ذرائع کے مطابق پولیس سروسز، پاکستان ایڈمنسٹریٹو سروسز سمیت متعدد افسران کو گریڈ انیس میں ترقی دے دی گئی۔
ڈپٹی کمشنر ساہیوال سمیع اللہ فاروق ، ڈپٹی کمشنر سیالکوٹ صبا اصغر علی کو کو گریڈ انیس میں ترقی دے دی گئی
وزیراعلی پنجاب کے سیکرٹری عبداللہ نئیر شیخ کو بھی ترقی مل گئی جب کہ ایڈیشنل سیکرٹری ٹو چیف سیکرٹری پنجاب سلمان خان لودھی بھی ترقی ملنے والوں کی فہرست میں شامل ہیں۔
کیا آپ نے کبھی خواب دیکھا ہے کہ آپ کا اپنا نجی جزیرہ ہو جہاں آپ چھٹیاں گزارنے جا سکیں اور سمندری لہروں کی سکون پہنچانے والی آواز سن سکیںَ
اگر ہاں تو اب اس کی تعبیر ممکن ہے۔
جی ہاں واقعی وزٹ سویڈن نامی سویڈش ادارے کی جانب سے 5 نجی جزیروں کی ملکیت غیر ملکی سیاحوں کے حوالے کرنے کا فیصلہ کیا گیا ہے۔
یہ ملکیت ایک سال تک ان خوش قسمت افراد کے پاس رہے گی اور پورا جریزہ ان کے پاس ہوگا۔
پورے 365 دن تک وہ افراد ان جزائر کے مالک ہوں گے اور آئی لینڈ Custodian کہلائیں گے۔
سویڈن میں 2 لاکھ 67 ہزار سے زائد جزائر موجود ہیں جن میں سے 5 خوبصورت اور بے آباد جزائر کی ملکیت لوگوں کے حوالے کی جائے گی۔
مگر اس کے لیے چند شرائط کو پورا کرنا ہوگا۔
وزٹ سویڈ کی چیف ایگزیکٹو سوزان اینڈرسن نے بتایا کہ دنیا کے کسی بھی ملک کے مقابلے میں سویڈن میں جزائر کی تعداد سب سے زیادہ ہے اور ہم چاہتے ہیں کہ عام لوگ یہاں آکر محسوس کرسکیں کہ کسی جزیرے کی ملکیت ہونے سے کیسا محسوس ہوتا ہے۔
وزٹ سویڈن نے اس پروگرام کے لیے سویڈش نیشنل پراپرٹی بورڈ سے شراکت داری کی ہے جو کہ حکومتی ثقافتی جائیدادوں کی دیکھ بھال کرنے والا ادارہ ہے۔
یہ تمام جزائر آبادیوں کے قریب ہیں تاکہ خوش قسمت افراد اپنی تمام ضروریات آسانی سے پوری کرسکیں۔
وزٹ سویڈن کے مطابق 5 جزائر کو استعمال کرنے کا حق کامیاب افراد کو دیا جائے گا جبکہ انہیں سویڈن کے مختلف خطوں کی سیر بھی کرائی جائے گی۔
ان افراد کو ایک معاہدے پر دستخط کرنا ہوں گے جس میں وہ جزائر کی ذمہ داری قبول کریں گے۔
اس پروگرام کے لیے درخواستیں ویب سائٹ پر 17 اپریل تک جمع کرائی جاسکتی ہیں۔
مزید تفصیلات کے لیے آپ براہ راست سویڈن ویب سائٹ کا وزٹ کرسکتے ہیں۔
افسوسناک واقعہ چمکنی فروٹ منڈی میں فروٹ کی خرید و فرخت و نرخ نامے کے تنازع پر دو گروپوں میں فائرنگ ہوئی، فائرنگ کے نتیجے میں 2 افراد موقع پر دم توڑ گئے جبکہ 3 افراد شدید زخمی ہوگئے۔
پولیس ذرائع کے مطابق جاں بحق ہونے والوں میں عبد البصیر، نثار جمروز خان شامل ہیں، جاں بحق افراد کی لاشوں اور زخمیوں کو ہسپتال منتقل کردیا گیا ہے۔
کل سے ریزرویشن دفاتر صبح 7:30 سے شام 5:30 تک کھلے رہیں گے، جمعہ کے روز 12:30 سے دوپہر 2 بجے تک نماز کا وقفہ ہو گا۔
دوسری جانب سنگل شفٹ ریزرویشن دفاتر کے اوقات کار میں کوئی تبدیلی نہیں کی گئی۔
علاوہ ازیں یہ اوقات کار 15رمضان المبارک تک لاگو رہیں گے
وفاقی دارالحکومت میں پریس کانفرنس کرتے ہوئے علی پرویز ملک کا کہنا تھا کہ تمام فیڈرزکی مانٹیرنگ کےلیےجدید نظام فعال ہے، سوئی ناردرن اورسوئی سدرن گیس کمپنیوں کی مشاورت سےپلان تیارکیا گیا ہے۔
اُنہوں نے کہا کہ سحراورافطاری کےاوقات میں گیس فراہمی کی خصوصی نگرانی کی جائےگی، نقصان والے فیڈرز پر بھی سحروافطار کے اوقات میں لوڈشیڈنگ نہیں ہوگی۔
وزیرِ مملکت پٹرولیم کا مزید کہنا تھا کہ شہری 1199کے نمبر پر گیس سے متعلق اپنی شکایات رجسٹر کروا سکتےہیں۔
اویس لغاری
اگرسحراورافطارمیں بجلی کی لوڈشیڈنگ ہو رہی ہو تو 118پر شکایت کر سکتے ہیں، نقصان والے فیڈرز پر بھی سحر و افطار کے اوقات میں لوڈشیڈنگ نہیں ہوگی۔
صاحبزادہ فرحان ٹی ٹوئنٹی ورلڈکپ کی تاریخ میں سنچری بنانے والے دوسرے پاکستانی بیٹر بن گئے۔
تفصیلات کے مطابق صاحبزادہ فرحان نے نمیبیا کے خلاف گروپ مرحلے کے اہم میچ میں 100 رنز کی ناقابل شکست اننگز کھیلی۔
یہ ان کی پہلی ٹی ٹوئنٹی انٹرنیشنل سنچری ہے اور اس کے ساتھ ہی وہ احمد شہزاد کے بعد ٹی ٹوئنٹی ورلڈکپ میں سنچری بنانے والے دوسرے پاکستانی بلے باز بھی بن گئے ہیں۔
احمد شہزاد نے 2014 کے ٹی ٹوئنٹی ورلڈکپ میں بنگلادیش کے خلاف سنچری اسکور کی تھی۔
واضح رہے کہ رواں ٹی ٹوئنٹی ورلڈکپ میں بننے والی یہ تیسری سنچری ہے۔ اس سے قبل ٹی ٹوئنٹی ورلڈکپ کے کسی بھی ایڈیشن میں دو سے زائد سنچریز نہیں بن سکیں۔
رواں ایونٹ میں سری لنکا کے پتھم نسانکا نے آسٹریلیا اور کینیڈا کے یووراج سامرہ نے نیوزی لینڈ کے خلاف سنچری اسکور کی تھی۔
: کراچی
کیماڑی سکندرآباد اسٹاپ کے قریب تیز رفتار واٹر ٹینکر کی ٹکر سے کمسن بچی جاں بحق ہوگئی، پولیس نے فوری کارروائی کرتے ہوئے واٹر ٹینکر کو قبضے میں لیکر اس کے ڈرائیور کو گرفتار کر لیا۔
تفصیلات کے مطابق جیکسن تھانے کے علاقے کیماڑی سکندرآباد اسٹاپ کے قریب تیز رفتار واٹر ٹینکر کی ٹکر سے کمسن بچی جاں بحق ہوگئی جس کی لاش چھیپا ایمبولینس کے ذریعے جناح اسپتال منتقل کی گئی۔ متوفیہ بچی کی شناخت 10 سالہ حسیبہ دختر طاہر کے نام سے کی گئی۔
ایس ایچ او جیکسن مٹھل شر کا دعویٰ ہے کہ متوفیہ بچی اپنے والد کے ساتھ موٹر سائیکل پر جا رہی تھی کہ اچانک موٹر سائیکل سے گر گئی اور عقب سے آنے والے واٹر ٹینکر کی زد میں آکر جاں بحق ہوگئی، متوفیہ بچی سکندر آباد کی رہائشی تھی۔
پولیس نے کارروائی کرتے ہوئے واٹر ٹینکر کو تحویل میں لیکر اس کے ڈرائیور کو گرفتار کرکے تھانے منتقل کر دیا ہے جہاں واٹر ٹینکر کے مالک کے خلاف مزید قانونی کارروائی عمل میں لائی جا رہی ہے جبکہ پولیس نے قانونی کارروائی کے بعد متوفیہ بچی کی لاش ورثا کے حوالے کر دی۔
آپ کے خیال میں کسی خوش باش شادی شدہ جوڑے کے کامیاب تعلق کے پیچھے کیا راز چھپا ہوتا ہے؟
یہ راز سونے کے وقت میں چھپا ہے۔
کم از کم ایک نئی تحقیق میں تو یہی دلچسپ دعویٰ سامنے آیا۔
ٹالکر ریسرچ نامی امریکی ادارے کی ایک تحقیق میں بتایا گیا کہ جب میاں بیوی کے سونے کا وقت یکساں ہوتا ہے تو باہمی تعلق زیادہ مضبوط ہوتا ہے۔
اس تحقیق میں 2 ہزار شادی شدہ جوڑوں کے سونے کے وقت کا جائزہ لیا گیا اور دیکھا گیا کہ شوہر اور بیوی کے سونے کے وقت کے درمیان کتنا فرق ہوتا ہے اور اس سے باہمی تعلق پر کیا اثرات مرتب ہوتے ہیں۔
تحقیق کے مطابق یہ بہت عام ہے اور اکثر کبھی شوہر جلدی سونے کے لیے بستر پر جاتا ہے یا کبھی بیوی جلد سوتی ہے۔
اوسطاً ہر ہفتے اکثر جوڑوں کے سونے کے وقت کے درمیان 80 منٹ کا وقفہ ہوتا ہے۔
تحقیق کے مطابق جن جوڑوں کے سونے کے لیے لیٹنے کے وقت کے درمیان فرق کم ہوتا ہے، وہ اپنی شادی سے زیادہ مطمئن ہوتے ہیں۔
اسی طرح سونے کے ملتے جلتے پیٹرنز کے حامل جوڑوں کا باہمی تعلق بھی مضبوط ہوتا ہے۔
یعنی اگر میاں بیوی دونوں رات گئے تک جاگنے کے عادی ہیں یا جلد سونا پسند کرتے ہیں، تو وہ شادی سے زیادہ مطمئن ہوتے ہیں۔
اس کے مقابلے میں اگر شوہر جلد سونے اور بیوی رات گئے تک جاگنے کی عادی ہو تو باہمی تعلق متاثر ہوسکتا ہے۔
محققین نے بتایا کہ ہم یہ نہیں کہتے کہ ایسا لازمی ہوتا ہے کیونہ باہمی تعلق کو مضبوط بنانے کے متعدد ذرائع موجود ہیں، مگر نتائج سے عندیہ ملتا ہے کہ باہمی تعلق کے حوالے سے نیند بھی ایک اہم عنصر ہے۔
پاکستان کے جارح مزاج اوپنر صاحبزادہ فرحان ٹی ٹوئنٹی ورلڈکپ 2026 میں سب سے زیادہ رنز بنانیوالے بیٹر بن گئے۔
کولمبو میں آئی سی سی ٹی ٹوئنٹی ورلڈ کپ کےاہم میچ میں پاکستان نے صاحبزادہ فرحان کی شاندار سنچری کی بدولت نمیبیا کو جیت کے لیے 200 رنز کا ہدف دیا۔
صاحبزادہ فرحان نے 58 گیندوں پر 4 چھکوں اور 11 چوکوں کی مدد سے 100 رنز کی ناقابل شکست اننگز کھیلی۔
اس سنچری کےساتھ ہی صاحبزادہ فرحان ٹی ٹوئنٹی ورلڈکپ 2026 میں سب سے زیادہ رنز بنانیوالے بیٹر بن گئے۔
کراچی:
ضلع ملیر پولیس نے ایسٹ زون میں کارروائی کرتے ہوئے اسٹیل مل سے قیمتی دھات نکالنے والے دو ملزمان کو گرفتار کر لیا۔
ترجمان ملیر پولیس کے مطابق بن قاسم پولیس نے خفیہ اطلاع پر کارروائی کرتے ہوئے ملزمان کو حراست میں لیا۔ دورانِ کارروائی ملزمان کے قبضے سے مشینری سے نکالے گئے 542 گرام چاندی اور تانبے کے قیمتی آلات برآمد کر لیے گئے۔
پولیس کا کہنا ہے کہ ابتدائی تحقیقات میں انکشاف ہوا ہے کہ گرفتار ملزمان مشینری سے قیمتی کنڈکٹر اور چاندی و تانبے کے آلات نکال کر فروخت کرتے تھے۔ ملزمان کی شناخت ارشد اور سدھیر کے نام سے ہوئی ہے۔
پولیس حکام کے مطابق دونوں ملزمان کے سابقہ کرمنل ریکارڈ کی بھی جانچ کی جا رہی ہے۔ ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔
