لندن: (ڈیلی خبریں) برطانوی وزیر اعظم بورس جانسن نے لاک ڈاؤن کے دوران اپنی رہائش گاہ پر پارٹی منعقد کروانے کا اعتراف کرتے ہوئے پارلیمنٹ میں قوم سے معافی مانگ لی ہے ۔
غیر ملکی میڈیا رپورٹس کے مطابق دارالعوام کا اجلاس شروع ہوا تو بورس جانسن نے اپنے کیے پر شرمندگی کا اظہار کیا اور کہا کہ قانون بنانے والوں نے خود ہی قانون کی پیروی نہیں کی ، اس دن مجھے ان لوگوں کو واپس بھیجنا چاہیے تھا جو میری رہائش گاہ پر جمع ہوئے تھے جبکہ بورس جانسن نے گزشتہ سال 20 مئی کو منعقدہ پارٹی کی تحقیقات کا اعلان کردیا ہے ۔
برطانوی اپوزیشن لیڈر کئیر اسٹارمر نے وزیر اعظم کی معافی کو مسترد کرتے ہوئے کہا کہ معافی مانگنا کافی نہیں، وزیر اعظم کو عہدے سے فوری مستعفی ہوجانا چاہیے جبکہ اس سے پہلے بورس جانسن کی مشیر پر ایسا ہی الزام لگا تھا تو انہوں نے فوری استعفیٰ دیا تھا، اگر انہوں نے تحقیقات کا انتظار نہیں کیا تو وزیر اعظم کے لیے یہ رعایت کیوں ہے ۔
خیال رہے کہ گزشتہ سال 20 مئی کو بورس جانسن کی رہائش گاہ پر آؤٹ ڈور پارٹی منعقد ہوئی تھی جس میں وزیر اعظم اور ان کی اہلیہ سمیت چالیس سے زائد افراد شریک ہوئے تھے ۔

ابوجہ: (ڈیلی خبریں) نائیجریا میں ایک چرچ کی عمارت گر گئی جس کے ملبے میں دب کر 2 بچوں سمیت 3 افراد ہلاک اور 18 زخمی ہوگئے۔
عالمی خبر رساں ادارے کے مطابق نائیجیریا کے دارالحکومت میں چرچ کی عمارت اُس وقت گر گئی جب وہاں دعائیہ اجتماع جاری تھا۔ عمارت گرنے سے درجنوں افراد ملبے تلے دب گئے۔
ریسکیو اداروں نے امدادی کاموں کا آغاز کرتے ہوئے ملبے میں دبے افراد کو باہر نکال کر اسپتال منتقل کیا۔ حادثے میں دو بچوں سمیت 3 افراد ہلاک ہوگئے۔
اسپتال میں 18 زخمیوں کو بھی لایا گیا جن میں سے 11 کو شدید چوٹیں آنے کے باعث اسپتال میں داخل کرلیا گیا جب کہ بقیہ کو طبی امداد کے بعد گھر جانے کی اجازت دیدی گئی۔
نائیجریا میں عمارتوں کی تعمیر میں معیار کا خیال نہیں رکھا جاتا جس کے باعث رہائشی عمارتوں کے گرنے کے واقعات عام ہیں۔