لاہور : (ویب ڈیسک) اسلام پورہ کے علاقے میں فائرنگ سے ایک شخص زخمی ہو گیا۔ فائرنگ دو گروپوں میں رقم کے لین دین پر ہوئی۔
اسلام پورہ کے علاقے میں فائرنگ سے ایک شخص زخمی ہو گیا۔ زخمی ہونے والے کی شناخت افضل کے نام سے ہوئی جسے میو ہسپتال منتقل کر دیا گیا۔ پولیس کے مطابق دونوں گروپوں کا لین دین کا تنازع تھا جس پر ملزمان نے فائرنگ کی۔
پولیس نے فائرنگ کرنے والے ملزمان میں سے شہباز، افضل اور کاشف کو حراست میں لے لیا ۔

لاہور: (ویب ڈیسک) وزیر خارجہ شاہ محمود نے کہا ہے کہ بلاول بھٹو تین سال کا حساب لینے اسلام آباد ضرور آئیں، ہمارا دامن صاف ہے ، حساب دیں گے، ہم بھی آپ سے پندرہ سال کا حساب مانگنے آئے ہیں۔
حقوق سندھ مارچ کے شرکا سے خطاب کرتے ہوئے پی ٹی آئی رہنما شاہ محمود قریشی کا کہنا تھا کہ ہم احتساب سےگھبرانےوالےنہیں ہیں مگر15 سال سےسندھ پر پیپلز پارٹی کی بلاشرکت غیرےحکومت ہے۔ کراچی سےکچراکون اٹھائےگا،نالےکون صاف کرائےگا، کراچی کےعوام کودن دیہاڑےگن پوائنٹ پرلوٹاجارہاہے۔سندھ سےمیرارشتہ کئی سوسال کاہے، آج سندھ کےعوام کوجگانےکیلئےآیاہوں۔
واضح رہے کہ پی ٹی آئی مارچ شکارپور بائی پاس پہنچ گیا جہاں شرکا شاندار استقبال کیا گیا ۔پی ٹی آئی کارکنان نے قائدین کے حق اور سندھ حکومت کے خلاف نعرے بازی کی۔

کراچی: (ویب ڈیسک) پی ٹی آئی حکومت کیخلاف بلاول بھٹو زرداری کی قیادت میں پیپلز پارٹی نے لانگ مارچ کا آغاز کر دیا، مارچ میں کارکنوں کی بڑی تعداد شریک ہے۔
لانگ مارچ کی روانگی سے قبل خطاب کرتے ہوئے بلاول بھٹو کا کہنا تھا کہ قائد عوام اور شہید بینظیر کے نامکمل مشن کو مکمل کرنے کیلئے نکلے ہیں، ہرپاکستانی کےحقوق کا تحفظ کریں گے۔ عمران خان نے معیشت کا بیڑہ غرق کر دیا، کرپشن ختم کرنے کا وعدہ کیا مگر ٹرانسپرنسی انٹرنیشنل کے مطابق عمران خان حکومت کرپشن کے تمام ریکارڈ توڑ چکی۔ یہ پاکستان کی کرپٹ ترین حکومت ہے۔ موجودہ حکومت اٹھارویں ترمیم کوختم کررہی ہے، این ایف سی ایوارڈ نہیں دے رہی۔ وفاقی حکومت نے سندھ حکومت کے ہاتھ باندھے ہوئے ہیں، سندھ حکومت کم وسائل کیساتھ زیادہ محنت کر کے صوبے کی خدمت کر رہی ہے، عمران کو بھگائیں گے تو تمام صوبوں کو ان کا حق ملے گا، اب وقت آ گیا کہ ہم وفاقی حکومت کے خلاف عدم اعتماد لیکر آئیں۔ عمران خان نےانسانی حقوق پرحملہ کرچکے،اب ہم برداشت نہیں کرسکتے، ہم یہاں سے نکلیں گے تو بنی گالا سے چیخیں آئیں گی، اسلام آباد پہنچ کر اس حکومت پر حملہ کریں گے۔
دریں اثنا شہر قائد میں جیالے انتہائی پُرجوش نظر آ رہے ہیں، کراچی میں ہر طرف پیپلز پارٹی کے جھنڈے اور قد آور پینا فلیکس آویزاں کئے گئے ہیں۔ مختلف علاقوں سے کارکنان کی آمد کا سلسلہ جاری ہے۔ آصفہ بھٹو زرداری نے رہائش گاہ سے روانگی سے قبل بلاول کو امام ضامن باندھا، وزیراعلی سندھ مراد علی شاہ بھی بلاول کے ہمراہ ہیں۔
پیپلزپارٹی کے لانگ مارچ کا آخری پڑائو راولپنڈی میں ہو گا، تیاریوں کے حوالے سے راولپنڈی میں بھی پیپلزپارٹی آج جلسہ منعقد کرے گی۔

کراچی: (ویب ڈیسک) حکومت کیخلاف لانگ مارچ کے سلسلے میں بلاول بھٹو زرداری مزار قائد پہنچ گئے، چیئرمین پیپلزپارٹی کی قیادت میں کراچی سے مارچ اسلام آباد کیلئے روانہ ہو گا۔
پیپلز پارٹی کے لانگ مارچ کی تیاریاں مکمل، جیالے انتہائی پُرجوش نظر آ رہے ہیں، کراچی شہر میں ہر طرف پیپلز پارٹی کے جھنڈے اور قد آور پینا فلیکس آویزاں کئے گئے ہیں۔ مختلف علاقوں سے کارکنان کی آمد کا سلسلہ جاری ہے۔ آصفہ بھٹو زرداری نے رہائش گاہ سے روانگی سے قبل بلاول کو امام ضامن باندھا، وزیراعلی سندھ مراد علی شاہ بھی بلاول کے ہمراہ ہیں۔
پیپلزپارٹی کے لانگ مارچ کا آخری پڑائو راولپنڈی میں ہو گا، تیاریوں کے حوالے سے راولپنڈی میں بھی پیپلزپارٹی آج جلسہ منعقد کرے گی۔

اسلام آباد: (ویب ڈیسک) وفاقی وزیر مراد سعید نے ریحام خان کو اپنے خلاف مبینہ طور پر جاری پروپیگنڈہ اور بہتان تراشی پر قانونی نوٹس بھیجوایا، کہتے ہیں ریحام خان 14روز میں تحریری معافی مانگیں، بصورت دیگر ایک ارب روپے ہرجانہ کا مقدمہ دائر کروں گا ۔
وفاقی وزیر مراد سعید نے ریحام خان کو قانونی نوٹس بھجوا دیا جس میں موقف اختیار کیا کہ حال ہی میں وزارتوں کو دئیے گئے اہداف کی تقریب منعقد ہوئی، ان کی وزارت نے سوفیصد اہداف حاصل کرکے پہلا نمبرلیا جبکہ آپ نے ایک مسودہ سے اس کارکردگی کو متنازع بنایا گیا جس سے نہ صرف ان کی ہتک ہوئی بلکہ وزارت سے منسلک اہلکاروں کی بھی حوصلہ شکنی ہوئی، کامیابیوں کو متنازعہ بنانے کے لئے آپکی تحریرسے بہتان تراشی کی گئی ،آپکے نام سے پہلے ایک مسودہ لیک ہوا جس کی آج تک آپ نے تردید نہیں کی ،شائع کردہ مسودہ کا حوالہ دیکر مراد سعید پر تہمت لگائی گئی، آپ 14یوم میں تحریر کی وضاحت کر کے معافی مانگیں بصورت دیگر قانونی کارروائی کے لئے تیار ہو جائیں۔
نوٹس کے ساتھ مختلف ٹی وی پروگرام، تقاریراور سوشل میڈیا پوسٹس شامل کی گئی ہیں۔ مراد سعید کا کہنا تھا کہ اگر وضاحت اور معافی نہ مانگی تو عدالت سے سخت سزا اور ایک ارب ہرجانے کی استدعا کروں گا۔

اسلام آباد: (ویب ڈیسک) وزیر اعظم عمران خان نے کہا ہے کہ پاک فوج کسی بھی جارحیت کا بھرپور جواب دے گی۔
وزیر اعظم عمران خان نے سماجی رابطے کی ویب سائٹ ٹوئٹر پر لکھا کہ مذاکرات کی خواہش کو کمزوری کی علامت نہیں سمجھنا چاہیے جیسا کہ ہم نے 27 فروری 2019 کو بھارت کو دکھایا، جب اس نے ہم پر حملہ کرنے کا انتخاب کیا۔
انہوں نے کہا کہ تنازعات کے حل کے لیے ہمیشہ مذاکرات اور سفارت کاری پر یقین رکھتا ہوں۔
عمران خان نے کہا کہ ملک اور قوم کی سلامتی کے لیے پرعزم اور غیر متزلزل ہیں اور پاک فوج کسی بھی جارحیت کا عوام کی حمایت سے جواب دے گی۔