کراچی (ویب ڈیسک )سوئنگ کے سلطان وسیم اکرم کا کہنا ہے کہ آسٹریلیا میں پاکستان کی بیٹنگ کے ساتھ ساتھ بولنگ بھی ناکام رہی، 100,100 دیکر چار وکٹیں لینا کوئی کمال نہیں ہے ، سہیل خان کو موقع دینا چاہیے تھا، یونس خان اور مصباح الحق کی جگہ میں ہوتا تو اس دورے کے بعد ریٹائرمنٹ لے لیتا۔سوئنگ کے سلطان وسیم اکرم نے آسٹریلیا میں پاکستان ٹیم کی مایوس کن کارکردگی پر کئی سوالات کھڑے کردیے، سابق کپتان کا کہنا ہے کہ ناکام بیٹنگ پر نہیں بلکہ خراب بولنگ پر افسوس ہے، سہیل خان کو نہ کھلا کربھی ٹیم نے بڑی غلطی کی۔وسیم اکرم نے کہا کہ رات میں پنک بال کو کھیلنا مشکل تو ہوتا ہے لیکن ایسا بھی نہیں کہ بالکل ہی نہ کھیلا جاسکے، بیٹسمینوںکی تکنیک خراب ہے۔سابق کپتا ن نے مصباح الحق اور یونس خان کے حوالے سے کہا کہ اگر وہ ان کی جگہ ہوتے تو اس دورے کے بعد کرکٹ چھوڑ دیتے۔

کراچی(ویب ڈیسک) سابق پاکستانی فاسٹ بالر وسیم اکرم کی اہلیہ شینیرا کے ساتھ نئی صوفی میوزک ویڈیو توجہ کا مرکز بن گئی۔

دونوں نے مشہورگلوکار سلمان احمد کے گیت ”دور“ میں کام کیا ہے جس کے ٹیزر میں متعدد خوبصورت مناظر نے بھی ناظرین کو خوب متاثرکیا جبکہ گانے میں وسیم اکرم اور اہلیہ شنیرا نہایت رومانوی انداز میں نظرآئے۔ سابق کپتان سوشل میڈیا پر میوزک ویڈیو کو پروموٹ کرنے کیلئے سرگرم ہیں جن کا کہنا ہے کہ ہر کوئی گیت اور اس کی میوزک ویڈیو کو پسند کرے گا اور ویسے بھی باصلاحیت پاکستانی فنکاروں کی حوصلہ افزائی کرنا چاہئے۔

لاہور (بی این پی) لیجنڈ کرکٹر وسیم اکرم نے کہا ہے کہ فلیٹ وکٹوں پر رنز کرنا آسان ہوتا ہے لیکن نیوزی لینڈ میں نہیں، اگلے ٹیسٹ کیلئے بھی وکٹ ایسی ہی ہو گی اس لئے پاکستان مکمل تیاری کرے۔نجی ٹی وی سے گفتگو کرتے ہوئے وسیم اکرم نے کہا کہ فلیٹ وکٹوں پر رنز کرنا آسان ہوتا ہے لیکن نیوزی لینڈ کی وکٹوں پر اوپننگ آسان نہیں ہے جبکہ نیوزی لینڈ نے پاکستان کے خلاف ہوم ورک کیا ہوا ہے، اگلے ٹیسٹ کیلئے ایسی ہی وکٹ ہو گی اس لئے پاکستان کو مکمل تیاری کیساتھ میدان میں اترنا ہو گا۔