اسلام آباد(ویب ڈیسک) وزیر مملکت برائے اطلاعات مریم اورنگزیب نے وزیراعظم کی جانب سے سجن جندال سے ملاقات پر فوجی قیادت کو اعتماد میں لینے کی خبروں کی تردید کر دی ہے۔مریم اورنگزیب کی جانب سے جاری وضاحتی بیان میں کہا گیا ہے کہ وزیراعظم اور آرمی چیف کی ملاقات میں سجن جندال سے ملاقات کا کوئی ذکر نہیں ہوا۔ ان کا کہنا تھا کہ بھارتی کاروباری شخصیت سجن جندال وزیراعظم نواز شریف کے پرانے دوست ہیں اور دونوں کی ملاقات ذاتی حیثیت میں تھی۔ اس حوالے سے بی بی سی کی خبر درست نہیں ہے۔

اسلام آباد(ویب ڈیسک)وزیر مملکت برائے اطلاعات مریم اورنگزیب نے کہا ہے کہ تحریک انصاف اداروں پر دباﺅڈالنا چاہتی ہے ، تحریک انصاف نے ہمیشہ جھوٹے الزامات لگائے ، الیکشن کمیشن عمران خان کے اثاثوں کے متعلق سوال کر رہا ہے ۔ پیر کو اپنے ایک بیان میں مریم اورنگزیب نے کہا کہ انتخابی اصلاحات پہلے کبھی نہیں ہوئیں ، تحریک انصاف ہمیشہ اپنی مرضی کرنا چاہتی ہے ، تحریک انصاف نے ہمیشہ جھوٹے الزامات لگائے ۔انہوں نے کہا کہ تحریک انصاف پارلیمنٹ سے بھی غیر حاضر رہی ، تحریک انصاف اداروں پر دباﺅ ڈالنا چاہتی ہے ، الیکشن کمیشن عمران خان کے اثاثوں سے متعلق سوال کر رہا ہے ۔

اسلام آباد(ویب ڈیسک)اسلام آباد میں وزیرمملکت مریم اورنگزیب نے شہباز شریف ٹی 20 ٹورنامنٹ کی اختتامی تقریب سے خطاب کرتے ہوئے کہا کہ شہبازشریف کی وجہ سے راولپنڈی میں کھیلوں کے میدان آباد ہیں، دہشت گردی سے کھیلوں کے میدان تک کا سفرکٹھن تھا لیکن وزیر اعظم نواز شریف نے نہ صرف دہشتگردی پر قابو پایا بلکہ کھیلوں کے میدان بھی آباد کئے۔ ان کا کہنا تھا کہ پی ٹی آئی چئیرمین عمران خان آج کے پی کے میں کھیلوں کے میدانوں کی فزیبلٹی بنا رہے ہیں۔

اسلام آباد: وزیرمملکت برائے اطلاعات مریم اورنگزیب کا کہنا ہے کہ ہمارے کسی اجلاس میں گالی گلوچ یا بدتہذیبی نہیں ہوتی لیکن کنٹینرز پر بولنے والوں سے تہذیب کی کوئی امید نہیں۔سپریم کورٹ کے باہر میڈیا سے بات کرتے ہوئے وزیرمملکت مریم اورنگزیب نے کہا کہ نوازشریف نے کسی بھی خطاب میں غلط بیانی نہیں کی، جھوٹے دلائل کے ساتھ عدالت میں کیس نہیں جیتا جاسکتا، سپریم کورٹ میں کیس کسی اور بنیاد پر دائر کیاگیا اور دلائل کسی اور بات پر دیئے جارہے ہیں، عدالت میں دلائل پٹیشن کے مخالف ہیں، عدالتی کارروائی اور باہر آکر کی جانے والی باتوں میں بہت فرق ہے۔عمران خان کے گزشتہ روز کے بیان پر رد عمل کا اظہار کرتے ہوئے مریم اورنگزیب کا کہنا تھا کہ مجھ پرلازم ہے کہ تحریک انصاف کی غلط بیانیوں اور الزامات پر مبنی گفتگو کا ضرورجواب دوں، مسلم لیگ (ن) شائستگی کے ساتھ اپنے لیڈر کی تقلید کرتی ہے ہماری کسی میٹنگ میں گالم گلوچ اور بدتہذیبی نہیں ہوتی، مریم نواز ایک مہذب باپ کی مہذب بیٹی ہیں لیکن کنٹینر پر بولنے والوں سے تہذیب کی کوئی امید نہیں۔