لاہور (اپنے سٹاف رپورٹر سے) وزیر اعظم میاں نواز شریف اور وزیر اعلیٰ پنجاب میاں شہباز شریف کے والدمیاں محمد شریف کو جہان فانی سے رخصت ہوئے بارہ برس بیت گئے ان کی12ویں برسی29اکتوبرہفتہ کو منائی جائے گی مسلم لیگ ن ذرائع کے مطابق برسی کے سلسلے کی مرکزی تقریب رائے ونڈ میں منعقد ہو گی جس میں میاں نواز شریف،شہباز شریف،پارٹی کے مرکزی رہنما ،عزیز و اقارب اور دیگر شرکت کریں گے جہاں مرحوم کے ایصال ثواب کیلئے قرآن خوانی اور اجتماعی دعا کی جائے گی اس موقع پر سیکورٹی کے سخت انتظامات کیے جائیں گے۔مسلم لیگ ن جنوبی پنجاب کے سیکر ٹری اطلاعات چوہدری خلیل احمد گھمن کے مطابق میاں محمد شریف کی برسی کے سلسلے میں جہانیاں،ٹھٹھہ صادق آباد ،میاں چنوں،کبیرولا ،ضلع خانیوال سمیت جنوبی پنجاب میں بھی دعائیہ تقریبات کا اہتمام کیا جائے گاجس میں مرحوم کی مغفرت اور بلندی درجات کیلئے خصوصی دعائیں کی جائیں گی۔میاں محمد شریف اکتوبر2004ءکو جدہ میں انتقال کر گئے تھے وہ اپنے خاندان کے ہمراہ سعودی عرب میں جلاوطنی کی زندگی گزار رہے تھے۔

کراچی (خصوصی رپورٹ)پاکستان سٹاک ایکسچینج (پی ایس ایکس) میں جمعہ کے اختتام پر جاری مندی پر100انڈیکس 114.43 پوائنٹس کمی پر 39900 کی بالائی حد برقرار نہ رکھ کر39872.88 کی نچلی سطح پربند رہی۔ سرمایہ کاری مالیت میں 34 ارب 93کروڑ روپے کی کمی رہی۔ اپوزیشن کی 2نومبر کو اسلام آباد میں ہونے والے دھرنے کی کنفیوژن غیرملکی سرمایہ کا انخلا اور کئی منفی اطلاعات کے باعث سرمایہ کاروں نے گیس سیمنٹ اورتوانائی سیکٹر سمیت بیشتر حصص کی منافع کے حصول میں کم داموں خریدوفروخت کرکے اپنے سرمایہ کے حصول میں سرگرم رہے جس کے نتیجے میں مارکیٹ اختتام پر 100 انڈیکس 114.23 پوائنٹس کمی پر 39872.88 پربند رہا۔ مارکیٹ میں سرگرم حصص کادائرہ کار429 کمپنیوں تک رہا جس میں 143 کمپنیوں کی قیمتوں میں اضافہ264 کمپنیوں کی قیمتوں میں کمی اور22 کمپنیوں کی قیمتوں میں استحکام رہا۔ قیمتوں کے اتار چڑھاﺅ کے باعث سوئی سدرن گیس 2.26 روپے اضافہ پر 38.16 روپے دیوان سیمنٹ 2.46روپے اضافہ پر 30.86 روپے ٹی پی ایل ٹریکر36 پیسے اضافہ پر 13.65 روپے پیس پاک 42پیسے اضافہ پر10.23 روپے دیوان موٹرز33پیسے اضافہ پر34.59 روپے اوردیوان سلمان 32 پیسے اضافہ پر4.47 روپے رہا۔ مجموعی مارکیٹ کیپٹل 81 کھرب 20ارب 6کروڑ 41لاکھ 20ہزار348روپے کی کمی پر80 کھرب85 ارب 13کروڑ 10لاکھ 82ہزار299روپے ہوگئی۔ اسلام آباد(خصوصی رپورٹ)وزارت داخلہ کی جانب سے کروڑوں روپے فنڈز دینے کے باوجود پنجاب پولیس سمیت دیگر اہلکار دوپہر کے کھانے سے محروم ، پولیس اہلکاروں کو پانی تک فراہم نہ کیا گیا۔پولیس ذرائع کے مطابق تحریک انصاف کے دھرنے ، احتجاج کو روکنے کیلئے ہزاروں کی تعداد میں ایف سی، پنجاب پولیس، کشمیر پولیس کے اہلکار سپیشل ڈیوٹی پراسلام آباد آئے ، وزارت داخلہ نے وفاقی پولیس کو ان کے کھانے پینے کیلئے 46 کروڑ سے زائد کا فنڈز فراہم کیا جوکہ ڈی آئی جی، ایس ایس پی اور ڈی ایس پی پولیس لائن ہیڈکوارٹرز کے رحم وکرم پر ہے ۔پولیس لائن کے کھانے سے متعلقہ افسروں نے غفلت ولاپروائی کرتے ہوئے جمعہ کی دوپہر پولیس اہلکاروں کو کھانا فراہم نہیں کیا۔بنی گالا میں تعینات پولیس اہلکار شام کے وقت کھانااور پانی تلاش کرتے رہے ۔
کروڑوں کے فنڈز

لاہور (مانیٹرنگ ڈیسک) خبریں گروپ کے چیف ایڈیٹر، سینئر صحافی و تجزیہ کار ضیا شاہد نے کہا ہے کہ راولپنڈی، اسلام آباد میں گزشتہ روز جو کچھ ہوا اس سے اتنا فائدہ عمران خان کو نہیں ہوا جتنا شیخ رشید کو ہوا۔ عوامی مسلم لیگ اب ایک سیاسی پارٹی بن گئی ہے جس کا مستقبل روشن نظر آ رہا ہے۔ شیخ رشید فلمی ہیرو کی طرح کمیٹی چوک پہنچے بھی اور پھر نکل بھی گئے۔ چینل ۵ کے تجزیوں و تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے انہوں نے کہا کہ حکومتی حلقوں سے ایسا تاثر مل رہا ہے جیسے انہیں کوئی پریشانی نہیں۔ وہ سمجھتے ہیں کہ یہ چند روز کا شور شرابہ ہے پھر ختم ہو جائے گا، معاملہ طول نہیں پکڑے گا۔ دوسری جانب تحریک انصاف کے رہنماﺅں نے ٹیلی فون پر بات کرتے ہوئے مجھے بتایا کہ وقت کے ساتھ ساتھ یہ تحریک مضبوط ہوتی جائے گی اور دوسری سیاسی پارٹیوں سے لوگ شامل ہونا شروع ہو جائیں گے۔ دونوں فریق اپنی اپنی جگہ مطمئن ہیں، وقت بتائے گا کہ کس کی حکمت عملی بہتر تھی۔ انہوں نے کہا کہ موجودہ حالات میں حکومت کے لئےحلیفوں کو اپنے ساتھ رکھنے کیلئے سودے بازی کرنا پڑے گی۔ حکومت کی ضرورت سے فائدہ اٹھاتے ہوئے جو سیاسی پارٹیاں اس کے ساتھ ہیں وہ اپنی قیمت لگوائیں گی۔ سیاسی مراعات چاہیں گی۔ حکومت کو بھی انہیں اپنے ساتھ رکھنے کے لئے ان کو اپنے ہاتھ سے کچھ دینا پڑے گا۔ تحریک انصاف کے وائس چیئرمین شاہ محمود قریشی نے کہا ہے کہ پنجاب حکومت نے عدالتی حکم کی نفی کی ہے۔ راولپنڈی میں کنٹینرز لگا کر راستے بند کئے، کارکنوں اور ایچ پی ایز کو گرفتار کیا اور پنڈی میں لاک ڈاﺅن کیا۔ تحریک انصاف نے کوئی قانون شکنی نہیں کی۔ بنی گالا کو مکمل طور پر سیل کر دیا اور باہر ایف سی سمیت پولیس کی بھاری نفری تعینات ہے۔ حکومت پریشان، بے بس اور ناکام دکھائی دے رہی ہے۔ حکومت کو اپنی مقبولیت پر بھروسہ ہے تو رکاوٹیں ہٹا دے۔ یہ تحریک کا آغاز ہے وقت کے ساتھ ساتھ یہ زور پکڑے گی۔ انہوں نے کہا کہ گزشتہ روز حکومت نے ہدایت دی تھی کہ دوپہر دو بجے سے پہلے شیخ رشید کو گرفتار کیا جائے لیکن وہ ناکام رہی۔ شیخ رشید جس طرح ہمت و جرا¿ت کا مظاہرہ کرتے ہوئے کمیٹی چوک پہنچے اس پر وہ مبارکباد کے مستحق ہیں۔ انہوں نے کہا کہ پیپلزپارٹی میں اعتزاز احسن سمیت بہت سے لوگ حکومت کے غیر جمہوری رویے کے خلاف نکلنا چاہتے ہیں لیکن سینئر قیادت سندھ حکومت جانے کے ڈر سے اس تحریک میں نہیں آنا چاہتی۔ البتہ پیپلزپارٹی کی مرکزی قیادت کہہ چکی ہے کہ اگر حکومت نے گرفتاریاں کیں، تشدد کا راستہ اپنایا تو وہ مخالفت میں اتر آئے گی۔ شاہ محمود قریشی نے کہا کہ سینٹ میں احتساب کے عمل کو آگے بڑھانے کے لئے بل پیش کر دیا ہے۔ تجزیہ کار منظور ملک نے کہا ہے کہ عمران خان بنی گالا سے نکل سکتے تھے لیکن وہاں موجود کارکنوں سے زیادہ پولیس کی تعداد تھی۔ 15,10 ہزار کارکن ہوتے تو وہ باآسانی نکل سکتے تھے۔ پولیس چاہے تو تحریک انصاف کی مرکزی قیادت کو گرفتار کر سکتی ہے لیکن وہ اس سے گریز کر رہے ہیں۔ کے پی سمیتت دیگر صوبوں اور شہروں سے آنے والے کارکنوں کو گرفتار کیا جا رہا ہے۔ 2 نومبر سے پہلے ہی سیاسی درجہ حرارت برھ گیا ہے۔ جس کا فائدہ تحریک انصاف کو ہو رہا ہے اگر گرفتاریاں نہ ہوتیں تو عمران خان کو عوام کی ہمدردی نہ ملتی۔ پولیس نے کھانا لانے والی وین کے ڈرائیور کو بھی حراست میں لے لیا۔ انہوں نے کہا کہ اسلام آباد انتظامیہ نے تحریک انصاف کو پریڈ گراﺅنڈ میں جلسہ کرنے کی اجازت دی ہے۔ اگر یہ وہاں جلسہ نہیں کرتے تو پھر صورتحال مزید کشیدہ ہو سکتی ہے۔ منظور ملک نے کہا کہ اسلام آباد میں کنٹینرز نہیں لگائے گئے البتہ راولپنڈی میں لال حویلی کے گرد کنٹینرز لگائے گئے ہیں۔ انہوں نے کہا کہ گزشتہ روز جب شیخ رشید چھپتے چھپاتے کمیٹی چوک پہنچے تو پولیس انہیں گرفتار کر سکتی تھی لیکن میڈیا وہاں موجود تھا جس کی وجہ سے ایسا نہیں کیا گیا۔

اسلام آباد(خصوصی رپورٹ)چیئرمین تحریک انصاف عمران خان نے پولیس حصار سے نکلنے کیلئے نجی کمپنی سے ہیلی کاپٹر کی بکنگ کرا لی۔ذرائع کے مطابق ممکنہ نظربندی کے پیش نظرعمران خان کارکنوں کے حصارمیں بنی گالا سے نکلیں گے۔عمران خان کےلئے نجی کمپنی سے ہیلی کاپٹر کی بکنگ بھی کرالی گئی ہے۔ پولیس رکاوٹ کی صورت میں ہیلی کاپٹرکے ذریعے بنی گالہ سے نکلنے کا آپشن بھی زیر غور آیا۔

اسلام آباد (خصوصی رپورٹ) اسلام آباد ہائیکورٹ نے حکومت کو پی ٹی آئی کارکنوں کی پکڑ دھکڑ سے روکنے کا حکم جاری کر تے ہوئے گرفتار کارکنوں کی فہرستیں طلب کرلی ہیں۔ عدالت عالیہ نے انتظامیہ کو شہر میں کنٹینر نہ لگانے کا بھی حکم دیا ہے جبکہ پی ٹی آئی کے وکیل نے اسلام آباد بندش کے خلاف عدالت عالیہ کا حکم من و عن تسلیم کرنے کا بیان عدالت میں ریکارڈ کروا دیا ہے۔ پی ٹی آئی کے وکلاءنے بتایا کہ انتظامیہ نے عدالت کے جمعرات کے حکم کی خلاف ورزی کرتے ہوئے نہ صرف کنٹینرز لگا کر رکاوٹیں کھڑی کی ہیں بلکہ پی ٹی آئی کے کارکنوں کو بھی گرفتار کرلیا ہے‘ جس پر جسٹس شوکت عزیز صدیقی نے کہا کہ عدالت کو اپنے حکم پر عملدرآمد کرانا آتا ہے‘ آپ یہ بتائیں کہ آپ عدالتی حکم پر عملدرآمد کریں گے جس پر پی ٹی آئی کے وکیل نے کہا کہ ان کی جماعت عدالتی فیصلے پر من و عن عملدرآمد کرے گی۔ جسٹس شوکت نے کہا کہ نہ کوئی غیرقانونی گرفتاری ہوگی نہ ہی کنٹینرز لگیں گے۔ آپ عدالتوں کی بھی کردارکشی کرتے ہیں۔ جسٹس شوکت عزیز صدیقی نے استفسار کیا کہ آپ پرامن احتجاج کریں گے یا کہ اسلام آباد بند کریں گے‘ آپ تو عدالتوں کو بھی موردالزام ٹھہرا دیتے ہیں۔ وفاق کی جانب سے ڈپٹی اٹارنی جنرل ارشد محمود کیانی پیش ہوئے اور عدالتی فیصلے پر عمل کرنے کی یقین دہانی کرائی۔ عدالت نے ضلعی انتظامیہ کو پی ٹی آئی کارکنان کی پکڑ دھکڑ سے روک دیا جس پر ڈپٹی اٹارنی جنرل نے کہا کہ عدالت سب کے لیے حکم جاری نہ کرے بلکہ یہ حکم صرف پٹیشنرز کی حد تک کریں۔ عدالت نے کہا کہ انتظامیہ قانون توڑنے والوں کے خلاف کارروائی کرسکتی ہے لیکن پرامن احتجاج کرنے والوں کو نہ چھیڑا جائے۔ عدالت نے تحریری فیصلے میں قرار دیا ہے کہ تحریک انصاف کے وکیل نے پارٹی کی طرف سے ریکارڈ کرائے گئے بیان میں یقین دہانی کرائی ہے کہ عدالت عالیہ کے 27اکتوبر کے فیصلے پر من و عن عمل کیا جائے گا اور تحریک انصاف مقررہ جگہ پریڈ گراﺅنڈ پر احتجاج کرے گی۔ انتظامیہ شہریوں کی نقل و حمل روکنے کے لیے کنٹینرز نہیں لگائے گی۔ اسلام آباد ضلعی انتظامیہ قانون کے دائرے میں رہے اور تحریک انصاف کے پرامن کارکنوں کو ہراساں نہ کیا جائے۔ قانون توڑنے والوں کے خلاف انتظامیہ ضابطے کے تحت کارروائی کرے۔
اسلام آباد (مانیٹرنگ ڈیسک) عمران خان کی رہائش گاہ بنی گالہ ٹینٹ سٹی میں تبدیلی ہو گئی۔ پی ٹی آئی کے کارکنوں نے بنی گالہ میں ڈیرے ڈال دیئے اور کھانے پکانے کیلئے تندور اور چولہے بھی لگ گئے۔ کارکنوں کو سردی سے محفوظ رکھنے کیلئے ضروری سامان فراہم کر دیا گیا۔ عمران خان کی بہن حلیمہ خان بنی گالہ پہنچ گئیں۔ صبح کے وقت کارکنوں کو سری پائے اور نان چنے کا ناشتہ کرایا گیا۔ کمیٹی چوک اور لال حویلی کے اطراف سے کنٹینرز ہٹا کر سڑکیں کھول دی گئیں۔ راولپنڈی اور اسلام آباد میں زندگی معمول پر آ گئی۔ میٹرو بس سروس گزشتہ روز عوامی مسلم لیگ کے جلسے کی وجہ سے بند کی گئی تھی جو آج صبح بحال کر دی گئی۔ پی ٹی آئی کے کارکنوں کی بڑی تعداد جڑواں شہروں میں گھومتی پھرتی نظر آ رہی ہے۔

اسلام آباد (مانیٹرنگ ڈیسک) وفاقی حکومت نے تحریک انصاف کے ”لاک ڈاو¿ن اسلام آباد “ کو ناکام بنانے کے لئے تیاری مکمل کر لی ،مظاہرین سے نمٹنے کے لئے ”ہتھیار“ اکٹھے کر لئے ،تحریک انصاف ،پاکستان عوامی تحریک اور عوامی مسلم لیگ کے کارکنوں کو سبق سکھانے کے لئے 20ہزار آنسو گیس کے گولے ، 7ہزار بلٹ پروف جیکٹ اور 7ہزار ربڑ بیلٹ خرید لیں ،تحریک انصاف کے ”جنونیوں “ کا جنون ٹھنڈا کرنے کے لئے وفاقی حکومت نے اسلام آباد میں ،300کنٹینرز ،2000خصوصی اضافی لاٹھیاں ،ایف سی کے 3ہزار اضافی اہلکار ، 10بکتر بند گاڑیاں،20جیل کی گاڑیاں اور دیگر حفاظتی چیزیں منگوا لیں۔نجی ٹی وی چینل میں انکشاف کیا کہ وفاقی حکومت نے 2نومبر کے”معرکے “ سے نمٹنے اور تحریک انصاف ،پاکستان عوامی تحریک اور عوامی مسلم لیگ کے کارکنوں کو سبق سکھانے کے لئے 20ہزار آنسو گیس کے گولے ، 7ہزار بلٹ پروف جیکٹ اور7ہزار ربڑ کی جیکٹیں خرید لیں ہیں ،تحریک انصاف کے ”جنونیوں “ کا جنون ٹھنڈا کرنے کے لئے وفاقی حکومت اور پولیس نے اسلام آباد میں،300 کنٹینرز، 2000 خصوصی اضافی لاٹھیاں ، ایف سی کے 3ہزار اضافی اہلکار ، 10بکتر بند گاڑیاں،20جیل کی گاڑیاں اور دیگر حفاظتی چیزیں منگوا لیں ہیں۔کامران خان کا کہنا تھا کہ وفاقی حکومت نے 2نومبر کو تحریک انصاف کے کارکنوں کو گرفتار کرنے کے لئے پولیس کی 40خصوصی ٹیمیں تشکیل دی ہیں اور انہیں حکم دیا گیا ہے کہ وہ 2نومبر کی بجائے یکم نومبر سے ہی پی ٹی آئی کارکنوں کو گرفتار کرنا شروع کر دیں جبکہ 70گاڑیاں الگ سے تیار کی گئیں ہیں جو گرفتار کارکنو ں کی پکڑ دھکڑ میں استعمال کی جائیں گی۔کامران خان کا کہنا تھا کہ وفاقی حکومت نے ایف سی اور پنجاب کے مختلف شہروں سے بلائے گئے پولیس اہلکاروں کی رہائش کے لئے کیمونٹی سینٹرز ،سپورٹس کیمپلیکس اور حج کیمپلیکس میں خصوصی انتظامات کئے گئے ہیں جہاں ان کے کھانے پینے کا بھی معقول بندوبست کیا گیا ہے۔ انہوں نے کہا کہ حکومت نے اٹک ،جہلم اور اسلام آباد سے ملحقہ شہروں میں بھی راستوں کو بند کرنے کے لئے ضلعی انتظامیہ کو رکاوٹیں کھڑی کرنے کی ہدایات کر دی ہیں۔

اسلام آباد (مانیٹرنگ ڈیسک) وفاق نے وزیر اعلیٰ کے پی کے کو پروٹوکول دینے سے انکار کردیا۔ فیڈریشن کے خلاف احتجاج کیلئے آئے تو پروٹوکول نہیںدیا جائے گا۔ وزارت داخلہ کا آئی جی کو جواب ۔ نجی ٹی وی کے مطابق آئی جی کے پی کے نے وزارت داخلہ کو خط بھیجا تھاکہ وزیر اعلیٰ کے پی کے اسلام آباد آرہے ہیں انہیں انکے منصب کے مطابق سرکاری پروٹوکول فراہم کیا جائے جس کے جواب میں وزارت داخلہ نے جواب دیا ہے کہ وزیر اعلیٰ اگر سرکاری کام کیلئے اسلام آباد آئیں تو انہیںپروٹوکول دیا جائے گا۔ پرویز خٹک اگر احتجاج کیلئے اسلام آبادآئے تو انہیں دیگر مظاہرین کی طرح تصور کریں گے۔ انہیں مسلح گارڈ ساتھ رکھنے یا آزادانہ گھومنے کی اجازت نہیں دی جائیگی۔

جہلم (بیورو رپورٹ) کرسچن کالونی میں زہریلی شراب پینے سے ایک ہی خاندان کے 10 افراد ہلاک ¾ 5 کی حالت غیر ہو گئی۔ اطلاعات کے مطابق جہلم کی کرسچن کالونی میں شادی کی تقریب کے دوران زہریلی شراب پینے سے متاثرہ افراد کو راولپنڈی کے ہسپتال میں منتقل کر دیا گیا ¾ یہ معلوم نہیں ہو سکا کہ شراب کہاں سے منگوائی گئی تھی ذرائع نے بتایا کہ زہریلی شراب ان لوگوں نے خود تیار کی تھی۔ واقعہ کی اطلاع ملتے ہی پولیس موقع پر پہنچ گئی اور مقدمہ درج کر کے تحقیقات کا آغاز کردیا گیا میڈیا رپورٹ کے مطابق واقعہ جہلم کی کرسچن کالونی میں پیش آیا جسے الکوحل کی پیداوار کے حوالے سے شراب گوٹھ کے نام سے جانا جاتا ہے ¾علاقے میں بڑی مقدار میں شراب تیار کی جاتی ہے جسے جہلم میں فروخت کیا جاتا ہے۔یاد رہے کہ رواں برس جنوری میں لاہور میں بھی زہریلی شراب پینے سے 12 افراد ہلاک ہوگئے تھے۔ کرسچن کالونی جہلم شہر مےں شراب فروشی کا سب سے بڑا مرکز سمجھا جاتا ہے جہاں مسےحی برادری کے نا م پر جاری پرمٹ سے نام نہاد مسلمان اور تھانہ صدر کے اہلکار بھی پوری طرح مستفےد ہو تی ہے اور ےہاں شراب فروشی کےلئے پولیس تھانہ صدر کی نگرانی مےں باقاعدہ سےٹ اپ موجود ہے حالیہ واقعہ مےں دس ہلاکتوں سے قبل بھی ےہاں کئی اےک حادثات ہو چکے ہیں جن مےں متعدد بار درجنوں افراد زہرےلی شراب پےنے سے جاں کی بازی ہار چکے ہیں لےکن اس کے باوجود علاقے مےں شراب بنانے اور بےچنے والوں کے خلاف کوئی کاروائی نہیں ہوتی ، اور ہر دفعہ سانحہ کے بعد تھانہ صدر پولیس فرضی کاروائی کرکے عوام اور افسران کے منہ بند کر دےتی ہے اور دوسرے ہی دن ےہ مکروہ سلسلہ پھر شروع ہو جاتا ہے اور گزشتہ 20-25سال سے اس علاقے کو سہراب گوٹھ کے نام سے جانا جاتا ہے جہاں دےسی ، ولاےتی شراب کے علاوہ کباب اور دےگر منشےات کی فروخت سرئے عام کی جاتی ہے ۔اور علاقے کے شراب فروشوں سے تھانہ صدر جہلم کے اہلکار روزانہ کی بنےاد پر حصہ وصول کرنے آتے ہیں جبکہ کئی اےک اہلکار دےگر علاقوں سے شرابےوں کو ےہاں بھےج کرکے شراب فروخت کروا کے کمےشن بھی لےتے ہیں ۔بارہ نوجوانوں کی مےتےں علاقہ مےں پہنچنے پر کہرام مچ گےا اور مسےحی برادری کے افراد کے علاوہ اہل علاقہ کی بڑی تعداد اشکبار ہو گئی وقفے وقفے سے ہلاکتوں کی وجہ سے اہلےان علاقہ پر بار بار بجلی گرتی رہی اور اےک کے بعد اےک نوجوان کے مرنے کی اطلاع پر علاقہ غم و دکھ کی تصوےر بن گےا ۔مرنے والے نوجوانوں کے اہلخانہ پر بار بار غشی کے دورے پڑتے رہے ۔ شراب سے مرنے والوں کی اطلاع پر جب خبرےں ٹےم موقع پہنچی تو علاقہ کا پورا ماحول سوگوار تھا خبرےں کی جانب سے واقعہ کی تفصیلات کے استفسار پر اہلےان کرسچن کالونی پھٹ پڑے ، اہل علاقہ نے کہا کہ ہمارے علاقے مےں عرصہ دراز سے منشےات ، شراب اور قحبہ خانوں کا سلسلہ جاری ہے ہم غرےب لوگ ہیں مجبور ہو کر اس علاقے مےں رہ رہے ہیں ورنہ ےہاں رہنے کے کوئی حالات نہیں ، شہر بھر کے شرابی ےہاں گھومتے پھرتے ہیں اور نشے مےں دھت ہو کر گالےاں بکتے رہتے ہیں سانحہ کرسچن کالونی بارے جب موقف لےنے کےلئے ”خبرےں “ کی جانب سے ڈی پی او جہلم حسن اسد علوی سے رابطہ کےا گےا تو انہوں نے بتاےا کہ مےں چند روز قبل ہی جہلم مےں تعےنات ہوا ہوں اور علاقے مےں منشےات فروشوں کے خلاف کاروائیاں شروع کی ہیں کرسچن کالونی مےں شراب کے پرمٹ کی آڑ مےں غےر قانونی سرگرمےوں کی اطلاعات مجھے موصول ہوئی ہے عرصہ دراز سے جاری اس دھندے کو ختم کرنے کےلئے بھرپور کاروائی کی جائے گی اور تھانہ صدر کے جو اہلکار بھی اس مکروہ دھندے مےں شامل ہوئے ان کو محکمہ کی وردی مےں کالا دھندے کرنے کی سخت سزا دی جائے گی ۔