لاہور (وقائع نگار) تاریخی عالمگیری بادشاہی مسجد لاہور مےںامام کعبہ الشیخ صالح بن محمد آل طالب بروز اتوار (9) اپریل 2017نماز مغرب کی امامت اور بعد ازاں عظیم اجتماع سے خطاب کریںگے، ان خیالات کا اظہار خطیب بادشاہی مسجد مولانا سید عبد الخبیر آزاد نے علماءکرام اور منتظمین پرو گرام بسلسلہ آمد امام کعبہ ،سے گفتگو کے دوران کیا اور بتلایا کہ پاکستان اور خصوصا اہل لاہور کیلئے یہ مسرت اور خوشی کا باعث ہے کہ حرمین الشریفین کے امام الشیخ صالح بن محمد بن ابراہیم آل طالب حفظہ اللہ لاہور بادشاہی مسجد مےں تشریف لا رہے ہےں ،اور باد شاہی مسجد مےں تاریخی اجتماع سے خطاب کریں گے، اور امت مسلمہ خصوصا پاکستان کے استحکام امن و سلامتی اور ترقی کیلئے خصوصی دُعا فرمائیں گے، تمام اہل اسلام سے اپیل ہے کہ وہ جوق در جوق اژدھام اوررش سے بچنے کیلئے با وضو ہو کر پہلے ہی سے نماز عصر کے وقت باد شاہی مسجد لاہور مےں پہنچ جائےں، اپنے ہمراہ کسی قسم کا سامان و غیرہ ہر گز ساتھ نہ لائیں۔

لاہور (خصوصی نامہ نگار)تفریحی مقامات پر جانے والوں کیلئے سکیورٹی کلیئرنس ضروری ہوگی ،شناختی کارڈ کے بغیر فیملیوں کو بھی پارکوں میں آنے کی اجازت نہ ہوگی ،ہفتہ اور اتوار کے دن پارکوں میں صرف فیملیوں کو ہی اجازت ہوگی ،چھڑے اور منچلے پارکوں کے 2 سو گز پر بھی کھڑے نہیں ہوسکیں گے ،خلاف ورزی پر پولیس پکڑ لے گی ۔بتایا گیا ہے کہ سکیورٹی کے باعث پارکس اینڈ ہارٹیکلچر اتھارٹی (پی ایچ اے )نے گریٹر اقبال پارک سمیت جیلانی پارک ،شالامار باغ ،گلشن اقبال پارک ،نیشنل پارک گلبرگ ،ماڈل ٹاﺅن پارک ،جوئے لینڈ فوٹریس اسٹیڈیم میں آنے والے شہریوں کو اپنی شناختی دستاویزات ساتھ رکھنے کا پابند کیا ہے اور آئندہ پارک میں صرف شناختی کارڈ دکھا کر ہی پارک میں آنا ہوگا ،دوسری طرف انتظامیہ پی ایچ اے کی جانب سے فیملیوں سے چھڑ خانی کے ساتھ منچلوں کی ٹولیوںکو ہفتہ او ر اتوار کی رات تک کسی بھی صورت گریٹر اقبال پارک میں داخلے کی اجازت نہیں ہو گی اور صرف فیملیوں کے ہمراہ آنے والے شہریوں کو ہی پارک میں داخلہ دیا جائے گا ذرائع کا کہنا ہے کہ پنجاب حکومت کو پی ایچ اے کی اس پالیسی کو سراہا ہے اور بعدازان ہفتہ اتوار تک شہر کے تمام پارکوں اور تفریحی مقامات پر صرف فیملیوں کے ساتھ آنے والے افراد کو جانے دیا جائے گا اور پارکوں کے سو گز تک بھی نوجوان منچلے نہیں کھڑے ہوسکیں گے خلاف ورزی پر انہیں سخت کارروائی کا سامنا کرنا پڑے گا ۔واضح رہے کہ پی ایچ اے کی جانب سے شہریوں سے شناختی دستاویزات کی جانچ پڑتال کی چیکنگ کا کوئی مناسب انتظام ہی موجود نہیں ہے ۔

کوئٹہ(ویب ڈیسک) کالعدم تنظیم بلوچستان لبریشن آرمی (بی ایل اے) کے اہم کمانڈر بلخ شیر بادینی نے کوئٹہ میں سیکیورٹی حکام کے سامنے ہتھیار ڈال دیے۔پیر کے روز بلخ شیر بادینی نے کوئٹہ میں فرنٹیئر کور کے مدد گار سیل کے سامنے ہتھیار ڈالے جبکہ اس موقع پر وزیر داخلہ بلوچستان میر سرفراز بگٹی، بلوچستان حکومت کے ترجمان انوار الحق کاکڑ اور ایف سے کے سیکٹر کمانڈر بریگیڈیئر خالد بیگ بھی موجود تھے۔ہتھیار ڈالنے کے بعد پریس کانفرنس سے خطاب کرتے ہوئے بلخ شیر بادینی نے بتایا کہ ’میں بیرونی حمایت یافتہ عناصر کے دھوکے میں آگیا تھا جو بلوچستان میں دہشت گرد سرگرمیاں کراتے تھے‘۔اس موقع پر موجود سیکیورٹی و حکومتی عہدے داروں نے بلخ شیر بادینی کی جانب سے ہتھیار ڈالنے کے فیصلے کا خیر مقدم کیا اور دیگر فراریوں پر بھی زور دیا کہ وہ مفاہمتی عمل کا حصہ بنیں اور ملک و قوم کی ترقی کے لیے کام کریں۔

حافظ آباد (نمائندہ خبریں) معلوم ہوا ہے کہ لاہور سے خبریں کے رپورٹرز کی خصوصی ٹیم آج حافظ آباد آ رہی ہے جو مقامی بیورو چیف اور چینل فائیو کے نمائندے سے مل کر خبریں ٹیم کا ساتھ دیں گے اور مظلوم خاندان کے علاوہ ملزموں کے بارے میں اندرونی معلومات فراہم کرے گا۔ حافظ آباد کے شہری حلقوں سے واقعہ بارے معلومات حاصل کرے گا اور اس امر کا کھوج لگائے گا کہ شہریوں کی طرف سے مظلوم خاندان کی حمایت اور ظالموں کا گھیراﺅ کرنے حتیٰ کہ ان کے حامیوں کے منہ کالا کرنے کی باتیں جو کبھی اخباروں میں چھپا کرتی تھیں اب معاشرے سے کیوں غائب ہو گئی ہیں۔