دبئی /کراچی (مانیٹرنگ ڈیسک) سابق صدر پرویز مشرف نے انکشاف کیا ہے کہ پی ٹی آئی کی منحرف رہنما عائشہ گلالئی اکثر انکے پاس دبئی جاتی تھیں اور پارٹی بدلنے کے بارے میں کہا کرتی تھیں جس پر انہوں نے عائشہ کو پارٹی بدلنے کی اجازت دیدی تھی، نجی ٹی وی کے پروگرام میں گفتگو کرتے ہوئے سابق صدر پرویز مشرف نے کہا کہ جب ان کی حکومت ختم ہوئی تو عائشہ گلالئی اکثر دبئی آتی رہتی تھیں ، وہ حالات کا تذکرہ کرتے ہوئے پارٹی بدلنے کا کہتی تھیں جس پر اس وقت میں نے کہا کہ اگر آپ جانا چاہتی ہیں تو چلی جائیں۔

اسلام آباد (مانیٹرنگ ڈیسک ) سابق صدر پرویز مشرف نے پانامہ کیس کے فیصلے پر پوری قوم کو مبارکباد دیتے ہوئے کہا ہے کہ سپریم کورٹ کا فیصلہ اچھا ہے، ہم نے بھی مٹھائی کھائی ہے۔نجی ٹی وی سے گفتگو کرتے ہوئے پرویز مشرف نے کہا کہ قوم کیساتھ ساتھ جے آئی ٹی بھی مبارکباد کی مستحق ہے جبکہ لارجر بینچ کے فیصلے سے میرا اعتماد بڑھا ہے۔ ان کا کہنا تھا کہ ملک بحران کا شکار تھا حکومت نے توجہ نہ دی، گزشتہ ڈیڑھ سال حکومت کام نہیں کر رہی تھی اور اس کی پوری توجہ پانامہ لیکس پر تھی۔