نیویارک (نیٹ نیوز) اگر آپ کسی اچھے ریسٹورنٹ میں پرلطف کھانے کا مزا لینا چاہتے ہیں تو بلاشبہ اس کیلئے کافی بھاری رقم قربان کرنا پڑے گی لیکن ذرا تصور تو کیجئے آپ کہ ایک شاندار ریستورنٹ میںکھانا کھانے جائیں اور جب بل لایا جائے تو اس پر لکھا ہوا ”آج جو جائز سمجھیں اداکریں۔“ اگرچہ یہ بات ناقابل یقین لگتی ہے لیکن امریکی ریاست نارتھ کیرولینا کے شہر ڈلاس میں واقعی ایک ایسا ریسٹورنٹ ہے جو نہ صرف انتہائی بہترین اور شاندار کھانے پیش کرتا ہے بلکہ یہ بھی کہتا ہے کہ بس آپ ایمانداری سے جو مناسب سمجھتے ہیں ادا کریں۔ اس ریسٹورنٹ میں Cokeenjustہے اور اس کی مالکن ڈیناپیرس کا کہنا ہے کہ اس نے خدا پر بھروسہ کر کے اس منفرد منصوبے کا آغاز کیا اور پہلے ہی ہفتہ میں منافع میں تین گنا اضافہ ہو گیا۔ اس کا کہنا ہے کہ بعض دفعہ ایسے گاہک آتے ہیں جس کے پاس رقم بہت کم ہوتی ہے لیکن وہ انہیں بھی بہترین کھانا دیتی ہے اور اکثر ایسا ہوتا ہے کہ وہ بعد میں کبھی آتے ہیں اور کئی گنا زیادہ ادا کر جاتے ہیں اور شکریہ بھی ادا کرتے ہیں۔ ڈینا کا کہنا ہے کہ اسے کئی لوگوں نے کہا کہ یہ سراسر گھاٹے کا سودا ہے لیکن اس نے اچھی نیت سے کام کا آغاز کیا اور وہ بہت خوش ہے کہ لوگ اس کے ساتھ بددیانتی نہیں کرتے اور اس کا حق نہیں مارتے۔

لندن (خصوصی رپورٹ) طلاق کی شرح کی حوالے سے برطانیہ دنیا کا چوتھا بڑا ملک ہے جہاں تقریباً چالیس فیصد شادیوں کا انجام طلاق کی صورت میں ہوتا ہے۔ اعدادوشمار کے تجزیے سے یہ بات بھی سامنے آ چکی ہے کہ سال بھر میں جنوری کا مہینہ طلاق کے حوالے سے اہم ہے۔ برطانوی باشندے اس مہینے میں سب سے زیادہ طلاق کے کیس فائل کرتے ہیں۔ میل آن لائن کی رپورٹ کے مطابق شاید طلاق کی اسی بلند شرح کی وجہ سے لندن میں ایک ایسا ہوٹل قائم کردیا گیاہے جو صرف ایسے افراد کو سروسز فراہم کرتا ہے جن کی اپنے شریک حیات سے علیحدگی ہوئی ہواور وہ تاحال اس کے غم میں مبتلا ہوں۔ اس ہوٹل کا نام ”ایش ڈان پارک ہوٹل” ہے جو برطانوی کاﺅنٹی سسکس کے قصبے ایسٹ گرنسٹیڈ میں واقع ہے۔ شریک حیات سے علیحدگی کے بعد لوگ یہاں آ کر ٹھہرتے ہیں اور ایک دوسرے مکے ساتھ اپنا تجربہ شیئر کرکے دل ہلکا کرتے ہیں اور اس غم کو بھلانے کی کوشش کرتے ہیں۔ رپورٹ کے مطابق اس ہوٹل نے ماہر نفسیات کی خدمات بھی حاصل کر رکھی ہیں جو یہاں آنے والے دل شکستہ افراد کی دل جوئی کرتے ہیں۔