اسلام آباد: (ویب ڈیسک) سپریم کورٹ نے سینیئر صحافی ارشد شریف قتل پر از خود نوٹس کیس سماعت کے لیے مقرر کردیا۔
چیف جسٹس پاکستان کی سربراہی میں 5 رکنی بینچ 13 فروری کو کیس کی سماعت کرےگا، جسٹس اعجاز الاحسن، جسٹس منیب اختر، جسٹس جمال خان مندوخیل اور جسٹس محمد علی مظہربھی بینچ میں شامل ہیں۔
خیال رہے کہ سپریم کورٹ نے جے آئی ٹی سے یو اے ای اورکینیا میں تحقیقات پر رپورٹ طلب کر رکھی ہے۔

لاہور: (ویب ڈیسک) پاکستان کی ریسکیو ٹیم نے ترکیہ میں زلزلے کے بعد کامیاب سرچ آپریشنز کرتے ہوئے ملبے تلے دبے 6 سے زائد افراد کو زندہ نکال لیا۔
حکومت اور افواج پاکستان کا ترکیہ کے بھائیوں کی امداد کا مشن جاری ہے۔ پاک آرمی کی ریسکیو ٹیمیں اب تک مجموعی طور پر 51 سے زاٸد جگہوں پر ریسکیو اینڈ سرچ آپریشن میں سرگرم عمل ہیں۔ چھ سے زاٸد افراد کو زندہ نکال لیا گیا۔
پاکستان آرمی کی سرچ اور ریسکیو ٹیموں نے نو سال کی بچی کو ایک سو دو گھنٹوں کے بعد ملبے سے زندہ نکال لیا۔ ریسکیو ٹیم نے 14سال کے لڑکے کو زندہ بچا لیا جو پاک آرمی ریسکیو ٹیم کی بڑی کامیابی ہے۔ملبے تلے دبے 5 زندہ افراد کی بھی نشاندہی کی گئی جنہیں مقامی ریسکیو ٹیموں نے بچا لیا۔
پاکستان ریسکیو ٹیم اقوام متحدہ کی انسراگ سرٹیفائیڈ اربن سرچ اینڈ ریسکیو ٹیم کی واحد خاتون ممبر دیبا شہناز اختر نے پرخطر آپریشن کے بعد ایک 50 سالہ خاتون کو بحفاظت ملبے کے نیچے سے نکالا۔
ترک بھائیوں کی امداد کے لئے این ڈی ایم اے مصروف عمل ہے۔ ساڑھے سات ٹن سے زاٸد خیموں اور دیگر سامان کی کھیپ پر پی آئی اے کی پرواز اسلام آباد سے روانہ کی گئی۔ اسکے علاوہ لاہور سے اڑنے والا امدادی سامان پر مشتمل پی اے ایف کا طیارہ ترکیہ پہنچ گیا۔ امدادی سامان زلزلہ زدگان میں تقسیم کر دیا گیا۔
واضح رہے کہ ترکی اور شام میں سوموار کو آنے والے زلزلے کے بعد اب تک ہلاک ہونے والوں کی تعداد 25 ہزار سے زیادہ ہو چکی ہے۔

لاہور: (ویب ڈیسک) محکمۂ خوراک پنجاب اور فلور ملز ایسوسی ایشن کے درمیان تنازع بڑھ گیا، صوبے میں آٹے کے بحران کا خدشہ پیدا ہوگیا۔
سیکرٹری خوراک اور فلور ملز ایسوسی ایشن کے درمیان تنازعہ مزید بڑھ گیا۔ محکمہ خوراک نے 100 سے زائد ملوں کا گندم کوٹہ معطل کر دیا۔
فلورملز مالکان نے دکانوں پر آٹا سپلائی روک دی۔ فلور ملز ایسوسی ایشن کےمطابق کل سے باقاعدہ ہڑتال شروع کرنے کا پلان ہے۔
دوسری جانب سیکرٹری خوراک نے دس ملز مالکان کےخلاف مقدمہ درج کرانے کی ہدایت کر دی۔نگران وزیر اعلیٰ پنجاب نے بھی سیکرٹری خوراک سے رپورٹ مانگ لی ہے۔

لاہور: (ویب ڈیسک) پاکستان تحریک انصاف (پی ٹی آئی) کے رہنماؤں نے کہا ہے کہ پی ڈی ایم انتخابات سے بھاگ رہی ہے، ہر بندہ پوچھ رہا ہے الیکشن کب ہوں گے، سنگل بینچ کے تاریخ ساز فیصلے نے انتخابی عمل کو تیز تر کر دیا ہے۔
پاکستان تحریک انصاف کے سینئر رہنما اور فوکل پرسن جیل بھرو تحریک اعجاز چودھری نے صدر پی ٹی آئی سینٹرل پنجاب ڈاکٹر یاسمین راشد کے ہمراہ پریس کانفرنس کی۔
میڈیا نمائندگان سے گفتگو میں سینیٹر اعجاز چودھری نے کہا کہ زلزلے کے باوجود ترک صدر نے اپنے ملک میں انتخابات کا اعلان کیا، ہمارے ہاں گنگا الٹی بہہ رہی ہے، اس وقت ملک میں گھمبیر صورتحال ہے، سنگل بینچ نے تاریخ ساز فیصلہ کیا جس نے انتخابی عمل کو تیز تر کر دیا ہے۔
اعجاز چودھری نے کہا کہ انہوں نے گزشتہ 10 ماہ میں کوئی کام آئین کے مطابق نہیں کیا، ہم نے آئین کے مطابق اپنی حکومتیں ختم کیں، ادویات کی قیمتوں میں 300 فیصد اضافہ ہو رہا ہے، بجلی کی قیمت میں 10 روپے فی یونٹ کا اضافہ ہو رہا ہے،پٹرول کی قیمت 300 روپے تک چلی جائے گی۔
پی ٹی آئی رہنما ڈاکٹر یاسمین راشد نے کہا کہ ہائیکورٹ نے آئین کی پاسداری کرتے ہوئے 90 روز میں الیکشن کا حکم دیا ہے، ڈور ٹو ڈور مہم میں ہر کوئی پوچھتا ہے الیکشن کب ہونے ہیں، الیکشن کروانا حکومت کی مجبوری بن گئی ہے، مریم نواز جلسوں میں کہتی ہیں ہم الیکشن سے نہیں ڈرتے، اگر الیکشن سے ڈرتے نہیں تو چھپ کیوں رہے ہیں۔

اسلام آباد: (ویب ڈیسک) اسلام آباد ہائی کورٹ نے رینٹل پاور کیس میں بریت کے خلاف نیب کی اپیلیں سماعت کیلئے مقرر کر دیں۔
سابق وزیرِ خزانہ شوکت ترین اور قومی اسمبلی کے سپیکر راجہ پرویز اشرف کی بریت کے خلاف نیب کی اپیلوں کی 4 اپریل کو سماعت ہوگی۔
اسلام آباد ہائی کورٹ کے چیف جسٹس عامر فاروق اور جسٹس سردار اعجاز اسحاق خان نیب کی اپیلوں پر سماعت کریں گے، رجسٹرار اسلام آباد ہائی کورٹ نے رینٹل پاور کیس میں 2 نیب اپیلوں کی کاز لسٹ جاری کر دی ہے۔
نیب نے احتساب عدالت کے جون 2020ء کے بریت کے 2 فیصلوں کو چیلنج کر رکھا ہے۔

لاہور: (ویب ڈیسک) رہنما پاکستان تحریک انصاف عامر کیانی نے کہا ہے کہ چیئرمین نے مجھے موقع دیا کہ دوبارہ الیکشن لڑو، یہ عام الیکشن نہیں، یہ عمران خان بمقابلہ کرپشن ہے۔
ریٹرننگ آفیسر (آر او) آفس کے باہر میڈیا سے گفتگو کرتے ہوئے عامر کیانی کا کہنا تھا کہ تمام ورکرز اور دوستوں کے ساتھ آیا ہوں، یہ ہماری جیتی ہوئی سیٹ ہے، ہماری جماعت میں اولاد اور مفاد کی سیاست نہیں، قوم عمران خان کے ساتھ جڑی ہوئی ہے، الیکشن ڈٹ کر لڑیں گے۔
رہنما پی ٹی آئی نے کہا کہ ہمارے مد مخالف خوفزدہ ہیں، عمران خان کا کونسا ورکر ہے جو جیل نہیں جانا چاہتا، عمران خان کو گولیاں لگی ہے وہ یہیں ہے، شوکت ترین والے معاملہ کا علم نہیں ہے، اب ہمارے لیے گرفتاریاں بے معنی ہوچکی ہیں۔