میلبورن (نیوزایجنسیاں)فلپ ہیوز کی باو¿نسر پر ہلاکت کی انکوائری رپورٹ سامنے آ گئی۔ آسٹریلوی بلے باز کی موت کو کرکٹ کا خوفناک حادثہ قرار دیا گیا ہے۔آسٹریلوی ٹیسٹ کرکٹر کی باو¿نسر سے ہلاکت کی رپورٹ منظر عام پر آ گئی ہے۔ انکوائری رپورٹ کے مطابق سنگین چوٹ فلپ ہیوز کی موت کا سبب بنی۔ رپورٹ میں سڈنی گراو¿نڈ میں ہونے والا واقعہ کرکٹ کا خوفناک حادثہ قرار دیتے ہوئے کہا گیا ہے کہ کھیل کو مزید محفوظ بنایا جا سکتا ہے۔ رپورٹ میں سربراہ کرکٹ آسٹریلیا جیمز سدرلینڈ نے تجویز دی ہے کہ دوران میچ زخمی کھلاڑی کا متبادل ملنا چاہیے۔ واضح رہے کہ فلپ ہیوز 2014ءمیں ڈومیسٹک میچ کے دوران باو¿نسر لگنے پر جان کی بازی ہار گئے تھے۔ 26 سالہ آنجہانی کرکٹر نے 26 ٹیسٹ میچوں میں آسٹریلیا کی نمائندگی کی تھی۔