلئے ابھی 37رنز درکار ہیں جبکہ اسکی4 وکٹیں ابھی باقی ہیں جبکہ ویسٹ انڈیز کے بریتھ ویٹ95 اور جیسن ہولڈر6رنز بنا کر وکٹ پر موجود ہیں۔تفصیلات کے مطابق پیر کو شارجہ میں کھیلے جا رہے سیریز کے تیسرے اور آخری ٹیسٹ میچ کے دوسرے دن پاکستان کی ٹیم نے اپنی نامکمل اننگز 8وکٹوں کے نقصان پر 255رنز اننگز کا آغاز کیا تو پاکستانی بلے باز سکور میں 26رنز کا ہی اضافہ کر سکے اور پوری ٹیم پہلی اننگز میں 281رنز بنا کر آﺅٹ ہو گئی۔ عامر20اور یاسر 12رنز بناکر جوزف کا شکار بنے۔ پاکستان کی جانب سے پہلی اننگز میں سمیع اسلم 74، مصباح الحق53، سرفرازاحمد اور یونس خان 51,51رنز بنا کر نمایاں بلے باز رہے۔ویسٹ انڈیز کی جانب سے پہلی اننگز میں دویندرا بشو نے 4، شینن گیبرئیل نے 3 اور الزاری جوزف نے 2 وکٹیں حاصل کیں۔ جواب میں ویسٹ انڈین اننگ کا آغاز بھی انتہائی مایوس کن رہا اور 38 رنز پر تین وکٹیں گنوا بیٹھی۔جیمز بلیک وڈ نے جارحانہ بیٹنگ کی حکمت عملی اپناتے ہوئے پاکستانی بالرز کو دباﺅ میں لینے کی کوشش کی لیکن محمد عامر نے ان کی اننگ کا خاتمہ کردیا۔68 رنز پر 4 وکٹیں گرنے کے بعد ویسٹ انڈین ٹیم ایک بار پھر مشکلات سے دوچار تھی لیکن اس موقع پر بریتھ ویٹ کا ساتھ نبھانے روسٹن چیز وکٹ پر پہنچے۔دونوں کھلاڑیوں نے موقع کی مناسبت سے غیرضروری شاٹس کھیلنے سے گریز کیا اور ہر خراب گیند پر رنز کرنے کی حکمت عملی اپنائی جو انتہائی کارگر رہی۔جب چائے کا وقفہ ہوا تو دونوں کھلاڑی اسکور کو 141 رنز تک پہنچا کر پانچویں وکٹ کیلئے 73 رنز جوڑ چکے ہیں، ویسٹ انڈیز کی 5ویں وکٹ 151رنز کے مجموعی سکور پر گری جب روسٹن چیز 50رنز بنا کر پویلین لوٹے ۔نئے آنے والے بلے باز ڈو وچ نے بریتھ ویٹ کیساتھ مل کر چھٹی وکٹ کیلئے 83رنز کی پارٹنر شپ قائم کی ۔ویسٹ انڈیز کی چھٹی وکٹ 234رنز کے مجموعی سکور پر گری۔ جب ڈووچ 47رنز بنا کر وہاب ریاض کی گیند پر کلین بولڈ ہوئے۔دوسرے دن کا کھیل ختم ہونے تک ویسٹ انڈیز نے6وکٹوں کے نقصان پر244رنز بنا لئے ہیں ،ویسٹ انڈیز کو پاکستان کی پہلی اننگز کا سکور پورا کر نے کیلئے ابھی 37رنز درکار ہیں جبکہ اسکی4 وکٹیں ابھی باقی ہیں جبکہ ویسٹ انڈیز کے بریتھ ویٹ95 اور جیسن ہولڈر6رنز بنا کر وکٹ پر موجود ہیں۔

کھیل

دورہ نیوزی لینڈ کیلئے 16 رکنی قومی کرکٹ ٹیم کا اعلان

لاہور(ویب ڈیسک) نیوزی لینڈ کے خلاف دو ٹیسٹ میچوں کی سیریز کے لیے 16 رکنی قومی ٹیم میں کپتان مصباح الحق، یونس خان، بابر اعظم، شرجیل خان، سرفراز احمد، محمد رضوان، اسد شفیق، سمیع اسلم، اظہر علی، وہاب ریاض، راحت علی، محمد عامر، سہیل خان، یاسر شاہ، محمد نواز اور عمران خان شامل ہیں۔ پاک کیوی ٹیسٹ سیریز 17 نومبر سے شروع ہو گی۔ اوپنر شرجیل خان کو پہلی بار ٹیسٹ سکواڈ میں جگہ ملی ہے۔

کھیل

شارجہ ٹیسٹ: دوسرے دن کا کھیل ختم، ویسٹ انڈیز 6 وکٹوں کے نقصان پر 244 رنز

شارجہ(ویب ڈیسک) شارجہ کرکٹ سٹیڈیم میں کھیلے جا رہے دوسرے ٹیسٹ میچ میں ویسٹ انڈیز کو پاکستان کی پہلی اننگز کی برتری ختم کرنے کیلئے مزید 37 رنز درکار ہیں۔ ویسٹ انڈیز نے دوسرے دن کے کھیل کے اختتام پر 6 وکٹوں کے نقصان پر 244 رنز بنا لیے ہیں۔ بریتھ ویٹ اور ہولڈر وکٹ پر موجود ہیں۔ بریتھ ویٹ اس وقت 95 رنز بنا چکے ہیں۔ آؤٹ ہونے والے کھلاڑیوں میں آر ایل چیز 50 جبکہ ڈورچ 47 رنز بنا کر نمایاں بلے باز رہے۔ پاکستانی ٹیم اپنی پہلی اننگز میں 281 رنز بنا کر پویلین کوٹ گئی تھی۔ ویسٹ انڈیز کی جانب سے بشو کامیاب باؤلر رہے جنہوں نے 4 کھلاڑیوں کو آؤٹ کیا۔

اہم خبریں

صوابی انٹر چینج میدان جنگ بن گیا

صوابی (نیوز ڈیسک)خیبر پختونخوا سے آنے والے کپتان کے کھلاڑی اسلام آباد میچ کھیلنے کے لئے جار رہے تھے لیکن حکومت یہ میچ کھیلنے کیلئے راضی نظر نہیں آتی ،لگتا یو ں ہے کہ کپتان کے اعلان 2نومبر کو اسلام آباد بند ہو گا وہ ہوتا نظر آرہا ہے یوں کہا جائے جو کام عمران نے کرنا تھا وہ حکومت نے خود ہی کر دیا اور اسلام آباد آنے جانے والے تمام راستے بند کر دئیے گئے ،کرینوں اور گاڑیوں کی لمبی قطار کے ساتھ وزیر اعلیٰ خیبر پختونخوا پرویز خٹک کی قیادت میں پی ٹی آئی کارکنوں کا قافلہ صوابی انٹر چینج پر پہنچا تو سامنے پولیس موجود تھی۔ پولیس نے مظاہرین کو منتشر کرنے کیلئے شیلنگ شروع کر دی۔ شیلنگ ہوتے ہی کارکنوں میں بھگدڑ مچ گئی۔ شیلنگ سے درجنوں کارکنوں کی حالت خراب ہو گئی۔ دیکھتے ہی دیکھتے علاقہ میدان جنگ بن گیا۔ پی ٹی آئی کے مشتعل مظاہرین نے جھاڑیوں میں آگ لگا دی اور مورچہ بند ہو کر پولیس پر پتھراو¿ شروع کر دیا۔ کارکنوں نے پتھراو¿ کیلئے غلیل کا استعمال بھی کیا۔ دوسری جانب پولیس کی شیلنگ اور ہنگامہ ا?رائی سے وزیر اعلیٰ خیبر پختونخوا گاڑی میں محصور ہو کر رہ گئے۔ اس دوران مظاہرے کی ہیلی کاپٹر کے ذریعے فضائی نگرانی بھی جاری رہی۔

کھیل

شارجہ ٹیسٹ …. پاکستان کے 281 رنز کے تعاقب میں ویسٹ انڈیز کی بیتنگ جاری ، پاکستان کا پلڑا بھاری

شارجہ (ویب ڈیسک ) شارجہ ٹیسٹ میں پاکستانی ٹیم اپنی پہلی اننگز میں 281 رنز بنا کر آئوٹ ہو گئی ، پاکستان کی جانب سے سمیع اسلم 74 رنز کے ساتھ ٹاپ سکورر رہے جبکہ یونس خان 51 ، مصباح الحق 53 ، سرفراز احمد 51 رنز بنانے میں کامیاب ہوئے ۔ محمد عامر نے 20 اور یاسر شاہ نے 12 رنز سکور کئے ، ویسٹ انڈیز کی جانب سے بشو نے 4 ، گیبریل 3 ، جوزف 2 اور چیز نے ایک وکٹ حاصل کی ۔ دوسری جانب ویسٹ انڈیز کی ٹیم نے بھی پہلی اننگز میں چار وکٹیں گنوا دی ہیں ۔وہاب ریاض کی گیند پر جانسن ایک رن سکور کر کے آئوٹ ہوگئے ۔ براوو نے 11 اور سیموئل کوئی رنز سکور نہ ، ،کرسکے ۔پاکستان کی جانب سے یاسر شاہ ، وہاب ریاض ،محمد عامر اور ذوالفقار بابر نے ایک ایک کھلاڑی کو آئوٹ کیا، پاکستانی ٹیم اس سیریز میں پہلےہی دو صفر سے کامیابی اپنے نام کر چکی ہے اور اگر یہ تیسرا میچ بھی پاکستان جیتنے میں کامیاب ہوا تو ٹیسٹ سیریز میں وائٹ واش کرنے خواب بھی پورا ہوجائے گا ۔

اہم خبریں

عمران اسمعیٰل اور عارف علوی بنی گالا سے گرفتار ….وزارت داخلہ نے رہائی کا حکم دیدیا

راولپنڈی (ویب ڈیسک) تحریک انصاف کے رہنماﺅں عمران اسمعیٰل اور عارف علوی کو وفاقی دارالحکومت سے گرفتار کر لیا گیا ۔نجی ٹی وی کے مطابق دونوں رہنماﺅں کو بنی گالا کے بالکل قریب سے گرفتار کیا گیا تھا ۔ پولیس نے اب رہا کر دیا ہے۔

انٹر نیشنل

خانہ کعبہ پر حملہ …. امام کعبہ نے کس کو ذمہ دار ٹھرایا ؟ اہم ترین خبر

مکہ معظمہ (ویب ڈیسک) امام کعبہ الشیخ عبدالرحمن السدیس نے بیان دیا ہے کہ یمن کے حوثی باغیوں نے نہ صرف اہم ترین عبادت گاہ یعنی مکہ کو نشانہ بنایا بلکہ یہ ڈیڑھ ارب مسلمانوں پر حملہ کے مترادف ہے ۔ایرانی حمایت یمنی شیعہ باغیوں نے میزائل حملہ کر کے ہمارے مذہبی جذبات کو بھی مجروح کیا ہے ۔ حوثیوں کا یہ اقدام مکہ معظمہ کیخلاف ننگی جارحیت کی بد ترین مثال ہے ۔

دلچسپ و عجیب

جرمن آرٹسٹ نے جیتی جاگتی تصاویر بناڈالیں

لاہور (خصوصی رپورٹ) یوں تو دنیا میں فنکاروں کی کمی نہیں لیکن ان میں سے کچھ فنکار ایسے بھی ہیں جو اپنے فن کو اس انداز میں پیش کرتے ہیں کہ دیکھنے والوں کیلئے اصل اور نقل کا فرق کرنا مشکل ہوجاتا ہے ۔جرمنی سے تعلق رکھنے والے اس ماہر آرٹسٹ کا شمار بھی ایسے ہی فنکاروں میں کیا جا سکتا ہے جس نے کینوس پر یوں رنگ بکھیرے کہ حقیقت سے قریب تر تصاویر بنا ڈالیں۔ سٹیفین نامی فنکار نے پنسل اور رنگوں کی مدد سے ایسے خوبصورت اور منفرد شاہکار تیار کئے کہ انہیں دیکھ کر اصل اور نقل کا فرق کرنا بہت مشکل ہے ۔

دلچسپ و عجیب

چینی خاتون کا بیک وقت 305رنگز سے ہولا ہوپ کا مظاہرہ

لاہور (خصوصی رپورٹ) یوں تو آپ نے ہولا ہوپ کے کئی مظاہرے دیکھے ہوں گے تاہم آپ کو اس چینی خاتون کی صلاحیتوں کی داد دینا پڑے گی جس نے انتہائی مہارت سے ڈھیروں رنگز کے ذریعے اپنے فن کا شاندار مظاہرہ پیش کیا ۔چین کے صوبے ہویلنگ جین سے تعلق رکھنے والی جن لین لین نے اپنے جسم پر ایک نہ دو بلکہ 3 سو5 رنگز کو انتہائی مہارت سے گھماتے ہوئے ہولا ہوپ کا شاندار مظاہرہ پیش کیا۔اس شاندار کرتب کو دیکھنے والے بھی حیران رہ گئے اور انہوں نے خاتون کی مہارت کی خوب داد دی۔

شوبز

سچی محبت پانے کا طریقہ ….

لاہور (خصوصی رپورٹ)اداکارہ قسمت بیگ نے کہاہے کہ سچی محبت قسمت والوں کو ملتی ہے ، زندگی کا ساتھی اگر اچھا مل جائے تو زندگی باعزت انداز میں بسر ہوتی ہے ۔ انہوں نے ایک انٹرویو کے دوران کہا کہ میرے لیے دولت اور شہرت کوئی حیثیت نہیں رکھتی ، مجھے اس بات کی سمجھ نہیں آتی کہ لوگوں کیلئے آج حقیقی محبت کرنے کیلئے فرصت نہیں لیکن وہ آپس میں تلخیاں اور دوریاں کیسے پیدا کر لیتے ہیں ۔ انہوں نے کہا میں اپنے مزاج کے مطابق ہر کام سوچ سمجھ کر کرتی ہوں ، کسی کی دل آزاری ہو تو معذرت کرنے میں دیر نہیں کرتی ۔