لاہور (ویب ڈیسک )چیف میٹرولو جسٹ محمد ریاض کا کہنا ہے کہ آج ذی الحج کا چاند نظر آنے کا امکان نہ ہونے کے برابر ہے۔ انہوں نے کہا کہ چاند کی پیدائش گذشتہ روز 11 بج کر 30 منٹ پر ہو چکی ہے۔ اور اس وقت چاند کی عمر 19 گھنٹے اور 36 منٹ ہے۔ محمد ریاض نے بتایا کہ آج سورج 6 بج کر 41 منٹ پر غروب ہو گا۔ اور چاند 7 بج کر 6 منٹ تک دیکھا جا سکے گا۔ محمد ریاض نے کہا کہ پاکستان میں عید الاضحیٰ دو ستمبر کو ہونے کا امکان ہے۔

اسلام آباد(ویب ڈیسک) سینیٹ کی قائمہ کمیٹی برائے مذہبی امور کےچیئرمین حافظ حمد اللہ کی زیر صدارت اجلاس ہوا، جس میں رویت ہلال کا معاملہ زیر غور آیا۔ میڈیارپورٹس کے مطابق اس موقعہ پروفاقی وزیر مذہبی امور سردار یوسف نے کہا کہ چاند کی رویت کیلیے مکہ مکرمہ کو مرکز بنانے کی تجویز آئی ہے۔ جبکہ عید الفطر کا چاند پشاور میں دیکھنے کی تجویز دی گئی ہے۔ انہوں نے کہا کہ کوشش کر رہے ہیں کہ مولانا پوپلزئی کا نمائندہ بھی ہمارے اجلاس میں شرکت کرے۔ سردار یوسف نے کہا کہ تجویز آئی ہے کہ چاند کی رویت کیلیے مکہ مکرمہ کو مرکز بنایا جائے۔