ڈیرہ بگٹی: (ویب ڈیسک) ڈیرہ بگٹی میں سوئی کے علاقے میں دھماکے کے نتیجے میں امن فورس کے 4 رضا کار جاں بحق جبکہ 8 زخمی ہوگئے۔
سینیٹر سرفراز بگٹی نے سماجی رابطے کی ویب سائٹ پر ٹویٹ کرتے ہوئے کہا کہ سوئی کے نواحی علاقے ٹلی مٹ میں دھماکا ہوا، جس میں امن فورس کے 4 رضا کار شہید اور 8 زخمی ہوئے، ہلاکتوں میں اضافے کا خدشہ ہے، کالعدم تنظیم اس حملے میں ملوث ہے، ریاست کب تک معصوم لوگوں پر ایسے حملوں کو برداشت کرتی رہے گی۔
وزیراعلیٰ بلوچستان نے سوئی میں ہونے والے بم دھماکے کی مذمت کی اور امن فورس کے رضا کاروں کی شہادت پر دلی رنج و غم کا اظہار کیا۔ عبدالقدوس بزنجو نے شہید رضا کاروں کے خاندانوں سے اظہار تعزیت کیا۔

راولپنڈی : (ویب ڈیسک)
لڑکے کو اغواء کرکے زیادتی کرنے والا درندہ صفت ملزم گرفتار کرلیا گیا۔ راولپنڈی کے علاقے صدر واہ میں پولیس نے کارروائی کرتے ہوئے لڑکے کو اغواء کرکے زیادتی کرنے والے درندہ صفت ملزم کو گرفتار کرلیا۔
ایس ایچ او تھانہ صدر واہ کے مطابق متاثرہ لڑکے کے والد کی مدعیت میں ملزم کے خلاف مقدمہ درج کرلیا گیا ہے، لڑکے کے والد نے بیان دیا کہ ملزم حبیب الرحمان نے میرے بیٹے کو اپنے گھر لے جاکر زیادتی کا نشانہ بنایا۔ متاثرہ لڑکے کا میڈیکل کروا لیا گیا ہے، اور ٹھوس شواہد کے ساتھ چالان کرکے ملزم کو قرار واقعی سزاد لوائی جائے گی۔ اے ایس پی پوٹھو ہار کا کہنا ہے کہ زیادتی و استحصال جیسے واقعات نا قابل برداشت ہیں، اس حوالے سے راولپنڈی پولیس زیرو ٹالرنس پالیسی پر عمل پیرا ہے۔

اسلام آباد: (ویب ڈیسک)
سینیٹ سے اسٹیٹ بینک ترمیمی بیک 2022 کی منظوری کے موقع پر حکومتی رکن سینیٹر زرقا ویل چہیر پر ایوان پہنچیں۔
آکیسجن کے سلنڈز اور ڈاکٹرز کی ٹیم ہمراہ تھی، ڈاکٹر زرقا وہیل چیئر پر ایوان میں بیٹھی رہی۔
یہ بھی پڑھیں: سینیٹ میں اسٹیٹ بینک ایکٹ ترمیمی بل صرف ایک ووٹ کی اکثریت سے منظور
حکومتی و اپوزیشن اراکین ایوان میں ڈاکٹر زرقا کے پاس آکر انکی صحت کے بارے دریافت کرتے رہے۔ بل منظوری کےبعد ڈاکٹر زرقا ایوان سے واپس چلی گئی۔

لاہور: (ویب ڈیسک) ریسکیو 1122 نے بلی کو اورنج لائین ٹریک سے ریسکیو کرکے اس کی جان بچا لی۔
ریسکیو حکام کے مطابق بلی علی ٹاؤن، رائے ونڈ روڈ اورنج ٹرین کے ٹریک میں ٹریپ تھی، ریسکیو ٹیم کا آپریشن 2 گھنٹے جاری رہا۔ ریسکیور کے قریب جانے پہ بلی مزید تنگ سوراخ میں چھپ گئی، جس کی وجہ سے ریسکیو میں مشکل پیش آئی۔
ریسکیو ٹیم کا کہنا ہے کہ ہائی ٹینشن وائر اور پچیدہ لوکیشن بڑا چیلنج تھا، گزشتہ رات نامناسب حالات کے باعث یہ آپریشن ملتوی کیا گیا تھا، آج صبح اس آپریشن کو کامیابی سے مکمل کرلیا گیا ہے۔

اسلام آباد: (ویب ڈیسک) وفاقی وزیر اطلاعات فواد چودھری نے کہا ہے کہ نواز شریف آ نہیں رہے انہیں لایا جا رہا ہے۔
وفاقی وزیر اطلاعات فواد چودھری نے میڈیا سے گفتگو کرتے ہوئے کہا کہ عالمی مالیاتی ادارے (آئی ایم ایف) کے معاہدے سے معیشت بہتر ہو گی اور اسٹیٹ بینک کو ہم نے سیاسی دباؤ سے آزاد کیا ہے۔
انہوں نےکہا کہ سینیٹ میں آج اسٹیٹ بینک ترمیمی بل منظور ہوا اور حزب اختلاف عدم اعتماد کا جو خواب دیکھ رہی تھی اس میں بھی انہیں ناکامی ہوئی ہے اور حزب اختلاف کو آج بری شکست ہوئی ہے اب یہ لوگ کچھ دن آرام سے گزاریں گے۔
فواد چودھری نے کہا کہ مسلم لیگ ن میں قیادت کی لڑائی ہے اور پیپلز پارٹی کو بھی اپنا پتہ نہیں۔ حزب اختلاف منتشر اور ناکارہ ہے۔ آج کی شکست نے حزب اختلاف کی سیاسی تباہی پر مہر لگا دی ہے۔
انہوں نے کہا کہ فضل الرحمان اپنا حلوہ اور منجن بیچنے کے چکر میں ہیں اور میں اس پر پریشان ہوں کہ کہیں حزب اختلاف ایک دوسرے کے کپڑے نہ پھاڑ دیں۔ یوسف رضا گیلانی کا شکریہ انہوں نے پس پردہ حکومت کا ساتھ دیا۔
وفاقی وزیر اطلاعات نے کہا کہ لاہور میں ایک شہر بن رہا ہے اور یہ ہاؤسنگ سوسائٹی نہیں پورا شہر ہے۔ مفاد عامہ کے منصوبوں کو بغیر کسی رکاوٹ مکمل کرنا چاہتے ہیں۔ نئے پاکستان کا خواب شخصیات سے بالاتر ہے۔
انہوں نے کہا کہ ہم پاکستان میں پہلی بار مختلف قوانین میں بہترین اصلاحات لائے ہیں اور لاہور میں ایک لاکھ 2 ہزار ایکڑ پر مشتمل نیا شہر بن رہا ہے۔
نواز شریف سے متعلق بات کرتے ہوئے فواد چودھری نے کہا کہ نواز شریف نے پورے لندن کے ریسٹورنٹس کا دورہ کیا اور اب نواز شریف آ نہیں رہے بلکہ ان کو لایا جا رہا ہے۔ اتحادیوں کے ساتھ معاملات حل کرتے رہتے ہیں اور ق لیگ ہمارا حصہ ہیں ان کے لوگوں کا بڑا احترام کرتے ہیں۔

اسلام آباد: (ویب ڈیسک) وفاقی وزیر توانائی اسد عمر نے کہا ہے کہ حزب مخالف کی جماعتیں تعمیری راستہ اپنائیں۔
وفاقی وزیر توانائی اسد عمر نے میڈیا سے گفتگو میں کہا کہ قومی مفاد کی نگہبانی کے علاوہ سیاست کا دوسرا کوئی راستہ اب باقی نہیں ہے اور اداروں کو خودمختاری کے سہارے پاؤں پر کھڑا کرنے کا ویژن قوم کو عمران خان نے دیا۔
انہوں نے کہا کہ سیاسی مداخلت کے ان کے متعارف کردہ کلچر نے اداروں کی قوت کار کو تباہ کیا جبکہ قوم اور قومی اداروں کو ن لیگ اور پیپلز پارٹی کی مسلط کردہ آلائشوں سے پاک کر رہے ہیں۔

اسد عمر نے کہا کہ ایوانِ بالا کی آج کی کارروائی کے بعد حزب مخالف ان ہاؤس اور آؤٹ ڈور شرارتیں ترک کرے جبکہ مسترد شدہ عناصر کے اشاروں پر چلنے کی بجائے حزب مخالف کی جماعتیں تعمیری راستہ اپنائیں۔

وزیراعظم عمران خان آج بروز جمعہ 28 جنوری کو ایک روزہ دورے پر لاہور پہنچ گئے۔

وزیراعظم کی لاہور آمد پر گورنر پنجاب چوہدری سرور، وزیراعلیٰ عثمان بزدار اور صوبائی وزرا سے علیحدہ علیحدہ ملاقاتیں بھی شیڈول میں شامل کی گئی ہیں۔

اس موقع پر وزیراعظم کو صوبے میں جاری ترقیاتی کاموں پر بریفنگ دی جائے گی۔

رپورٹس کے مطابق سینٹرل بزنس ڈسٹرکٹ کا دورہ بھی وزیراعظم کے پروگرام میں شامل ہے، عمران خان ایوان وزیراعلیٰ میں مختلف اجلاسوں کی صدارت بھی کریں گے۔

وزرا کی جانب سے وزیراعظم عمران خان کو پنجاب کی سیاسی صورت حال اور حکومتی کارکردگی پر بریفنگ بھی دی جائےگی۔

وزیراعظم کو تنظیم سازی و بلدیاتی انتخابات کے حوالے سے تیاریوں سے متعلق بھی آگاہ کیا جائے گا، جب کہ وزیراعظم کی جانب سے راوی اربن ڈویلپمنٹ اتھارٹی کی سائٹ کا دورہ بھی کریں گے۔

وزیراعظم کو سینٹرل بزنس ڈسٹرکٹ منصوبے پر بھی بریفنگ دی جائے گی۔