دبئی (سپورٹس ڈیسک) پاکستانی لیگ سپنر یاسر شاہ نے وکٹوں کی سینچری مکمل کرلی اور دوسری تیز ترین 100 وکٹیں حاصل کرنے کا ورلڈ ریکارڈ بھی قائم کردیا۔تفصیلات کے مطابق پاکستان اور ویسٹ انڈیز کے درمیان کھیلے جارہے پہلے ٹیسٹ میچ کی پہلی اننگز میں یاسر شاہ نے ویسٹ انڈیز کے 5 کھلاڑیوں کو میدان سے باہر کرکے یہ کارنامہ سرانجام دیا ہے۔ وہ دنیا کے تیز ترین 100 وکٹیں لینے والے دوسرے جبکہ ایشیا کے پہلے بولر بن گئے ہیں۔ انہوں نے یہ اعزاز 17 ٹیسٹ میچوں میں حاصل کیا ہے۔
