پاکستان تحریک انصاف کے رکن فرخ حبیب نے کہا ہے کہ ہم پاکستان میں صاف اورشفاف جمہوریت کے خواہشمند ہیں۔ میڈیا سے بات کرتے ہوئے فرخ حبیب نے کہا کہ وزیراعظم نے بیرونی سازشوں کو ناکام بنادیا ہے لیکن میڈیا کا ایک ٹولہ سکتے میں ہے۔ ان کا کہنا تھا کہ جمہوری نظام کو خراب کرنے کیلئے کالی بھیڑیں موجود ہیں اس لئے ان ضمیر فروشوں اور خریدنے والوں کاراستہ ہمیشہ کیلئے بند ہونا چاہیے۔

پاکستان مسلم لیگ (ن)کے صدرمیاں محمد شہباز شریف نے کہا ہے کہ عمران نیازی نے ڈپٹی اسپیکر قومی اسمبلی کی رولنگ کے زریعہ قومی اسمبلی کے 197ارکان کو غدار قراردلوایا ہے، میں چیف آف آرمی اسٹاف جنرل قمرجاوید باجودہ اور ڈی جی آئی ایس آئی سے مطالبہ کرتا ہوں کہ اگر ہم نے غداری کی ہے تو پھر ثبوت قوم کے سامنے لے آئیں اورعدالت عظمیٰ کے سامنے یہ ثبوت لے آئیں، اگر ہم میں سے کسی نے یہ جرم نہیں کیا اورخدانخواستہ کسی خارجی طاقت کو دعوت نہیں دی اور خارجی وسائل استعمال نہیں کیئے تو پھر دودھ کا دودھ اور پانی کا پانی ہونا چاہیئے، ابھی تک مجھے صدر کی جانب سے نگران وزیر اعظم کا نام تجویز کرنے کے حوالہ سے کوئی باضابطہ خط تک موصول نہیں ہوا،صدر علوی نے آئین شکنی کی ، جب وہ خط لکھیں گے توہم اپنے وکلاء اور اتحادی جماعتوں کے ساتھ مشورہ کریں گے۔ ا ن خیالات کااظہار شہباز شریف نے منگل کے روز ڈپٹی اسپیکر کی جانب سے وزیر اعظم کے خلاف تحریک عدم اعتماد مسترد کرنے کے حوالہ سے سپریم کورٹ میں سماعت کے موقع پر عدالت عظمیٰ کے باہر میڈیا سے گفتگو کرتے ہوئے کیا۔ شہباز شریف کا کہنا تھا کہ تمام معروف وکلاء کی متفقہ رائے ہے کہ ڈپٹی اسپیکر نے 3 مارچ کو آئین کی خلاف ورزی کی، یہ کوئی پروسیجرل معاملہ نہیں تھا بلکہ آئینی معاملہ تھا ، انہوں نے آئین کو توڑا اور اس کے نتیجہ میں صدر مملکت ڈاکٹر عارف علوی اور وزیر اعظم عمران خان نے بھی آئین کو توڑا جب وزیر اعظم نے قومی اسمبلی توڑنے کی سمری بھجوائی اور صدر نے اپنا مائنڈ اپلائی کرنے کے بغیر آدھے گھنٹے میں وہ سمری منظور کردی۔ ان کا کہنا تھا کہ بات یہ نہیں ہے کہ ہم جلد اورشفاف الیکشن نہیں چاہتے بلکہ یہی تو ہمارا مطالبہ تھا کہ ایک جھرلو اوردھاندلی کی پیداوار سلیکٹڈ وزیر اعظم کی آئین اور پارلیمان کے زریعہ رخصتی ہو اور صاف اورسفاف الیکشن کا انتظام ہو۔ ان کا کہنا تھا کہ ایشو یہ ہے آئین کو توڑا گیا ہے اورآئین کو پامال کیا گیا ہے، اس کے لئے ہم عدالت عظمیٰ میں آئے ہیں اور اگر اس کی کا ازالہ نہیں ہو گا تو پھر یہ بنانا ریپبلک بن جائے گا کیا22کروڑ عوام یہ چاہتے ہیں اوراس سے بڑھ کر اس ایوان کے ایوان کے 197ارکان جن میں ، میں ناچیز بھی شامل ہوں ، ڈپٹی اسپیکر اور حکومت کے وزیر نے ہمیں غدار قراردیا ہے کیا اب غدار اوروفادار کی بحث شروع ہو گی، میں سمجھتا ہوں کہ ہم نے تحریک عدم اعتماد کی قرارداد پاکستان کے 22کروڑ عوام کی خواہشات کے مطابق جمع کروائی تھی۔ شہباز شریف کا کہنا تھا کہ یہ وہی عمران نیازی ہے جو آج سے کچھ عرصہ پہلے فرانس کے سفیر کو ملک سے نکالنے کا مطالبہ آیا تھا ، عمران نیازی کا کیا مئوقف تھا کہ اگر ہم نے فرانس کے سفیر کو نکالا تو پاکستان کی ٹیکسٹائل کی 50فیصد برآمدات یورپین یونین کو جاتی ہیں اس کا خاتمہ ہو جائے گا، پاکستان کی معیشت تباہ ہو جائے گا، ہم نے اگر یہ کام کیا تو پاکستان کے اندر مہنگائی کا طوفان آئے گا اس لئے ہمیں یہ کام نہیں کرنا چاہیئے، یورپین یونین ہم سے ناراض ہو جائے گی ، یہ میں نہیں کہہ رہا بلکہ یہ عمران نیازی ریکارڈ پر ہے اور آج عمران نیازی نے اپنی ذات کے لئے پاکستان کی ذات کو قربان کردیا اور یورپین سفیروں کے اوپر حملہ آور ہو گئے۔جب اپنی ذات کی بات آتی ہے تو عمران خان ہر چیز کو قربان کرنے کے لئے تیار ہوتا ہے۔ شہبازشریف کا کہنا تھا کہ جب ہم نے آئین اور قانون کے مطابق تحریک عدم اعتماد پیش کی تو اس کے بعد غداری کے نعرے لگ گئے، لہذاآج وقت آگیا ہے کہ ہمارے افواج پاکستان کے سپہ سالار جن کی پاکستان کے دفاع کے لئے بڑی قربانیاں ہیں اور قدرومنزلت ہے ، وہ آج اس بات کا عندیہ دیں کہ کیا نیشنل سیکیورٹی کمیٹی میں جو منٹس پاس ہوئے جس میں باہر کی بین الاقوامی سازش اوراپوزیشن کا کوئی کردار ہے تو خدارااس بات کو سامنے لے کرآئیں ، کیا وہ منٹس انہوں نے دستخط کئے تھے،کیا وہ منٹس انہوں نے دیکھے اور اسٹیبلشمنٹ یا جس محکمے نے بھی یہ منٹس بنائے ہیں کیا ان کی منظوری تھی، یہ وہ سوالات ہیں جو آج پوری قوم آج سننا چاہتی ہے۔ انہوں نے کہا کہ اگر ہم میں سے کسی نے یہ جرم نہیں کیا اورخدانخواستہ کسی خارجی طاقت کو دعوت نہیں دی اور خارجی وسائل استعمال نہیں کیئے تو پھر دودھ کا دودھ اور پانی کا پانی ہونا چاہیئے۔ میں نے آج تک صاف الفاظ میں اس طرح کی بات نہیں کی لیکن ہم اپنے وکیلوں کے زریعہ عدالت عظمیٰ کے سامنے بھی یہ بات رکھیںگے کہ وہ اس بات کا جائزہ لیں کہ اورکوئی فورم بنادیں جس میں یہ بات روز روشن کی طرح عیاں ہو جائے اوردودھ کا دودھ او رپانی کا پانی ہو جائے ۔ ایک سوال پر شہباز شریف کا کہنا تھا کہ ابھی تک مجھے صدر عارف علوی کی جانب سے نگران وزیر اعظم کا نام تجویز کرنے کے حوالہ سے کوئی باضابطہ خط تک موصول نہیں ہوا،صدر علوی نے آئین کو اپنے پائوں تلے روندا ہے اور آئین شکنی کی ہے، جب وہ خط لکھیں گے تو ہم ضروراپنے وکلاء اور اپنی اتحادی جماعتوں کے ساتھ مشورہ کریں گے، اس وقت تو داکٹر عارف علوی اور عمران خان خودآئین شکنی کے مرتکب ہیں، ا س کا پہلے فیصلہ ہوگااس کے بعد اگلی بات بعد میں ہو گی۔

لاہور: پنجاب اسمبلی میں متحدہ اپوزيشن کے وزارت اعلیٰ کے امیدوار حمزہ شہباز نے دعویٰ  کیا  ہے کہ ان کے پاس وزارت اعلیٰ کے لیے 200 ووٹ تھے۔

لاہور میں  میڈیا سے گفتگو میں حمزہ شہباز نے کہا کہ ہماری اکثریت پر پرویز الٰہی نے اپنی شکست دیکھ کر6  منٹ میں اجلاس ملتوی کردیا لیکن اگر اب تماشا لگانےکی کوشش کی توتمام حالات کےذمہ دار  پرویزالٰہی  ہوں گے۔

انہوں  نے کہا کہ بدھ کو میدان لگے گا اور وزیراعلیٰ منتخب ہوگا، پرویز الٰہی شیشے توڑنے کا الزام لگا کر 40 ممبران کو معطل کرنا چاہتے ہیں ، اسپیکرکوڈائریکشن ملنی چاہیےکہ وہ ووٹ ڈالنے میں رکاوٹ نہیں بنیں گے۔

لیگی  رہنما  کا  کہنا تھا کہ پرویزالٰہی صاحب آپ ایوان میں عددی اکثریت دکھادیں ہم قبول کریں گے۔

یاد رہے کہ 3 اپریل کو پنجاب اسمبلی میں نئے وزیراعلیٰ کے چناؤ کے لیے ووٹنگ ہونا تھی تاہم ڈپٹی اسپیکر دوست محمد مزاری نے ایوان کے اندر ہونے والی ہنگامہ آرائی کو جواز بنا کر اجلاس 6 اپریل تک ملتوی کر دیا تھا۔

پاکستان کا تجارتی خسارہ 9 ماہ کے دوران سالانہ بنیاد پر 70 فیصد اضافے کے بعد مارچ میں 35 ارب 40 کروڑ ڈالر تک پہنچ گیا۔

 رپورٹ کے مطابق درآمدات میں ہوشربا اضافے کی وجہ سے تجارتی خسارہ مسلسل 9 ماہ بڑھا ہے جبکہ ماہانہ برآمدات صرف ڈھائی سے 2 ارب 80 کروڑ ڈالر کے درمیان رہی۔

پاکستان ادارہ شماریات کے جاری کردہ اعداد و شمار ظاہر کرتے ہیں کہمارچ کے دوران تجارتی خسارہ 3 ارب 45 کروڑ ڈالر رہا جو فروری کے مقابلے 12 فیصد زائد جبکہ مارچ 2021 کے مقابلے 5.5 فیصد زائد تھا۔

مالی سال 18-2017 میں تجارتی خسارہ تاریخ کی بلند ترین سطح 37 ارب 70 کروڑ ڈالر پر پہنچا تھا تاہم حکومتی اقدامات کی بدولت سال 19-2018 میں یہ 31 ارب 80 کروڑ ڈالر تک کم ہوگیا اور سال 20-2019 میں مزید کمی کے ساتھ 23 ارب 20 کروڑ ڈالر کی سطح پر آگیا تھا۔

تاہم اس کے بعد یہ رجحان پلٹا اور مالی سال 21-2020 میں 30 ارب 80 کروڑ ڈالر ہوا جبکہ رواں مالی سال کے دوران تاریخ کی بلند ترین سطح پر پہنچنے کا امکان ہے۔

درآمدات

رواں مالی سال کے ابتدائی 9 ماہ کے دوران جولائی تا مارچ درآمدی بل 49 فیصد بڑھ کر 58 ارب 70 کروڑ ڈالر تک پہنچ گیا۔

صرف مارچ میں درآمدی بل گزشتہ سال کے اسی ماہ کے 5 ارب 60 کروڑ ڈالر کے مقابلے 6 ارب 20 کروڑ ڈالر رہا جو 10 فیصد اضافہ ظاہر کرتا ہے۔

تاہم ماہانہ بنیاد پر درآمدات میں 2.8 فیصد کمی ہوئی۔

حکومت کی جانب سے خام مال درآمد کرنے کی حوصلہ افزائی نے بھی درآمدی بل بڑھانے میں کردار ادا کیا۔

برآمدات

اس کے علاوہ مالی سال 21-2022 کے دوران برآمدات 25 فیصد بڑھ کر 23 ارب 30 کروڑ ڈالر تک پہنچ گئیں اور صرف مارچ میں گزشتہ برس کے اسی ماہ کے 2 ارب 30 کروڑ ڈالر کے مقابلے میں 2 ارب 74 کروڑ ڈالر رہیں۔

برآمدات کی آمدنی سال 21-2022 میں 18 فیصد اضافے کے ساتھ 25 ارب 30 کروڑ ڈالر تک پہنچ گئی جو گزشتہ سال کے مقابلے میں 21 ارب 40 کروڑ ڈالر تھی۔

حکومت نے اشیا کی سالانہ برآمدات کا ہدف 31 ارب 20 کروڑ ڈالر اور خدمات کے لیے ساڑھے 7 ارب ڈالر کا تخمینہ لگایا تھا۔

لندن (ڈاکٹر اختر گلفام سے) پاکستان میں غصب کی ہلچل کی وجہ بننے والے ، پاکستان کودھمکیاں دینے والے اور عمران حکومت کے خلاف سازش کرنے والے اہلکار کون ہیں؟ تحقیقات کے مطابق یہ ہیں ڈونلڈ لو،جو 1992 سے 1994 کے دوران پشاور میں امریکی قونصل خانے میں پولیٹیکل افسر کے طور پر فرائض سرانجام دے چکے ہیں اور اردو زبان بھی جانتے ہیں۔ وہ جنوبی ایشیائی امور کے سینیئر سفارت کار مانے جاتے ہیں۔ڈونلڈ لو دھمکیاں دینے کا کافی بظاہر تجربہ رکھتے ہیں۔ 19 جولائی 2016 کو انہوں نے بحیثیت امریکی سفیر البانیہ کے دارالحکومت تیرانا میں سول سوسائٹی کی ایک ریلی کے دوران سیاست دانوں کو دھمکی دیتے ہوئے کہا تھا کہ اگر انہوں نے یورپی اتحاد میں شمولیت کے لیے عدالتی اصلاحات کے حق میں ووٹ نہ دیا تو واشنگٹن ان کے خلاف کارروائی کرے گا۔

لاہور: (ویب ڈیسک) پاکستان تحریک انصاف (پی ٹی آئی) کے رکن پنجاب اسمبلی عبدالعلیم خان کے سابق وزیراعلیٰ پنجاب عثمان بزدار پر الزامات سے متعلق ترجمان وزیراعلیٰ آفس کا بیان آ گیا۔
بیان میں کہا گیا ہے کہ علیم خان نے بزدار حکومت پر بے بنیاد اور من گھڑت الزامات لگائے جس میں کوئی صداقت نہیں۔
انہوں نے کہا کہ پنجاب میں تقرر و تبادلے صرف میرٹ پر ہوتے ہیں، فرح کا تقررو تبادلوں اورٹھیکوں میں کسی قسم کا کوئی کردار نہیں ،علیم خان کوایسےبےسروپا الزامات لگانے پر شرم آنی چاہیے۔
مزید کہا گیا ہے کہ پنجاب میں ٹرانسفر پوسٹنگ صلاحیتوں اور میرٹ کو مد نظررکھ کی جاتی ہے،عثمان بزدار نے آج تک تقرر و تبادلوں میں کوئی مداخلت نہیں کی، خرید و فروخت جنہوں نے کی اور جو کر رہے ہیں وہ قوم کے سامنے بے نقاب ہو چکے۔
ان کا کہنا تھا کہ عثمان بزدار کا دامن صاف ہے، وہبےبنیاد الزامات لگانے والوں کیخلاف قانونی چارہ جوئی کا حق محفوظ رکھتے ہیں۔