All posts by Khabrain News

اہم خبریں, شوبز

سلمان خان کے والد سلیم خان کی طبیعت مزید بگڑ گئی، وینٹی لیٹر پر منتقل

معروف بالی ووڈ اداکار سلمان خان کے والد، سینئر فلم اسکرین رائٹر سلیم خان کو طبیعت خراب ہونے پر وینٹی لیٹر پر منتقل ہوگئے ہیں۔

بھارتی میڈیا کی رپورٹ کے مطابق بلڈ پریشر بڑھنے کی وجہ سے سلیم خان کے دماغ کے دائیں جانب خون کی شریانیں پھٹ گئی ہیں، اس وقت وہ وینٹی لیٹر پر ہیں اور آج ان کی سرجری کیے جانے کا امکان ہے۔

بھارتی فلم اسکرین رائٹر کو گزشتہ روز صبح ساڑھے 8 بجے کے قریب لیلاوتی اسپتال کے ایمرجنسی وارڈ میں لایا گیا تھا اور طبیعت زیادہ خراب ہونے کی وجہ سے آئی سی یو میں منتقل کر دیا گیا تھا جس کے بعد ان کی طبیعت میں کچھ بہتری آ گئی تھی۔

واضح رہے کہ سلیم خان نے اپنے سابقہ رائٹنگ پارٹنر جاوید اختر کے ساتھ فلم شعلے، ہاتھی میرے ساتھی، زنجیر اور مسٹر انڈیا جیسی یادگار فلمیں تحریر کیں۔

اُنہوں نے 24 نومبر 2025 کو اپنی 90 ویں سالگرہ منائی تھی۔

دوسری جانب سوشل میڈیا پر صارفین سلیم خان کے لیے جلد صحتیابی کی دعائیں کررہے ہیں۔

اہم خبریں, پاکستان

وزیراعلیٰ کے پی کا عمران خان کی رہائی کیلئے فورس بنانے کا اعلان

اسلام آباد: وزیراعلیٰ خیبر پختونخوا سہیل آفریدی نے بانی چیئرمین پاکستان تحریک انصاف عمران خان کی رہائی کے لیے فورس بنانے کا اعلان کر دیا۔

سپریم کورٹ کے باہر میڈیا سے گفتگو کرتے ہوئے سہیل آفریدی کا کہنا تھا مجھے بانی کی طرف سے اسٹریٹ موومنٹ کی ذمہ داری دی گئی ہے، عدالتی احکامات ردی کی ٹوکری میں پھینکے جاتے ہیں، ذاتی معالجین تک رسائی نہیں دی جاتی۔

ان کا کہنا تھا بانی پی ٹی آئی رہائی فورس کا اعلان کرتا ہوں، اس فورس کی رجسٹریشن کریں گے، بانی رہائی فورس پرامن جدوجہد کرے گی، عید کے فوراً بعد 22 فروری کو پشاور میں ہم فورس ممبران سے حلف لیں گے، اس فورس کا چین آف کمانڈ ہوگا، عمران خان جس کو ذمہ داری دیں گے اس کو اس فورس کی کمانڈ دیں گے۔

انہوں نے مزید کہا کہ پہلے تیاری کریں گے پھر لڑائی کریں گے، یہ لڑائی جمہوریت اور آئین کی بالادستی اور آزاد میڈیا کے لئے ہوگی۔

ایک سوال کے جواب میں سہیل آفریدی کا کہنا تھا پی ٹی آئی میں جو مجھے ہٹانےکی خواہش رکھتے ہیں وہ جان لیں عزت و ذلت اللہ دیتا ہے، مجھے ہٹانے سے متعلق کس نے پیغام دیا یہ بانی پی ٹی آئی کی بہنوں سے پوچھ لیں۔

اہم خبریں, پاکستان

سپریم کورٹ: لطیف کھوسہ کی عمران خان سے ملاقات کی درخواست مسترد

سپریم کورٹ نے پی ٹی آئی کے وکیل رہنما اور ممبر قومی اسمبلی لطیف کھوسہ کی عمران خان سے ملاقات کی استدعا مسترد کردی۔

توشہ خانہ کیس میں بانی پی ٹی آئی کو الیکشن لڑنے کی اجازت دینے کے معاملے پر کیس کی سماعت سپریم کورٹ میں ہوئی جس دوران عمران خان کی جانب سے لطیف کھوسہ پیش ہوئے۔

دوران سماعت لطیف کھوسہ نے کہا ہماری بانی پی ٹی آئی سے ملاقات کرائی جائے، جس پر جسٹس ہاشم کاکڑ نے ریمارکس دیے کہ آپ نے ہم سے ازخود نوٹس کا اختیار لے لیا ہے، ہم ایک فوجداری مقدمے میں ملاقات کا حکم کیسے دے سکتے ہیں۔

جسٹس صلاح الدین پہنور کا کہنا تھا جو کیس ہمارے سامنے فکس ہی نہیں اس پر حکم کیسے جاری کریں جبکہ جسٹس ہاشم کاکڑ کا کہنا تھا عدالت میں کھڑے ہو کر سیاسی باتیں نہ کریں، سیاسی باتیں پارلیمنٹ جاکر کریں۔

جسٹس ہاشم کاکڑ کے لطیف کھوسہ کی گفتگو پر مسکراتے ہوئے ریمارکس دیے کہ ٹھیک ہے آپ نے بات کر دی، اب اس کے ٹکرز بھی چلیں گے، وی لاگز بھی ہو جائیں گے۔

سپریم کورٹ نے لطیف کھوسہ کی بانی پی ٹی آئی عمران خان سے ملاقات کرانے کی استدعا مسترد کردی۔

دلچسپ و عجیب

امریکا: پوکیمون کا نایاب کارڈ ڈیڑھ کروڑ ڈالر سے زائد مالیت میں فروخت

مشہور آن لائن سلیبریٹی اور ڈبلیو ڈبلیو ای ریسلر لوگن پال کے پاس موجود پوکیمون کا ایک نایاب کارڈ ڈیڑھ کروڑ ڈالر سے زیادہ کی ریکارڈ قیمت میں نیلام کر دیا گیا۔

یہ کارڈ جس پر پکاچو بنا ہوا ہے 1998 میں ہونے والے مقابلے کے بطور انعامات چھپنے والے 39 کارڈز میں سے ایک ہے اور یہ واحد کارڈ ہے جس کو پروفیشنل اسپورٹس آتھنٹیکیٹر نے 10 میں 10 مارکس دیے ہیں۔

جب لوگن پال نے 2021 میں یہ کارڈ 52 لاکھ 75 ہزار ڈارز میں خریدا تو یہ دنیا کا سب سے مہنگا پوکیمون کارڈ بن گیا اور جب انہوں نے 2022 میں ڈبلیو ڈبلیو ای کے ایونٹ ریسل مینیا میں ڈیبیو کیا تو یہ کارڈ انہون نے گلے میں ٹانگا ہوا تھا۔

لوگن نے یہ کارڈ گولڈِن نامی آن لائن نیلام گھر کے ذریعے نیلام کرنے کے لیے پیش کیا اور اے جے اسکارامُچی کو 1 کروڑ 64 لاکھ 92 ہزار ڈالر میں فروخت کیا۔

نیلامی کے بعد یہ نیلامی فروخت ہونے والا سب سے مہنگا پوکیمون کارڈ اوسب سے مہینے ٹریڈنگ کارڈ بن گیا۔

اہم خبریں, پاکستان

وفاقی وزیر داخلہ محسن نقوی کا اسلام آباد رمضان سہولت بازار کا دورہ

محسن نقوی نے جی سکس آبپارہ میں قائم رمضان سہولت بازار کا دورہ کیا، دورے میں محسن نقوی نے سبزیوں، پھلوں اور اشیائے ضرویہ کے سٹالز کا معائنہ کیا۔

‎‎ انہوں نے اشیائے خوردونوش کی کوالٹی اور قیمتوں کا جائزہ بھی لیا تاہم انہوں نے انتظامیہ کو ریٹ لسٹ نمایاں آویزاں کرنے کی ہدایت بھی کی ہے۔

‎وزیر داخلہ نے رمضان بازاروں میں صفائی اور سیکیورٹی انتظامات بہتر بنانے کی ہدایت کی، انہوں نے مختلف سٹالز کا دورہ کیا ، شہریوں سے ملے اور کوالٹی و قیمتوں بارے پوچھا جس کے جواب میں بعض شہریوں کی جانب سے ریٹ لسٹ پر عملدرآمد نہ ہونے کی شکایت کی گئی۔

‎محسن نقوی نے ہدایت کی ہے کہ “ریٹ واضح طور پر لکھ کر آویزاں کریں تاکہ عوام کو معلوم ہو کہ بازار ریٹ اور آپ کا ریٹ کیا ہے” ، عوام کو سستی اور معیاری اشیاء فراہم کرنا اولین ترجیح ہے، عوامی ریلیف میں کسی قسم کی کوتاہی برداشت نہیں کی جائے گی۔

‎‎ڈپٹی کمشنر اسلام آباد نے رمضان سہولت بازار کے انتظامات پر بریفنگ دی، بریفنگ میں بتایا گیا کہ جی سکس رمضان بازار میں کچھ نجی کمپنیوں کے سٹالز بھی قائم ہیں جبکہ رمضان بازار صبح 9 بجے سے شام 4 بجے تک کھلا رہے گا۔

‎‎رمضان بازار میں منڈی ریٹ کے مطابق اشیاء کی فروخت یقینی بنانے کیلئے خصوصی مانیٹرنگ میکنزم فعال کیا گیا ہے۔

‎‎چیف کمشنر اسلام آباد، ڈپٹی کمشنر اسلام آباد، ڈی جی انفورسمنٹ، اسسٹنٹ کمشنر اور دیگر افسران بھی اس موقع پر موجود تھے۔

اہم خبریں, پاکستان

میانوالی روڈ کنارے بارودی مواد سے بھری آئی ای ڈی ناکارہ بنا دی گئی

پولیس حکام کے مطابق دھماکا خیز مواد ایک چھوٹے ڈرم میں تیار کیا گیا تھا جس میں تقریباً 40 کلو گرام بارودی مواد بھرا گیا تھا، بم ڈسپوزل ٹیم نے موقع پر پہنچ کر ڈیوائس کو محفوظ طریقے سے ناکارہ بنایا۔

حکام کا کہنا ہے کہ برآمد ہونے والی آئی ای ڈی سے 2 ڈیٹونیٹرز، ایک 12 وولٹ بیٹری اور سرکٹ بھی ملا ہے جس سے واضح ہوتا ہے کہ اسے باقاعدہ منصوبہ بندی کے تحت نصب کیا گیا تھا۔

پولیس کے مطابق بروقت کارروائی کے باعث ممکنہ بڑے حادثے اور قیمتی جانوں کے ضیاع کو بچا لیا گیا، علاقے میں سکیورٹی مزید سخت کرتے ہوئے سرچ آپریشن بھی شروع کر دیا گیا ہے۔

اہم خبریں, کھیل

بھارتی کوچ کا ابھیشیک شرما سے متعلق بڑا بیان

بھارت کے بیٹنگ کوچ ستانشو کوٹک کا کہنا ہے کہ ٹیم انڈیا غیر ضروری تجزیہ نہیں کرتی۔ابھیشیک بیماری سے پہلے رنز کر رہے تھے۔

ابھیشیک شرما کے آؤٹ ہونے کے طریقے سے متعلق پوچھے گئے سوال پر ان کا کہنا تھا کہ بعض اوقات بطور پر بیٹر آپ مخالف ٹیموں سے زیادہ سوچنے لگ جاتے ہیں۔ ان کے پاس اپنے پلان ہیں، وہ ان پر ویسے چلتے ہیں جیسے وہ چلنا چاہتے ہیں۔

انہوں نے کہا کہ ہم مخالف ٹیموں سے متعلق، ان کی بولنگ، ان کے مضبوط پہلو اور وہ کیا تیاری کر رہے ہیں کے حوالے سے بات کرتے ہیں اور یہ تمام بلے بازوں کے ساتھ کیا جاتا ہے صرف ابھیشیک کے ساتھ نہیں۔

ان کا مزید کہنا تھا کہ بیمار ہونے سے قبل ابھیشیک رنز کر رہے تھے۔ ٹی ٹوئنٹی فارمیٹ میں کبھی کبھار 10 گیندوں پر 30 رنز بہت اہم ہوتے ہیں۔

اہم خبریں, پاکستان

احتجاج کیس، علیمہ خان کے 13ویں مرتبہ ناقابلِ ضمانت وارنٹ گرفتاری جاری

انسداد دہشت گردی کی خصوصی عدالت نے 26 نومبر احتجاج کیس میں بانی پی ٹی آئی کی ہمشیرہ علیمہ خان کے 13ویں مرتبہ ناقابل ضمانت وارنت گرفتاری جاری کر دیے۔

علیمہ خان سمیت 11 ملزمان کے خلاف سماعت انسداد دہشت گردی کی خصوصی عدالت کے جج امجد علی شاہ نے کی۔

عدالت میں علیمہ خان پیش نہ ہوئیں جس پر ان کے وکلا کی جانب سے دائر کردہ استثنا کی درخواست مسترد کر دی گئی۔

عدالت نے علیمہ خانم کے ناقابلِ ضمانت وارنٹ گرفتاری جاری کر دیے جبکہ ان کے دونوں ضمانتیوں کے بھی ناقابلِ ضمانت وارنٹ جاری کر دیے گئے۔

پراسیکیوشن ٹیم عدالت میں موجود رہی۔ پراسیکیوٹر ظہیر شاہ کے مطابق استغاثہ کے 38 گواہان اب تک عدالت میں پیش ہو چکے ہیں۔ انہوں نے مؤقف اختیار کیا کہ علیمہ خان جان بوجھ کر سماعت میں رکاوٹ ڈال رہی ہیں۔

عدالت نے سماعت کل تک ملتوی کرتے ہوئے حکم دیا ہے کہ علیمہ خان کو ہر حال میں 19 فروری کو عدالت میں پیش کیا جائے۔ عدالت نے ہدایت کی کہ علیمہ خان اور ان کے ضمانتیوں کو گرفتار کر کے آئندہ سماعت پر پیش کیا جائے۔

واضح رہے کہ علیمہ خان کے خلاف یہ 13ویں مرتبہ ناقابلِ ضمانت وارنٹ گرفتاری جاری کیے گئے ہیں۔

اہم خبریں, سائنس و ٹیکنالوجی

خلا میں موجود ’شہر تباہ کرنے والے سیارچوں‘ سے متعلق انتباہ جاری

ناسا کے سائنس دانوں نے خبردار کیا ہے کہ زمین اپنے گرد خلا میں تیزی سے گھومنے والے ہزاروں ’شہر تباہ کرنے والے‘ سیارچوں کے خلاف فی الحال اپنا دفاع نہیں کر سکتی۔

ان کے اندازے کے مطابق تقریباً 15 ہزار درمیانے حجم کے ایسے خلائی پتھر موجود ہیں جو زمین سے ٹکرانے کے فاصلے پر ہیں مگر اب تک دریافت نہیں ہو سکے۔

سن 2022 میں ہونے والے مشن ڈارٹ (DART) نے ثابت کیا تھا کہ ہنگامی صورتِ حال میں ہم راکٹ کے ذریعے کسی سیارچے کا رخ موڑ سکتے ہیں۔ تاہم، اس مہم کی سربراہ نے کہا ہے کہ اگر دوبارہ ایسا خطرہ پیدا ہوا تو ہم فی الحال اس کے لیے تیار نہیں۔

ڈی اے آر ٹی مشن کی چیف ڈاکٹر نینسی (جو جان ہوپکنز یونیورسٹی سے وابستہ ہیں) کا کہنا تھا کہ ہمیں ان شہر تباہ کرنے والے سیارچوں کی فکر لاحق رہتی ہے۔ڈی آر ٹی ایک شاندار عملی مظاہرہ تھا، لیکن اگر واقعی کوئی خطرہ سامنے آ جائے تو ہمارے پاس ایسا تیار نظام موجود نہیں جسے فوراً استعمال کیا جا سکے۔

انہوں نے کہا کہ ہمیں 140 میٹر قطر والے تقریباً 50 فی صد سیارچوں کے مقام کا علم ہی نہیں، جو باعثِ تشویش ہے۔ اس وقت ہمارے پاس ایسا کوئی فعال نظام نہیں جس کے ذریعے ہم کسی سیارچے کا رخ موڑ سکیں۔ ہم تیار ہو سکتے ہیں، مگر انہیں اس کے لیے ضروری سرمایہ کاری ہوتی نظر نہیں آ رہی۔

انہوں نے خبردار کیا کہ خلائی اداروں کے پاس اتنے وسائل موجود نہیں کہ وہ دفاعی نظام کو مسلسل ہائی الرٹ پر رکھ سکیں۔

اہم خبریں, پاکستان

آئی ایم ایف کی شرط، کیپٹو پاور پلانٹ پر لیوی عائد، بجلی سستی کرنے کی راہ ہموار

اسلام آباد: عالمی مالیاتی فنڈ (آئی ایم ایف) کی شرط پرعائدکیپٹو پاورلیوی سےبجلی سستی کرنےکی راہ ہموار ہوگئی۔

وفاقی حکومت نےکیپٹوپاور پلانٹس پرایک ہزار247  روپے فی ایم ایم بی ٹی یولیوی عائد کردی، لیوی کی رقم پاورسیکٹرکے تمام کیٹگری کےبجلی صارفین کیلئے ٹیرف کم کرنے پراستعمال کی جائے گی۔

حکومت نے کیپٹوپاور لیوی کی رقم سے صارفین کو ماہانہ بنیادوں پربجلی کاریلیف دینےکامنصوبہ بنایا ہے۔

پیٹرولیم ڈویژن نے دسمبر2025 کےلیے کیپٹو پاور پلانٹس پر لیوی کے نفاذ کا نوٹیفکیشن جاری کردیا ہے۔

حکومت نےآف دی گرڈ کیپٹو پاور پلانٹس لیوی ایکٹ 2025کے تحت لیوی عائد کی،وفاقی کابینہ کی جانب سےکیپٹو پاورلیوی کاریلیف بجلی صارفین کومنتقل کرنےکی منظوری دی گئی تھی۔