All posts by Khabrain News

کھیل

شاہین آفریدی اور نسیم شاہ ٹیم سے باہر؟

قومی ٹیم جنوبی افریقا سے شکست کے بعد اب ویسٹ انڈیز سے ہوم گراؤنڈ پر ٹیسٹ کرکٹ سیریز کیلیے تیار ہے جس کا ممکنہ اسکواڈ سامنے آگیا۔

ویسٹ انڈیز اور پاکستان کے درمیان دو ٹیسٹ میچز ملتان اسٹیڈیم میں کھیلے جائیں گے جس کے لیے مہمان ٹیم دو روز قبل پاکستان پہنچ چکی ہے۔

اسکواڈ میں کون ان کون آؤٹ ہوسکتا ہے؟

جنوبی افریقا کے خلاف ٹیسٹ میچ میں ٹخنے کی انجری کا شکار صائم ایوب اس سیریز میں ایکشن میں نظر نہیں آئیں گے کیونکہ ڈاکٹرز نے انہیں 6 ہفتے مکمل آرام کا مشورہ دیا ہے۔

ویسٹ انڈیز کے خلاف سیریز میں صائم کی جگہ عبداللہ شفیق کی شمولیت کا قوی امکان ہے۔

کپتان شان مسعود شفیق اور بابر اعظم کے ساتھ مل کر پاکستان کا ٹاپ آرڈر بنائیں گے جنہوں نے دورہ جنوبی افریقہ میں شاندار اننگز کھیلی تھیں۔

اس کے علاوہ مڈل آرڈر میں کامران غلام، سعود شکیل اور وکٹ کیپر بلے باز محمد رضوان، سلمان علی آغا شامل ہوں گے۔

امکان ظاہر کیا جارہا ہے کہ ویسٹ انڈیز کے خلاف سیریز میں سلمان علی آغا ہوم گراؤنڈ اور پچ کا بھرپور فائدہ اٹھائیں گے تاہم یہ امکان بھی ہے کہ سلمان علی آغا کو چیمپئنز ٹرافی کی وجہ سے آرام کا موقع دے کر اُن کی جگہ قاسم اکرم کو اسکواڈ میں جگہ دی جائے۔

شاہین آفریدی اور نسیم شاہ کے لیے کوئی جگہ نہیں؟

جہاں شاہین آفریدی کام کے بوجھ کے انتظام کی وجہ سے ٹیسٹ سے باہر ہو گئے ہیں، وہیں ان کے دیرینہ ساتھی نسیم شاہ کو بھی آئندہ ویسٹ انڈیز سیریز کے لیے نظر انداز کیا جا سکتا ہے۔

دائیں ہاتھ کے تیز گیند باز کو سپر اسپورٹ پارک میں سیریز کے افتتاحی میچ میں خراب کارکردگی کے بعد جنوبی افریقہ کے خلاف دوسرے ٹیسٹ کے لیے الیون سے ڈراپ کیا گیا تھا۔

جنوبی افریقا میں شاندار باؤلنگ کرنے والے محمد عباس ممکنہ طور پر ٹیم میں اپنی جگہ برقرار رکھیں گے۔

ویسٹ انڈیز کے خلاف ٹیسٹ میں نسیم شاہ کو آرام کا موقع دینے کا مقصد چیمپئنز ٹرافی پر فوکس ہے۔ پی سی بی ان کے کام کے بوجھ کو سنبھالنے اور اسے اگلے ماہ سہ فریقی سیریز اور چیمپئنز ٹرافی کے لیے تازہ دم رکھنے کا فیصلہ کر سکتا ہے۔

شاہین اور نسیم کی غیر موجودگی میں میر حمزہ اور خرم شہزاد ممکنہ طور پر فارم میں محمد عباس کے ساتھ پاکستان کی تیز رفتار بیٹری کی قیادت کریں گے۔

دریں اثنا، ساجد خان اور نعمان علی کی مضبوط اسپن باؤلنگ جوڑی انگلینڈ کی ہوم سیریز میں پاکستان کی تاریخی فتح میں اہم کردار ادا کرنے کے بعد اسپن کے شعبے کی قیادت کریں گے۔

ویسٹ انڈیز ٹیسٹ کے لیے پاکستان کا ممکنہ اسکواڈ

شان مسعود (سی)، عبداللہ شفیق، بابر اعظم، کامران غلام، سعود شکیل، محمد رضوان (ڈبلیو کے)، آغا سلمان، میر حمزہ، محمد عباس، نعمان علی، ساجد خان، خرم شہزاد، حسیب اللہ خان (ڈبلیو کے)، محمد ہریرہ ، قاسم اکرم

Uncategorized

رام کپور کے بیان نے ایکتا کو مشکل میں ڈال دیا

انڈین ڈرامہ سیریز “بڑے اچھے لگتے ہیں” کے پہلے متنازعہ کسنگ سین پر رام کپور کے تبصرے کے بعد ایکتا کپور کا سخت ردعمل سامنے آیا۔

مشہور پروڈیوسر ایکتا آر کپور نے سوشل میڈیا پر ایک مبہم پوسٹ شیئر کی ہے، جس میں “غیر پیشہ ورانہ اداکاروں” پر تنقید کی گئی۔

اگرچہ پوسٹ میں کسی کا نام نہیں لیا گیا، لیکن ان کی یہ پوسٹ اداکار رام کپور کے حالیہ انٹرویو کے بعد سامنے آئی ہے، جس میں انہوں نے ڈرامہ “بڑے اچھے لگتے ہیں” کے مشہور کسنگ سین کے بارے میں تبصرہ کیا۔

رام کپور نے حالیہ انٹرویو میں انکشاف کیا کہ یہ سین بالی وڈ کے بجائے ٹیلی ویژن پر ایک انوکھا قدم تھا۔

انہوں نے بتایا کہ: “ایکتا وہی ہیں جنہوں نے یہ سین لکھا اور اسے کرنے پر اصرار کیا… میں نے ان سے پوچھا، ‘کیا آپ واقعی یقین رکھتی ہیں؟ یہ ٹیلی ویژن پر پہلے کبھی نہیں ہوا۔ تین نسلیں ایک ساتھ یہ شو دیکھتی ہیں، لیکن ایکتا پُر اعتماد تھیں کہ ہمیں یہ سین کرنا چاہیے۔”

رام نے مزید کہا کہ انہوں نے اپنی بیوی گوتمی سے اجازت لی اور ساکشی تنور سے بھی ان کی رضامندی کے بارے میں بات کی، تاکہ وہ سین کے دوران مکمل آرام دہ ہوں۔

رام کے انٹرویو کے بعد، ایکتا نے انسٹاگرام پر لکھا: “غیر پیشہ ورانہ اداکاروں کو میرے شوز کے بارے میں جھوٹ بولنا بند کرنا چاہیے! غلط معلومات اور جھوٹی کہانیاں… لیکن خاموشی میں بھی وقار ہوتا ہے۔”

ڈرامہ “بڑے اچھے لگتے ہیں” نے مقبولیت کے تمام ریکارڈ توڑ دیے تھے۔ اس کی کہانی درمیانی عمر کے دو افراد کے گرد گھومتی ہے، جو ایک سمجھوتہ شدہ شادی میں محبت تلاش کرتے ہیں۔

رام کپور اور ساکشی تنور کی جوڑی کو ناظرین نے بے حد پسند کیا، خاص طور پر ان کی کیمسٹری نے مداحوں کو متاثر کیا۔

کھیل

سارک اسنوکر چیمپئن شپ: محمد آصف فائنل میں

سارک اسنوکر چیمپیئن شپ میں عالمی چیمپین محمد آصف نے ہم وطن محمد نسیم اختر کو سخت مقابلے کے بعد شکست دے کر فائنل میں جگہ بنالی۔

سری لنکا کے شہر کولمبو میں جاری چیمپئین شپ کے پہلے سیمی فائنل میں عالمی چیمپین محمد آصف نے سخت جدوجہد کے بعد دوسرے پاکستانی کھلاڑی سابق عالمی جونیئر چیمپین محمد نسیم اختر کو3-5 سے مات دے کر ٹائٹل پر نظریں مرکوز کر دیں۔

محمد نسیم اختر بھارتی کھلاڑی کمال چاؤلہ کو 2-4 سے شکست دے کر سیمی فائنل میں پہنچے تھے۔

فائنل میں جمعے کو محمد آصف کا مقابلہ سری لنکا کے طحہ ارشاد سے ہوگا، جنہوں نے دوسرے سیمی فائنل میں سخت جدوجہد کے بعد نیپالی کھلاڑی انکت مان کو3-5 سے قابو کیا تھا۔

کھیل

انجرڈ صائم ایوب کے حوالے سے اچھی خبر سامنے آگئی

جنوبی افریقا کے خلاف میچ میں ٹخنے کی سنگین انجری کا شکار ہونے والے قومی ٹیم کے بلے باز صائم ایوب کی صحت کے حوالے سے اچھی خبر سامنے آگئی ہے۔

صائم ایوب اسسٹنٹ کوچ اظہر محمود کے ساتھ ان دنوں لندن میں علاج کی غرض سے موجود ہیں اور آج اُن کی ایک ماہر اسپورٹس آرتھو ڈاکٹر سے ملاقات ہوئی۔

ڈاکٹر لکی جیاسیلان نے صائم ایوب کے ٹیسٹ اور رپورٹس کا جائزہ لینے کے بعد بتایا کہ انہیں ٹخنے کی انجری کیوجہ سے کوئی بڑا نقصان نہیں پہنچا۔

صائم ایوب نے ملاقات کے بعد بتایا کہ ’ڈاکٹرز کے مطابق انجری کی وجہ سے میرے ٹخنے کو نقصان نہیں پہنچا اور اب صورت حال نارمل ہے‘۔ انہوں نے بتایا کہ ڈاکٹر نے مجھے سیدھے پیر (جس پر چوٹ لگی) پر وزن ڈالنے کی اجازت بھی دے دی ہے۔

تاہم ڈاکٹر نے صائم ایوب کو چھ ماہ تک مکمل آرام کا مشورہ بھی دیا جبکہ مزید ڈاکٹرز کا ایک پینل رپورٹس، ایکسرے سمیت دیگرصورت حال دیکھ کر مستقبل کا فیصلہ کرے گا۔

پاکستان

غیرملکی کمپنیوں سے فراڈ کرنے والا گینگ گرفتار

ایف آئی اے کارپوریٹ کرائم سرکل نے شہرمیں کارروائی کے دوران غیر ملکی کمپنیوں سے سی فوڈ، چکن سمیت دیگرمصنوعات سپلائی کرنے کے نام پرلاکھوں ڈالرزبٹورنے والے گینگ کے 4ارکان کوگرفتارکرلیا۔

ایف آئی اے حکام کے مطابق ایف بی ایریا میں کارروائی کے دوران گرفتار4 ملزمان ڈمی کمپنیز کے جعلی اشتہارات کے ذریعےغیرملکی کمپنیوں سےفراڈ کرتے تھے، انہوں نے سی فوڈ،چکن مصنوعات سپلائی کے نام پر کمپنیوں سے لاکھوں ڈالرز بٹورے۔

اسکیمرز نے چین،تھائی لینڈ، سنگاپور، ہانگ کانگ، جرمنی اورقازقستان کی کمپنیز سےفراڈ کیا،ملزمان نے میسرزچان پاک شان سےایک لاکھ امریکی ڈالرزاور 2 لاکھ 23 ہزارچینی یوآن بٹورے، جرمن رابرٹ ویزنامی کمپنی سے 36 ہزار 4 سو پچاس ڈالرز کا فراڈ کیا، سری لنکن کمپنی زم زم سے19 ہزارامریکی ڈالرز اور لاکھوں روپےفراڈسے وصول کیے۔

ایف آئی اے حکام کے مطابق عارف،سلیم،شارق اور نوید نامی ملزمان نے سوگومیٹ، سلور ہائبرڈ نامی جعلی کمپنیاں بنا رکھی تھیں، فیس بک پراشتہارات کے ذریعے کمپنیوں  کے ساتھ سپلائی کا فراڈ کیا جاتا تھا،ملزمان کے خلاف مقدمہ اندراج کے بعد مزید کارروائی جاری ہے۔

اہم خبریں, پاکستان

26 نومبر احتجاج: پی ٹی آئی کارکنان کی 150 سے زائد ضمانتیں منظور

انسداد دہشت گردی عدالت اسلام آباد نے 26 نومبر احتجاج پر درج مقدمات میں پی ٹی آئی کے 150  سے زائد کارکنان کی ضمانتیں منظور کرلیں۔

انسدادِ دہشت گردی کے جج ابوالحسنات محمد ذوالقرنین نے 26 نومبر کے احتجاج پر درج کیے گئے مقدمات میں ضمانت کی درخواستوں پر محفوظ فیصلہ سناتے ہوئے پی ٹی آئی کے 150 سے زائد کارکنان کی ضمانتیں منظور کر لیں جبکہ 10 سے زائد ورکرز کی ضمانتیں مسترد کردی گئیں۔
واضح رہے کہ عدالت نے آج ہی دلائل مکمل ہونے پر فیصلہ محفوظ کیا تھا۔ پی ٹی آئی کارکنان پر تھانہ کھنہ، مارگلہ سیکریٹریٹ، شمس آباد، نون ودیگر میں مقدمات درج ہیں۔

شوبز

ہانیہ عامر کا فالوورز کا نیا ریکارڈ

پاکستانی اداکارہ ہانیہ عامر نے انسٹاگرام فالوورز کی دوڑ میں ایک اور سنگِ میل عبور کرلیا۔

ڈمپل گرل ہانیہ عامر اپنے ڈانس، مزاحیہ سوشل میڈیا پوسٹس، ٹرینڈنگ رِیلز میں بڑھ چڑھ کر حصہ لینے کی وجہ سے سوشل میڈیا پر اپنا ایک نمایاں مقام رکھتی ہیں۔

پاکستانی ڈول ہانیہ عامر اپنی خوبصورتی، ٹیلنٹ، اور معصومیت کی وجہ سے دنیا بھر میں مشہور ہیں۔ چاہے وہ ان کی ڈراموں میں بہترین اداکاری ہو یا انسٹاگرام پر ان کے دلکش پوسٹس ہانیہ ہمیشہ خبروں میں رہتی ہیں۔

ان کے پاس انسٹاگرام پر سب سے زیادہ فالو کی جانے والی پاکستانی سیلیبرٹی ہونے کا اعزاز تو تھا ہی لیکن اب انہوں نے اپنےا س ریکارڈ کو مزید پختہ بنادیا اور ساتھی فنکاروں کو ٹکر دے دی۔

یہ نیا سنگِ میل ہانیہ عامر کو پاکستان کی ان چند سیلیبریٹیز میں شامل کرتا ہے جنہوں نے دنیا بھر میں اتنی بڑی فین فالوونگ حاصل کی۔

ہانیہ عامر انسٹاگرام پر 17 ملین فالورز حاصل کرنے والی پاکستان کی پہلی اداکارہ بن گئی ہیں۔

ہانیہ عامر کو ناصرف پاکستان بلکہ دنیا بھر میں مداح خوب محبت اور احترام سے نوازتے ہیں، اس کی واضح دلیل انکا دلجیت دوسانجھ کے کنسرٹ میں اسٹیج پر جانا ہے۔

شوبز

بچپن کی تصویر کس اداکار کی؟

شوبز انڈسٹری کی معروف شخصیات سوشل میڈیا پر اپنے کام کے علاوہ مداحوں کے ساتھ اپنی زندگی کی خوبصورت اور یاد گار لمحات بھی شیئر کرتی نظر آتی ہیں۔

ایسے میں جہاں یہ شخصیات اپنی حالیہ زندگی کی چکا چوند دکھا کر مداحوں کی تعریفیں سمیٹتی ہیں، وہیں اپنے ماضی کی یادوں کو بھی پرستاروں کے ساتھ شیئر کرتی رہتی ہیں۔

بچپن کی یہ تصویر کس اداکارہ کی ہے؟

سوشل میڈیا پر آئے دن کوئی نہ کوئی مشہور شخصیت اپنی بچپن کی یادوں میں بھی کھوئی نظر آتی ہے اور اپنے بچپن یا کم عمری کی تصاویر شیئر کرتی رہتی ہے۔

آج بھی یہاں ایک ایسی تصویر شیئر کی جارہی ہے جس میں ڈرامہ انڈسٹری کے معروف اداکار موجود ہیں۔

کیا آپ صرف اس تصویر کو دیکھ کر پہچان سکتے ہیں کہ یہ اداکار کون ہیں جو پاکستانی شوبز انڈسٹری کے ساتھ ساتھ بھارت میں بھی اداکار ی کے جلوے دکھا چکے ہیں؟

والدہ کی کاپی، یہ مشہور اداکارہ کون ہے؟

اگر آپ نہیں پہچان پائے تو ہم بتادیں کہ یہ مشہور اداکار عمران عباس ہیں۔

اداکار نے اپنے فوٹو اینڈ ویڈیو شیئرنگ ایپ انسٹاگرام پر ایک پوسٹ میں اپنے بچپن کی جھلک پرستاروں کے ساتھ شیئر کی۔

اداکار نے تصویر کے ساتھ مشہور پاکستانی گانے کے بول بھی لکھے:
میرے بچھڑوں کو مجھ سے ملادے کوئی

میرا بچپن کسی مول لادے کوئی

تاہم عمران عباس کی یہ تصویر دیکھ کر آنکھوں کو کچھ غیر معمولی سا محسوس ہوتا ہے جس کی انہوں نے خود ہی کیپشن میں وضاحت کرتے ہوئے کہا کہ تصویر کو بہتر نظر آنے کے لیے اے آئی سے ایڈٹ کیا گیا ہے۔

ان کی اس تصویر کو مداحوں کی جانب سے خوب پسندیدگی موصول ہورہی ہے جنہوں نے پوسٹ پر تعریفی تبصروں کے انبار لگادیے ہیں۔

شوبز

لاس اینجلس آگ، نورا فتیحی بھی متاثر

لاس اینجلس میں جنگلاتی آگ نے شہریوں کو پریشان کر دیا ہے، جہاں متعدد افراد کو اپنے گھروں سے انخلا کرنا پڑ رہا ہے۔ مشہور بالی وڈ اداکارہ اور ڈانسر نورا فتیحی بھی ان متاثرین میں شامل ہیں۔ 

انہوں نے انسٹاگرام پر اپنی صورتحال شیئر کرتے ہوئے بتایا کہ انہیں فوری طور پر اپنے مقام سے نکلنے کا کہا گیا ہے۔

نورا فتیحی نے اپنی انسٹاگرام اسٹوری پر ایک ویڈیو شیئر کی، جس میں انہوں نے کہا: “میں لاس اینجلس میں ہوں اور یہ جنگلاتی آگ واقعی پاگل پن ہے۔ میں نے پہلے کبھی ایسی چیز نہیں دیکھی۔ ہمیں پانچ منٹ پہلے انخلا کا حکم ملا۔ میں نے جلدی سے اپنا سامان پیک کیا اور یہاں سے نکل رہی ہوں۔”

انہوں نے مزید کہا:”میں ایئرپورٹ کے قریب جا رہی ہوں کیونکہ میری آج فلائٹ ہے اور مجھے امید ہے کہ یہ کینسل نہ ہو۔ یہ صورتحال بہت ڈراؤنی ہے۔ میں دعا کرتی ہوں کہ سب محفوظ رہیں۔”

نورا نے ایک اور کہانی میں موجودہ صورتحال کی جھلک بھی پیش کی اور لکھا:”لاس اینجلس کی آگ بہت خطرناک ہے… دعا ہے کہ سب محفوظ رہیں۔”

اس سے پہلے، بالی وڈ اداکارہ پریانکا چوپڑا نے بھی جنگلاتی آگ کے متاثرین کے لیے اپنی تشویش ظاہر کی اور فائرفائٹرز اور ریسپانڈرز کو خراج تحسین پیش کیا۔ انہوں نے کہا:”رات بھر محنت کرنے والے فائرفائٹرز کا شکریہ، آپ کی خدمات قابل تعریف ہیں۔”

شوبز

سلمان خان کی شادی کا راز افشا

بالی ووڈ کے سپر اسٹار سلمان خان کے والد سلیم خان نے انکشاف کیا ہے کہ ان کا بیٹا ساتھی اداکاراؤں میں شادی کیلئے کونسی خوبی تلاش کرتے ہیں۔

بھارتی میڈیا رپورٹ کے مطابق ایک حالیہ انٹرویو میں سلیم خان نے بتایا کہ ان کا بیٹا سلمان شادی کیلئے ساتھی اداکاراؤں میں ماں تلاش کرتا ہے جو کہ ملنا بہت مشکل ہے یہی وجہ ہے انکی شادی اب تک نہیں ہوسکی۔

59 سالہ سلمان خان کے ماضی میں بالی ووڈ کی کئی اداکاراؤں کے ساتھ قریبی تعلقات رہ چکے ہیں جن میں کترینہ کیف، سومی علی اور سنگیتا بجلانی اور ایشوریا رائے جیسی اداکارائیں شامل ہیں۔

اس حوالے سے سلمان کے والد سلیم خان نے ایک پرانے انٹرویو میں انکشاف کیا کہ سلمان کی شادی نہ ہونے کی ایک بڑی وجہ ان کی سوچ کا تضاد بھی ہے۔ انہوں نے کہا کہ سلمان جب کسی سے تعلق قائم کرتے ہیں تو اس میں اپنی والدہ جیسی گھرداری کی خصوصیات تلاش کرنے لگتے ہیں اور وہ چاہتے ہیں کہ وہ اداکارہ اپنا کیرئیر چھوڑ کر صرف ہاؤس وائف بن جائے۔

ان کے والد کے مطابق یہ توقع غیر مناسب ہے، کیونکہ کیریئر پر مبنی زندگی گزارنے والی خواتین سے یہ توقع کرنا کہ وہ مکمل طور پر گھر داری کو اپنائیں گی، غلط ہے۔

انہوں نے واضح کیا کہ ایک ورکنگ اداکارہ بچوں کی پرورش، ان کا ہوم ورک کروانے یا ان کے لنچ تیار کرنے جیسے روایتی گھرداری کے کام نہیں کر سکتی۔

سلیم خان نے اعتراف کیا کہ یہ سلمان خان کا ایک بڑا مسئلہ ہے کہ وہ تعلقات میں اپنی ماں کی خصوصیات تلاش کرتے ہیں، جو حقیقت پسندانہ نہیں ہے۔