لاہور (خصوصی رپورٹ) لیسکو کے سسٹم سے دو ارب روپے کی بجلی چوری ہونے کا انکشاف، اکتوبر میں درست بلنگ نے بھانڈا پھوڑ دیا۔ سسٹم سے ہونے والی بجلی چوری کو اوور بلنگ کرکے لائن لاسز مرتب ہوتے رہے، قومی اسمبلی سے بل پاس ہونے پر کمپنی کے لائن لاسز میں مزید اضافہ ہونے کے خدشات بڑھ گئے۔ لیسکو میں دو ارب روپے کی بجلی چوری ہونے کا انکشاف ہوا ہے۔ کمپنی نے اوور بلنگ کرکے گزشتہ سال لائن لاسز کو مرتب کیا تھا۔ صارفین کو دو ارب روپے کی اوور بلنگ کی گئی۔ دستاویزات کے مطابق نیپرا ایکٹ میں ترمیم نے افسران و ملازمین کا قبلہ درست کر دیا، قومی اسمبلی میں بل پاس ہونے سے لائن لاسز میں مزید اضافہ ہونیکا خدشہ پیدا ہوگیا ہے۔ درست ریڈنگ لینے کی وجہ سے کمپنی کے لائن لاسز میں اضافہ ہوا۔ گزشتہ ادوار میں بجلی چوری کو چھپانے کیلئے اوور بلنگ کی جاتی رہی۔ دستاویزات کے مطابق اکتوبر 2016 میں کمپنی کے 9.4 فیصد لائن لاسز تاہم رواں سال اکتوبر میں کمپنی کے 139 ملین یونٹس سسٹم سے غائب ہوئے ۔ نیپرا نے 9.5فیصد ٹیکنیکل لائن لاسز کی منظوری دے رکھی ہے۔ ٹیکنیکل لائن لاسز کے علاوہ کمپنی کے لائن لاسز میں 6.7 فیصد اضافہ ہوا۔ کمپنی کی ریکوری میں بہتری آئی ہے۔

لاہور(ویب ڈیسک)ملک میں دوبڑے ایٹمی بجلی کے منصوبے تکمیل کے بعد 2020ءتک بجلی کی پیداوار شروع کر دیں گے ،سی پیک کے تعاون سے ان منصوبوں پر 9 ارب59کروڑ ڈالر لاگت آئے گی ۔سرکاری ریڈیو نے ذرائع کے حوالے سے بتایا کہ دو بڑے ایٹمی بجلی کے منصوبوں (III’Knupp II )کے تحت 2200 میگاواٹ بجلی کی پیداوارکے منصوبوں پر تیزی سے کام جاری ہے اور ان منصوبوں سے 2020 تک بجلی کی پیداوار شروع ہو جائے گی ۔بجلی گھر چین پاکستان اقتصادی راہداری تعاون کے ساتھ تعمیر کئے جارہے ہیں جن پر 9 ارب 59کروڑ ڈالر لاگت آئے گی۔ سرکاری ذرائع نے بتایا کہ منصوبوں کو مقررہ وقت پر مکمل کرنے کیلئے تعمیراتی کام دن رات جاری ہے۔