All posts by Khabrain News

اہم خبریں, پاکستان

بےنظیر بھٹو قتل کیس کی اپیلیں ساڑھے 5 سال بعد سماعت کیلیے مقرر

راولپنڈی: (ویب ڈیسک) سابق وزیر اعظم بے نظیر بھٹو قتل کیس کی اپیلیں ساڑھے 5 سال بعد سماعت کے لیے مقرر کر دی گئیں۔
چیف جسٹس لاہور ہائی کورٹ نے خصوصی ڈویژن بینچ تشکیل دے دیا جس میں جسٹس صداقت علی خان اور جسٹس مرزا وقاص رؤف شامل ہیں۔
خصوصی بینچ کل 9 فروری جمعرات کو اس کیس سے متعلق 8 اپیلوں کی سماعت کرے گا۔
آصف زرداری، بری پانچوں ملزمان، مرحوم جنرل ریٹائرڈ پرویز مشرف اور سزا یافتہ پولیس افسران کو نوٹس جاری کر دیے گئے۔ پرویز مشرف کی وفات کے بعد ان کے خلاف اپیل خارج ہونے کا امکان ہے۔
پرویز مشرف اس کیس میں اشتہاری ہیں اور ان کے دائمی وارنٹ گرفتاری جاری ہیں۔
مقدمے کے تین ملزمان اعتزاز، شیر زمان اور حسنین رہا ہیں جوکہ خود پیش ہوں گے جبکہ ایک بری ملزم عبدالرشید تاحال اڈیالہ جیل میں قید ہے اور پانچواں ملزم رفاقت لاپتہ ہے۔
دونوں پولیس افسران سعود عزیز اور خرم شہزاد ضمانت پر ہیں۔ دونوں کو 17، 17 سال قید اور 10، 10 لاکھ روپے جرمانے کی سزا ہوئی۔

اہم خبریں, پاکستان

پاک فضائیہ کے تربیتی طیارے کی ہنگامی لینڈنگ

مرادن: (ویب ڈیسک) پاک فضائیہ کے تربیتی طیارے نےکھیتوں میں ہنگامی لینڈنگ کی ۔
پاک فضائیہ کے تربیتی طیارے نے مردان میں ہنگامی لینڈنگ کی ۔دونوں پائلٹ محفوظ رہے۔ ترجمان کے مطابق، پاک فضائیہ کے تربیتی طیارے نے تخت بھائی کے قریب کھیتوں میں ہنگامی لینڈنگ کی۔

انٹر نیشنل, اہم خبریں

راہول گاندھی کے گوتم اڈانی اور نریندر مودی کے گٹھ جوڑ پر سوالات

ممبئی: (ویب ڈیسک) بھارتی لوک سبھا میں اپوزیشن لیڈر اور کانگریس رہنما راہول گاندھی نے امیر ترین بھارتی تاجر گوتم اڈانی اور وزیر اعطم نریندر مودی کے گٹھ جوڑ پر سوالات اٹھا دیئے۔
راہول گاندھی نے لوک سبھا میں خطاب کرتے ہوئے کہا مودی سرکار میں ایک نام ہمیں سب جگہ سننے کو ملا وہ ہے اڈانی، سیب سے لیکر کیلوں کے کاروبار تک ہر جگہ اڈانی ہی چلتا ہے۔ اڈانی کسی بھی بزنس میں فیل نہیں ہوتا، کیوں؟ آج ہندوستانی قوم پوچھ رہی ہے کہ آخر یہ اڈانی ہے کون؟
ان کا کہنا تھا کہ 2014میں گوتم اڈانی امیر لوگوں کی فہرست میں 609ویں نمبر پر تھا آج دوسرے نمبر پر ہے، گوتم اڈانی کا بھارتی وزیراعظم سے کیا رشتہ ہے؟ اڈانی نیٹ ورک 2014سے 2022 تک 8بلین ڈالر سے 140بلین ڈالر کا کیسے ہو گیا؟
انہوں نے کہا کہ ہمارا وزیراعظم سری لنکا جا کے کہتا ہے کہ بجلی کا پروجیکٹ اڈانی کو دے دیں، کچھ دن بعد بنگلہ دیشی پاور ڈیویلپمنٹ بورڈ 25سال کا کنٹریکٹ اڈانی کے ساتھ سائن کر دیتا ہے، یہ فارن پالیسی نہیں بلکہ یہ اڈانی کے بزنس بنانے کی فارن پالیسی ہے۔
ان کا کہنا تھا کہ فرق یہ ہے پہلے اڈانی کے جہاز میں مُودی جاتے تھے اب مُودی کے جہاز میں اڈانی جاتا ہے، مُودی سے سوال ہے کہ غیر ملکی دوروں پر کتنی مرتبہ اڈانی کے ساتھ گئے؟ ضروری سوال تو یہ بھی ہے کہ اڈانی نے پچھلے20سال میں بی جے پی کو کتنے پیسے دیئے؟

اہم خبریں, شوبز

بالی وڈ کی مہنگی ترین شادیاں جن کے وینیو پر کروڑوں خرچ کیے گئے

لاہور : (ویب ڈیسک) بالی وڈ اداکار سدھارتھ ملہوترا اور اداکارہ کیارا ایڈوانی گزشتہ روز بھارتی شہر جیسلمیر کی عالیشان حویلی ’ سوریا گڑھ پیلس ‘ میں شادی کے بندھن بندھ گئے تاہم اب بالی وڈ جوڑی کی شادی کے مقام پر کروڑوں روپے کے خرچے کی تفصیلات سامنے آئی ہیں۔
بھارتی میڈیا رپورٹ کے مطابق سوریا گڑھ پیلس کا وینیو جتنا خوبصورت ہے اتنا مہنگا بھی ہے۔
ایک رپورٹ کے مطابق اس پیلس میں ایک روزہ شادی کے ایونٹ پر ڈیڑھ کروڑ بھارتی روپے اور سیاحوں کے سیزن میں 2 کروڑ بھارتی روپے کا خرچہ آتا ہے چونکہ سدھارتھ اور کیارا کی شادی کیلئے سوریا گڑھ پیلس میں 3 روز تک بکنگ کی گئی اس لیے ان کی شادی پر 6 کروڑ (19کروڑ پاکستانی روپے)سے زائد کا خرچہ آیا جو سدھارتھ اور کیا راکی شادیوں کو بالی وڈ کی مہنگی ترین شادیوں میں شامل کرتا ہے ۔
آئیے اب نظر ڈالتے ہیں بالی وڈ کی دیگر جوڑیوں پر جنہوں نے شادی کے وینیو کیلئے کروڑوں خرچ کیے۔
کترینہ کیف اور وکی کوشل
بالی وڈ اداکارہ کترینہ کیف اور وکی کوشل نے شادی کے لیے راجھستان کے سکس سینسز فورتھ بروارا کا انتخاب کیا تھا جس پر 4 کروڑ بھارتی روپے کا خرچہ آیا تھا۔
دیپیکا اور رنویر سنگھ
دیپیکا اور رنویر سنگھ کی شادی اٹلی کے خوبصورت کوموکو محل میں ہوئی تھی اس محل کا ایک دن کا کرایہ 24 لاکھ بھارتی روپے ہے۔
انوشکا شرما اور ویرات کوہلی
بھارتی اداکارہ انوشکا شرمااور بھارتی کرکٹر ویرات کوہلی کی شادی مہنگی ترین شادیوں میں سے ایک ہے جس کیلئے ویرات اور انوشکا نے اٹلی کے تسکنی ریجن کا انتخاب کیا۔
ٹائمز آف انڈیا کی ایک رپورٹ میں دعویٰ کیا گیا ہےکہ انوشکا اور ویرات کی شادی پر 100 کروڑ بھارتی روپوں کا خرچہ آیا۔
پریانکا چوپڑا اور نک جونس
پریانکا چوپڑا اور نک جونس نے شادی کے لیے جودھپور کے امید بھون ہوٹل کا انتخاب کیا جس کیلئے جوڑی نے 50 ملین ڈالر ادا کیے۔

اہم خبریں, شوبز

اداکارہ سنبل اقبال کے وارنٹ گرفتاری جاری

کراچی : (ویب ڈیسک) کراچی کی عدالت نے اداکارہ سنبل اقبال کے قابلِ ضمانت وارنٹ گرفتاری جاری کردیے۔
کراچی کے جوڈیشل مجسٹریٹ جنوبی کی عدالت نے گواہی اور شواہد پیش نا کرنے کے معاملے پر اداکارہ کے 10 ہزار روپے مالیت کے قابلِ ضمانت وارنٹ گرفتاری جاری کیے ہیں اور انہیں گرفتار کرکے 15 فروری کو پیش کرنے کا حکم دیا گیا ہے۔
ایف آئی اے کے مطابق سنبل اقبال نے 2020 میں شکایت درج کرائی تھی جس کے بعد ندیم کیانی و دیگر کے خلاف پاکستان الیکٹرانک کرائم ایکٹ کے تحت مقدمہ درج ہے۔
ملزم کے وکیل کے مطابق سنبل اقبال نے ندیم کیانی و دیگر کے خلاف ایف آئی اے میں شکایت درج کرائی تھی اور ندیم کیانی نے کیس میں ضمانت کرارکھی ہے۔
اداکارہ کی جانب سے الزام عائد کیا گیا تھا کہ ندیم کیانی و دیگر نے میرے خلاف سوشل میڈیا پر مہم چلائی ہے ۔
ملزم کے وکیل نے کہا کہ اداکارہ سنبل اقبال گواہی کے لیے عدالت میں پیش نہیں ہورہی۔

اہم خبریں, پاکستان

آئی ایم ایف سیلاب میں ڈوبے لوگوں کو مہنگائی میں نہ ڈبوئے: بلاول

کراچی : (ویب ڈیسک) چیئرمین پیپلز پارٹی اور وزیر خارجہ بلاول بھٹو زرداری نے عالمی اداروں اور عالمی مالیاتی فنڈ (آئی ایم ایف) سے مطالبہ کیا ہےکہ سیلاب میں ڈوبےلوگوں کو مہنگائی میں نہ ڈبوئیں۔
کراچی میں ڈونرکانفرنس سے خطاب کرتے ہوئے بلاول بھٹو زرداری کا کہنا تھا کہ سیلاب جیسی قدرتی آفت ہمارے لیے قیامت سے پہلے قیامت تھی، تاریخ میں ایسی آفت پہلے کبھی نہیں آئی، سندھ میں سیلاب سے ہر سات میں سے ایک پاکستانی متاثر ہوا، مشکل گھڑی میں یو این سیکرٹری جنرل کی کوششوں کو سراہتے ہیں۔بلاول بھٹو زرداری کا کہنا تھا کہ حکومت کی کامیابی ہے کہ ہم نے عالمی اداروں سے جتنا مانگا اس سے زیادہ ملا، سیلاب سے تین کروڑ سے زائد افراد متاثر ہوئے، پانچ لاکھ ایکڑ پر فصلیں تباہ ہوئیں، سندھ میں گھروں کی تعمیر کے لیے 1.5 ارب ڈالر کی ضرورت ہے۔
وزیر خارجہ کا کہنا تھا کہ ہمیں عالمی اداروں بالخصوص عالمی بینک سے تعاون ملا، ہمارے وزیر خزانہ اور آئی ایم ایف کے درمیان مذاکرات ہو رہے ہیں، امید ہے آئی ایم ایف سے بات چیت مثبت رہےگی، آئی ایم ایف کی ذمہ داری ہےکہ سیلاب متاثرین کو بھی تحفظ دلائے، آئی ایم ایف کےکہنے پر قوم پر مہنگائی کا بوجھ ڈال رہے ہیں، آئی ایم ایف سے مطالبہ ہے کہ سیلاب کی تباہ کاریوں سے متاثرہ قوم کے ساتھ شرائط نرم کرے، عالمی ادارے اور آئی ایم ایف سے مطالبہ ہے کہ سیلاب میں ڈوبےلوگوں کو مہنگائی میں نہ ڈبوئیں۔
ان کا کہنا تھا کہ ہم چاہتے ہیں کہ سیلاب متاثرہ علاقوں کے لیے ٹارگٹڈ ریلیف ہو، یہ ریلیف زراعت، توانائی اور کھاد کے لیے ہونی چاہیے، یہ تب ممکن ہوگا جب آئی ایم ایف کی شرائط میں نرمی ہوگی، درپیش امتحان اور مسائل کا حل اور منصوبے ہمارے پاس ہیں۔

اہم خبریں, پاکستان

شیخ رشید راہداری ریمانڈ پر مری پولیس کے حوالے

اسلام آباد: (ویب ڈیسک) اسلام آباد کی عدالت نے عوامی مسلم لیگ کے سربراہ شیخ رشید کو راہداری ریمانڈ پر مری پولیس کے حوالے کردیا۔
وفاقی پولیس نے شیخ شید کو اسلام آباد کچہری میں ہتھکڑی لگا کر پیش کیا جہاں کیس کی سماعت کے دوران عدالت نے پولیس سے استفسار کیا کہ کیا پہلے راہداری ریمانڈ کی استدعا کی؟ اس پر تفتیشی افسر نے کہا کہ پہلی بار کر رہےہیں، اس سے پہلے نہیں کی۔شیخ رشید کے وکیل علی بخاری نے کہا کہ جوڈیشل مجسٹریٹ نےحال ہی میں شیخ رشیدکے راہداری ریمانڈکی استدعا مسترد کی تھی، شیخ رشید جیل میں ہیں،کہیں باہر نہیں جاسکتے۔
وکیل علی بخاری نے شیخ رشید کے راہداری ریمانڈ کی درخواست کی مخالفت کی جس کے بعد پراسیکیوٹر نے راہداری ریمانڈ سے متعلق دلائل دیے۔
پراسیکیوٹر نے کہا کہ شیخ رشید جوڈیشل ریمانڈ پر ہیں،ان کو مری کی عدالت میں پیش کرنا ہے۔
عدالت نے فریقین کے دلائل سننے کے بعد پولیس کی درخواست منظور کرتے ہوئے شیخ رشید کو ایک دن کے راہداری ریمانڈ پر مری پولیس کے حوالے کردیا۔
عدالت نے شیخ رشید کو کل دو بجے متعلقہ عدالت میں پیش کرنے کا حکم دیا۔

اہم خبریں, دلچسپ و عجیب

وہ پھل جن کو ہم سبزیاں سمجھ کر کھاتے ہیں

لاہور: (ویب ڈیسک) پکانے کے نکتہ نظر سے بات کی جائے تو لوگوں کی نظر میں پھلوں اور سبزیوں میں جو فرق ہوتا ہے وہ یہ ہے کہ پھل عموماً میٹھے ہوتے ہیں جبکہ سبزیوں میں مٹھاس نہیں ہوتی۔
مگر پھلوں اور سبزیوں کے درمیان فرق کرنے والی نباتاتی وضاحت مختلف ہے۔علم نباتات کے اصولوں کے مطابق پھل کی تعریف یہ ہے کہ پودے کے پھول سے پیدا ہونے والا نرم گودا جس میں پودے کا بیج ہو، پھل کہلاتا ہے اور تکنیکی لحاظ سے ٹماٹر اس تعریف پر پورا اترتا ہے، اس کے مقابلے میں کسی پودے کے پھلوں کے حصے کو نکال کر کھائے جانے والے ہر حصے کو سبزیاں کہا جاتا ہے۔
تو ایسی سبزیوں کے بارے میں جانیں جو تکنیکی لحاظ سے پھل ہیں مگر ہم انہیں سبزیاں سمجھ کر کھاتے ہیں۔
زیتون
زیتون میں گٹھلی موجود ہوتی ہے اور یہ سبزی نہیں ایک پھل ہے۔
مکئی
مکئی بھی تکنیکی لحاظ سے ایک پھل ہے۔
کھیرے
کھیرے بھی سبزی نہیں بلکہ ایک پھل ہیں۔ کھیرے تربوز اور خربوزے جیسے پھلوں کے پودوں کے خاندان سے تعلق رکھنے والے ایک پودے کا پھل ہوتے ہیں۔
گھیا توری
یہ بھی تکنیکی لحاظ سے سبزی نہیں بلکہ ایک پھل ہے۔
کدو یا میٹھا کدو
اس کو اگر آج تک سبزی سمجھ کر کھاتے رہے ہیں تو جان لیں علم نباتات کے اصولوں کے مطابق یہ ایک پھل ہے۔
بھنڈی
جی ہاں واقعی بیجوں سے بھرپور یہ سبزی بنیادی طور پر ایک پھل ہے۔
بینگن
ویسے تو بینگن آلو کے خاندان کے پودوں کا حصہ ہے مگر بینگن میں بیج موجود ہوتے ہیں اور وہ پودے کے پھولوں کے طور پر اگتے ہیں تو تکنیکی لحاظ سے یہ سبزی نہیں بلکہ ایک پھل ہے۔
مرچیں
ہر قسم کی مرچیں یعنی ہری مرچ، شملہ مرچ یا دیگر سب ہی تکنیکی لحاظ سے پھل ہیں۔
ٹماٹر
ٹماٹروں کے بارے میں تو عرصے سے یہ بحث چل رہی ہے کہ یہ ایک پھل ہے یا سبزی۔یہاں تک کہ 1893 میں امریکی سپریم کورٹ نے بھی اسے ایک مقدمے میں سبزی قرار دیا تھا مگر نباتاتی ماہرین سے پوچھا جائے تو ان کا کہنا ہے کہ یہ ایک پھل ہے جسے لوگ سبزی سمجھتے ہیں۔
کریلے
اگر آپ کو یہ سبزی کھانا پسند نہیں تو شاید یہ جان کر اسے کھالیں کہ یہ تکنیکی لحاظ سے ایک پھل ہے۔
مٹر اور سبز پھلیاں
مٹر اور سبز پھلیاں بھی تکنیکی لحاظ سے سبزیاں نہیں بلکہ پھل ہیں۔

اہم خبریں, پاکستان

عمران دور میں نیب ترامیم سےکن ارکان پارلیمنٹ کو فائدہ پہنچا؟ تفصیلات سپریم کورٹ میں پیش

اسلام آباد: (ویب ڈیسک) عمران خان کے دور حکومت میں قومی احتساب بیورو (نیب) سے متعلق ترامیم سے فائدہ اٹھانے والے ارکان پارلیمنٹ کی تفصیلات سپریم کورٹ میں پیش کردی گئیں۔
سپریم کورٹ میں تفصیلات نیب کی جانب سے جمع کرائی گئی ہیں۔
رپورٹ کے مطابق عمران خان کے دور میں سابق وزرائے اعظم یوسف رضا گیلانی، راجہ پرویز اشرف اور شوکت عزیز نیب ترامیم سے فائدہ اٹھانے والوں میں شامل ہیں۔رپورٹ میں سیف اللہ بنگش، لیاقت جتوئی، جاوید اشرف قاضی اور سابق گورنر خیبر پختونخوا سردار مہتاب عباسی کے نام موجود ہیں۔
رپورٹ کے مطابق دو ترمیمی آرڈیننس کے ذریعےکئی سرکاری افسران کو بھی فائدہ پہنچا ہے۔
خیال رہے کہ عمران خان دور میں جاری ترمیمی آرڈیننس سے فائدہ اٹھانے والوں کی فہرست نیب ترامیم کیس میں جمع کرائی گئی ہے، سپریم کورٹ نے نیب ترامیم کے خلاف عمران خان کی درخواست پر سماعت کے دوران تفصیلات طلب کی تھیں۔

اہم خبریں, شوبز

علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا

کراچی: (ویب ڈیسک) پروڈیوسر علی حسین کا کہنا ہے کہ جمشید کوارٹرز میں شوٹنگ کے دوران علاقہ مکینوں کے حملے پر اداکارہ گل رعنا، حرا مانی ،اداکارہ سلمیٰ ظفر اور مانی سمیت 3 چائلڈ اداکاروں نے خود کو کمرے میں بند کرلیا تھا لیکن حملہ آور وں نے کمرے کا دروازہ توڑ کر کاسٹ اور کریو ممبر کو تشدد کا نشانہ بنایا گیا۔
گزشتہ روز جمشید کوارٹر میں نجی ٹی وی کے ڈرامےکی شوٹنگ کے دوران جھگڑے کے بعد علاقہ مکینوں نے اداکاروں اور شوٹنگ اسٹاف پر حملہ کردیا تھا جس پر پولیس نے بتایا تھا کہ علاقہ مکین چاہتے تھے کہ ان کے علاقے میں شوٹنگ نہ کی جائے، ناخوشگوار واقعے کے دوران اداکار اوانسٹاگرام پر جاری بیان میں علی حسین نے کراچی میں فلم کی شوٹنگ کے دوران علاقہ مکینوں کے حملہ آور ہونے سے متعلق وضاحت دی اور بتایاکہ شوٹنگ کے دوران 100 حملہ آوروں نے ان کی ٹیم پر حملہ کیا جس کی ایف آئی آر بھی درج کی جاچکی ہے۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
علی حسین کے مطابق علاقہ مکینوں کے حملے کے وقت اداکارہ گل رعنا، اداکارہ حرا مانی ، اداکارہ سلمیٰ ظفر اور 3 چائلڈ ا نے خود کو کمرے میں بند کرلیا تھا لیکن کمرے کا دروازہ توڑ کر کاسٹ اور کریو ممبر کو تشدد کا نشانہ بنایا گیا اور سامان بھی توڑ دیا۔
علی حسین کے مطابق حملہ آور دروازہ توڑ کر روم میں داخل ہوگئے اور انھوں نے تشدد کرتے ہوئے کئی لوگوں کو زخمی کردیا، سیٹ پر موجود خواتین کو ہراساں کیا، بچوں کو بھی ڈرایا دھمکایا اس دوران 7 ممبر بری طرح زخمی ہوگئے جنہیں فوری طور پر طبی امداد دی گئی۔
دوسری جانب فلم ڈائریکٹر نبیل قریشی نے بھی واقعے پر شدید ردعمل کا اظہار کیا تھا اور ٹوئٹر پر جاری بیانات میں بتایا تھا کہ حملے کے وقت حرا مانی دروازے کےاندر سے ان لوگوں سے درخواست کررہی تھی لیکن انہوں نے نہیں سنا اور دروازہ توڑ دیا۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
ادھر انسٹا اسٹوری شیئر کرتے ہوئے حرا مانی نے کہا کہ یہ ایک بہت بُرا حادثہ تھا جس کا مشاہدہ کیا، دعا کرتی ہوں کہ زندگی میں کوئی بھی کبھی ایسے کسی واقعے سے نہ گزرے۔
علاقہ مکینوں نے دروازہ توڑ کر کاسٹ کو مارا : علی حسین نے پورا واقعہ بیان کردیا
مزید برآں چائلڈ اداکاروں کی جانب سے انسٹا اسٹوریز شیئر کرتے ہوئے واقعے پر اپنی رائے کا اظہار کیا گیا تھا۔