کیتھولک عیسائیوں کے مذہبی پیشوا پوپ فرانسس نے سانحہ مری پر اظہار افسوس کیا ہے۔ ویٹی کن میں منعقد تقریب میں سانحہ مری میں جاں بحق افراد کے لیے دعائیں بھی کی گئیں۔ پوپ فرانسس نے سانحہ مری پر اظہار افسوس کرتے ہوئےکہا ہےکہ وہ لواحقین کے غم میں برابر کے شریک ہیں۔ خیال رہے کہ مری میں 7 جنوری کی رات کو آنے والے برفانی طوفان نے 20 سے زائد زندگیاں نگل لیں، حکومت نے مری کو آفت زدہ قرار دے کر ایمرجنسی نافذ کردی ہے اور ریسکیو اہلکاروں کی جانب سے امدادی کاموں کا سلسلہ جاری ہے۔
وزیراعلیٰ پنجاب عثمان بزدار کو سانحہ مری کی ابتدائی رپورٹ پیش کردی گئی۔ ابتدائی رپورٹ کے مطابق7 جنوری کو مری میں 16گھنٹے میں4 فٹ برف پڑی،3 جنوری سے7 جنوری تک ایک لاکھ 62 ہزارگاڑیاں مری میں داخل ہوئیں۔ رپورٹ میں کہا گیا ہےکہ گاڑیوں میں بیٹھے 22 افرادکاربن مونو آکسائیڈ سے جاں بحق ہوئے، 16 مقامات پر درخت گرنے سے ٹریفک بلاک ہوئی، مری جانے والی 21 ہزارگاڑیاں واپس بھجوائی گئیں۔ وزیراعلیٰ عثمان بزدار نے ٹریفک لوڈمینجمنٹ نہ کرنے پر اظہار برہمی کیا ہے۔
سڈنی میں بلے بازوں کی بھرپور مزاحمت کی بدولت انگلینڈ ایشز سیریز کا چوتھا ٹیسٹ میچ ڈرا کرنے میں کامیاب ہو گیا اور آسٹریلیا کا سیریز میں کلین سوئپ کا خواب چکنا چور ہو گیا۔
گیارویں نمبر پر کھیلنے والے کھلاڑی جیمز اینڈرسن نے لیگ اسپنر اسٹیو اسمتھ کے آخری اوور کا محتاط انداز سے سامنا کیا، سخت دباؤ میں 388 رنز کے ہدف کے تعاقب میں انگلینڈ نے 9وکٹوں کے نقصان پر270 رنز بنائے۔
آسٹریلیا پورے میچ کے دوران کھیل کے ہر شعبے میں حاوی نظر آیا اور میچ میں اپنی دونوں اننگز کو ڈکلیئر کیا۔۔
مین آف دی میچ کا ایوارڈ جیتنے والے بلے باز عثمان خواجہ کو کورونا وائرس کا شکار ہونے والے ٹریوس ہیڈ کی جگہ متبادل کھلاڑی کے طور پر 2 سال سے زائد عرصے کے بعد ٹیم میں شامل کیا گیا تھا اور انہوں نے میچ کی دونوں اننگز میں سنچری اسکور کر کے اس بات کو درست ثابت کیا۔
جب اسٹیو اسمتھ کی گیند پر ڈیوڈ وارنر کے ہاتھوں جیک لیچ 26 رنز پر سلپ میں کیچ آؤٹ ہوئے تو ایسا محسوس ہوتا تھا کہ جلد فتح آسٹریلین ٹیم کے قدم چوم لے گی۔
لیکن جیمز اینڈرسن اور اسٹورٹ براڈ پر مشتمل جوڑی نے جرات کا مظاہرہ کرتے ہوئے نے 12 دنوں کے اندر ایشز سیریز 3-0 سے ہارنے کے بعد پریشان مہمان ٹیم کے حوصلے بڑھانے والے فائٹنگ ڈرا کےلیے سخت دباو والے دو کھیل اوور کھیلے۔
بین اسٹوکس دوسری اننگز میں 60 رنزبنا کر آؤٹ ہوئے جبکہ پہلی اننگز میں بھی انہوں نے نصف سنچری بنائی تھی اور پہلی اننگز میں سنچری بنانے والے جونی بیئراسٹو 41 رنز بنا کر آؤٹ ہوئے، جب چائے کے وقفے کے بعد دونوں کھلاڑی آؤٹ ہو گئے تو آسٹریلین ٹیم جیت کے لیے خاصی پرامید تھی لیکن انگلش کھلاڑی بھرپور مزاحمت سے میچ ڈرا کرنے میں کامیاب رہے۔
کیمرون گرین نے زیک کرالی کی وکٹ حاصل کرنے کے ساتھ صبح کی سب سے بڑی کامیابی حاصل کی، انہوں نے77 رنز بنائے۔
حسیب حمید ڈراپ کیچ کا فائدہ نہ اٹھا سکے اور صرف تین گیندوں بعد اس وقت آؤٹ ہوگئے جب نو کے انفرادی اسکور پر بولینڈ کی گیند پر کیری نے ان کا کیچ پکڑا۔
اگلے آؤٹ ہونے والے کھلاڑی ڈیوڈ ملان تھے جنہوں نے 4رنز بنائے جو ناتھن لیون کی گیند پر آؤٹ ہوئے۔
بولینڈ نے انگلش کپتان کو 24 رنز پر آؤٹ کرکے ان کی بین اسٹوکس کے ساتھ 60 رنز کی اچھی پارٹنرشپ کا خاتمہ کردیا۔
میلبرن ٹیسٹ سے کیریئر کا آغاز کرنے والے اسکاٹ بولینڈ نے دوسری اننگز میں بھی 3 وکٹیں لیں اور وہ اب تک سیریز میں 8.64 کی اوسط سے 14 وکٹیں لے چکے ہیں۔
بیئراسٹو کی جرات مندانہ اننگز جب اختتام کو پہنچی تو 10.4 اوورز کا کھیل باقی تھا اور صرف دو وکٹیں باقی تھیں۔
نیتھن لائن نے اسٹوکس کی وکٹ لے کر اہم پیش رفت کی جنہوں نے 123 گیندوں کا سامنا کیا، یہ لائن کی سیریز کی 16ویں وکٹ تھی اور وہ اس وقت سیریز میں سب سے کمایب آسٹریلیبن باؤلر ہیں۔ پیٹ کمنز نے ایک زبردست ان سوئنگ گیند پر11 رنز بنانے والے جوز بلٹر کو آوٹ کیا۔
مارک ووڈ صرف دو گیندوں کا ہی سامنے کر سکے اور پیٹ کمنز کی ایک اور ان سوئنگ گیند کا شکار ہوکر پویلین لوٹ گئے۔
براڈ اور اینڈرسن نے آخری دو اوورز کا ڈٹ کر سامنا کی اور یوں انگلش ٹیم ٹیسٹ ڈرا کرنے میں کامیاب رہی اور اب آسٹریلین ٹیم 0-5 سے وائٹ واش نہیں کرسکے گی۔
عثمان خواجہ کو دونوں اننگز میں سنچری بنانے پر میچ کا بہترین کھلاڑی قرار دیا گیا ۔
ریاض: سعودی عرب میں نشہ آور مادہ فروخت کرنے کے الزام میں 7 پاکستانیوں کو گرفتار کر لیا گیا۔
سعودی عرب کی محکمہ انسداد منشیات کے مطابق گرفتار ملزمان سے 20 کلو گرام سے زائد نشہ آور مادہ برآمد ہوا۔
ترجمان محکمہ انسداد منشیات کا کہنا ہے کہ گرفتار افراد میں سے 6 کے پاس اقامہ اور ایک وزٹ ویزا رکھتا ہے۔
ترجمان کے مطابق ملزمان کو مقدمہ درج کرکے ادارہ پراسیکیوشن کے حوالے کر دیا گیا ہے۔
تنویر الیاس خان نے ہا ہے کہ آزاد کشمیر میں مزید سیاحتی مقامات کھل جانے سے مری کا لوڈ کم ہوگا۔
صدر پاکستان تحریک انصاف آزاد جموں کشمیر وزیر سردار تنویر الیاس خان نے ملتان میں میڈیا سے گفتگو کرتے ہوئے کہا کہ سانحہ مری میں شہید ہونے والوں کے خاندانوں سے دلی افسوس کرتا ہوں۔
انہوں نے کہا کہ مری کے المناک حادثے کے ذمہ داروں کا تعین ہونا چاہیے ، اس حوالے سے تحقیقات ہوں گی ذمہ داران کو ضرور سزا ہوگی۔
تنویر الیاس خان کا کہنا تھا کہ مری میں پورے ملک سے لوگ پورا سیزن آتے ہیں۔ انسانی جانوں کا کوئی نعمل البدل نہیں ہے، ہمارے یہاں انسانی حقوق کا درس مسترد کر دیا گیا ہے، انتظامیہ الرٹ جاری کر رہی تھی کہ گنجائش سے زیادہ گاڑیاں داخل ہوئی ہیں۔
ان کا کہنا تھا کہ 25 جولائی کو ہونے والے انتخابات میں تحریک انصاف نے اکثریت حاصل کی ، آزاد جموں کشمیر میں تحریک انصاف کی حکومت ہے۔
تنویر الیاس نے کہا کہ آزاد کشمیر میں سیاحت کے حوالے سے بہت پوٹینشل ہے ، آزاد کشمیر کے حوالے سے عمران خان نے فراخ دلی کا اظہار کیا۔
آزاد کشمیر کے سینئر وزیر سردار تنویر الیاس خان کا مزید کہنا تھا کہ آزاد کشمیر میں بہت خوبصورت مقامات ہیں ، آزاد کشمیر میں مزید سیاحتی مقامات کھل جانے سے مری کا لوڈ کم ہوگا۔
یاد رہے کہ مری میں گزشتہ روز برف کا طوفان آیا تھا، جس میں ہزاروں گاڑیاں پھنس گئی تھیں، برفباری کے باعث مختلف گاڑیوں میں 21 افراد دم گھٹ کر جاں بحق ہوگئے ہیں جبکہ پاک فوج کے دستے امدادی کارروائیوں میں مصروف ہیں۔
مری اور گلیات میں گزشتہ چند روز سے برفباری کا سلسلہ جاری ہے، گزشتہ روز عوام کی بڑی تعداد برفباری سے لطف اندوز ہونے کے لئے پہنچی تھی۔
شدید برفباری میں ٹریفک جام ہونے کے بعد بڑی تعداد اپنی گاڑیوں میں ہی محصور ہوکر رہ گئی تھی۔ ان ہی میں وہ بدقسمت افراد بھی شامل تھے جو اپنی گاڑیوں میں دم گھٹنے سے زندگی کی بازی ہار گئے۔
مری میں اس وقت ایمرجنسی رضاکاروں اور امدادی کارکنوں کے علاوہ کسی کے بھی داخلے پر پابندی ہے۔ پاک فوج کے دستے انتظامیہ کے ساتھ کر امدادی کاموں میں مصروف ہیں۔
خیال رہے کہ سانحہ مری میں حکومتی اعداد و شمار کے مطابق بائیس لوگوں کی اموات ہوئی ہیں۔
اس ضمن میں وزیر اعلیٰ کی زیر صدارت ہائی پاور کمیٹی کا اجلاس ہوا، جس میں واقعے کی وجوہات پر تفصیلی بات چیت ہوئی۔
ہوم سیکرٹری کی زیر قیادت ہائی پاور انکوائری کمیٹی بنائی گئی ہے جو وجوہات کا جائزہ لیا جائے گا۔ انکوائری کمیٹی کی رپورٹ کے بعد سات دنوں میں کارروائی ہوگی۔
ایک اسسٹنٹ کمشنر پورے مری کو دیکھتے ہیں، ایڈیشنل ڈپٹی کمشنر کل سے مری کا چارج سنبھالیں گے۔
جاں بحق ہونے والوں کو ایک کروڑ 76 لاکھ روپے دیئے جائیں گے۔
قومی ٹیم کے سابق کپتان اور آل راؤنڈر شاہد خان آفریدی نے بچوں میں منشیات کے بڑھتے ہوئے استعمال پر تشویش کا اظہار کرتے ہوئے والدین سے اپیل کی ہے کہ وہ بچوں کی محبت میں اندھے نہ ہوں اور نظر ضرور رکھیں۔ شاہد آفریدی نے یوٹیوب پر شیئر کی گئی ویڈیو میں والدین اور اساتذہ کو مخاطب کرتے ہوئے کہا کہ یہ ویڈیو آپ کے لیے ہے کیونکہ اسکول، کالج یونیورسٹی کے ٹیچرز کا کردار بھی والدین کی طرح ہوتا ہے۔ شاہد آفریدی نے کہا کہ اسکول اور یونیورسٹی کی سطح پر بہت سارے منشیات کے استعمال کے کیسز سُننے اور دیکھنے کو ملے، بہت سی فیملیز نے پولیس اسٹیشن جاکر اپنے بچوں کے حوالے سے پریشانی کا اظہار بھی کیا ہے۔ سابق کپتان کا کہنا تھا کہ یوتھ میں منشیات کا استعمال بہت تیزی سے بڑھ رہا ہے، جو ہم سب کے لیے بہت بڑی پریشانی ہے، ہم اپنی اولاد سے محبت ضرور کرتے ہیں مگر یہ اس قدر نہیں ہونی چاہیے کہ ہم اولاد کی محبت میں اندھے ہوجائیں اور اُن کی گھر سے باہر کی (بیرونی) سرگرمیوں پر نظر نہ رکھ سکیں۔ شاہد آفریدی نے مزید کہا کہ ہر بچے کا سال میں 2 بار ڈوپ ٹیسٹ لازمی ہونا چاہیے تاکہ دیر نہ ہوا اور والدین کو پچھتاوے کا سامنا نہ کرنا پڑے۔
تفصیلات کے مطابق سماجی رابطے کی ویب سائٹ ٹوئٹر پر پی ٹی اے نے کہا ہے کہ مری اور گلیات کے علاقوں میں ہنگامی صورتحال کے پیش نظر بیلنس نہ رکھنے والے وہ موبائل فون صارفین جو اس وقت ان علاقوں میں موجود ہیں، انہیں فوری طور پر مفت آن نیٹ کالوں کی سہولت فراہم کردی گئی ہے۔
پی ٹی اے کی ہدایت پر موبائل فون آپریٹروں نے گلیات کے علاقوں میں پھنسے ہوئے صارفین کو زیرو بیلنس ہونے پر اپنے نیٹ ورک کے نمبروں پرمفت کالوں کی سہولت فراہم کردی ہے۔ صارفین مزید معلومات کے لیے اپنے متعلقہ آپریٹرز سے رابطہ کر سکتے ہیں۔
مزید برآں، پی ٹی اے نے تمام ٹیلی کام آپریٹروں کو یہ بھی ہدایت کی ہے کہ وہ صارفین کو بلاتعطل خدمات کی فراہمی کو یقینی بنائیں اور بجلی کی بندش کی صورت میں خاطر خواہ متبادل انتظامات ضرور رکھیں ۔
غیر ملکی خبر رساں ادارے کے مطابق برازیل کے مشہور سیاحتی مقام پرسیاحوں پرچٹان کاٹکڑا آگرا،واقعے میں 7ہلاک اورنوزخمی ہوگئے ہیں جن میں سے ایک کی حالت تشویشناک ہے۔
رپورٹس میں کہا گیا ہے کہ حکام نے آبشار کے ساتھ پہاڑی حصے کو خستہ حال قرار دیا تھا لیکن سیاحوں کوگھمانے والے گائیڈز نے مبینہ طور پر ہدایات کو نظر انداز کیا اور انہیں اس طرف لے آئے۔
سوشل میڈیا پر پوسٹ کی گئی ویڈیوز میں سیاحوں کو چیختے ہوئےسنا گیادو کشتیاں ٹوٹ گئیں۔حکام نے بتایا کہ تین افراد اب بھی لاپتہ ہیں غوطہ خور جھیل میں تلاش کررہےہیں یہ خطہ دو ہفتوں سے شدید بارشوں اورسیلاب کی زد میں ہے۔
تفصیلات کے مطابق پشاورپولیس نے بڑی تعدادمیں غیرقانونی اسلحہ سمگل کرنے کی کوشش ناکام بنادی ہے، خفیہ اطلاع پرکارروائی کے دوران غیر قانونی اسلحہ کی بھاری کھیپ برآمد ہوئی ۔پولیس نے ملزم کو گرفتار کرلیا ہے۔
پولیس کے مطابق ملزم پک اپ ڈاٹسن گاڑی کے ذریعے اسلحہ پنجاب سمگل کرنے کی کوشش کررہاتھا، کارروائی کے دوران 21 عدد کلاشنکوف، 16 پستول اور رائفل برآمد ہوئیں، کاروائی کےدوران اسلحہ سپیئرپارٹس اور 13 ہزار سے زائدمختلف بورکے کارتوس بھی برآمد ہوئے۔
پولیس کا کہنا ہے کہ ملزم سے مختلف زاویوں پر تفتیش شروع جاری ہے۔
نئی دہلی: بھارت میں کانگریس کے رہنما راہول گاندھی نے کہا ہے کہ بھارتیہ جنتا پارٹی (بی جے پی) نے نفرت کی کئی فیکٹریاں قائم کررکھی ہیں۔
بھارتی میڈیا کے مطابق بھارت میں کانگریس کے رہنما راہول گاندھی نے سماجی رابطے کی ویب سائٹ ٹوئٹر پر ہندی میں لکھا کہ ایک مخصوص مذہب کی خواتین کو نشانہ بنانے والے”بلی بائی“ ایپ کیس کے ملزمان کی عمر دیکھتے ہوئے پورا ملک حیران ہے کہ اتنی نفرت کہاں سے آرہی ہے۔
انہوں نے کہا کہ بلی بائی ایپ کیس کے ملزم کی کم عمری کو دیکھ کر پورا ملک پوچھ رہا ہے کہ اتنی نفرت کہاں سے آتی ہے۔
راہول گاندھی نے کہا کہ دراصل بی جے پی نے نفرت کی کئی فیکٹریاں قائم کر رکھی ہیں اور ٹیک فوگ ان میں سے ایک ہے۔
انہوں نے ایک رپورٹ کو ٹیگ کیا جس میں کہا گیا تھا کہ ٹیک فوگ بی جے پی کی معاون ایپ ہے جس نے سائبر آرمی کو نفرت پھیلانے اور سوشل میڈیا پرٹرینڈز کے ساتھ چھیڑ چھاڑ کرنے کی طاقت دی ہے۔
کانگریس رہنما نے کہا کہ کانگریس پہلے ہی اس ایپ کے حوالے سے حکومت سے جواب طلب کر چکی ہے اور بھارتی سپریم کورٹ سے مداخلت کا مطالبہ کرچکی ہے۔ ’بلّی بائی‘ کیس میں سینکڑوں مسلم خواتین کی تصاویر کو ’نیلامی‘ کے لیے ’بلّی بائی‘ نامی ایپ پر اپ لوڈ کیا گیا تھا۔
