دبئی(ویب ڈیسک) ابو ظہبی ٹیسٹ کے تیسرے روز پاکستانی باو¿لروں نے بیٹنگ کیلئے سازگار پچ پر شاندار گیند بازی کا مظاہرہ کیا جس سے ویسٹ انڈین ٹیم 224 رنز بنا کر فالو آن کا شکار ہو گئی۔ تاہم کپتان مصباح الحق نے کیربیئن سائیڈ کو فالو آن کروانے کے بجائے خود بیٹنگ کو ترجیح دی۔ دوسری اننگز میں پاکستانی اوپنرز نے شاندار بلے باز کا مظاہرہ کیا اور 93 رنز کی شراکت قائم کی۔ پاکستان کی پہلی وکٹ سمیع اسلم کی گری جنھوں نے 50 رنز بنائے۔ تیسرے روز کھیل ختم ہونے پر اظہر علی 52 اور اسد شفیق 5 رنز بنا کر ناٹ آو¿ٹ ہیں۔
اس سے قبل تیسرے روز ویسٹ انڈیز نے پہلی ادھوری اننگز 4 وکٹوں کے نقصان پر 106 رنز سے شروع کی۔ کیربیئن کی پانچویں وکٹ 121 کے سکور پر گری، جب کریگ بریتھویٹ 8 رنز بنا کر راحت علی کا شکار بنے۔ اس کے بعد نائٹ واچ مین رویندرا بشو 20 رنز بنا کر سہیل خان کے ہاتھوں بولڈ ہوئے۔ روسٹن چیز کی اننگز کا خاتمہ 21 رنز پر ہوا۔ انہیں یاسر شاہ نے کیچ آو¿ٹ کروایا۔ وکٹ کیپر شائی ہوپ کو 11 رنز پر یاسر شاہ نے کلین بولڈ کیا۔ میگوئل کیومنز 3 اور شینن گیبریل 13رنز بنا کر پویلین لوٹے۔ کپتان جیسن ہولڈر 31 رنز بنا کر ناٹ آو¿ٹ رہے۔ پاکستان کی جانب سے یاسر شاہ نے 4، راحت علی نے 3 اور سہیل خان نے 2 شکار کئے۔
