لاہور(نیٹ نیوز)واٹس ایپ نے دو اہم اور فائدہ مند نئے فیچرز کی آزمائش شروع کردی ہے جو بہت جلد مام صارفین کو دستیاب ہونگے ۔اس میسجنگ ایپ کے بارے میں کافی عرصے سے افواہیں تھیں کہ یہ کسی میسج کو بھیجنے کے بعد اسے واپس یا ان سینڈ کرنے کے فیچر پر کام کررہی ہے جس سے صارفین ایسے پیغامات کو ڈیلیٹ کرسکیں گے جو وہ غلطی سے کسی دوسرے فرد کو سینڈ کرچکے ہونگے ۔اب واٹس ایپ نے اس فیچر کی آزمائش اپنے نئے بیٹا ورژن میں شروع کردی ہے اور اچھی خبر یہ ہے کہ واٹس ایپ اپنے صارفین کو پانچ منٹ کا وقت دے رہی ہے جسکے دوران بھیجے جانیوالے پیغامات کو ڈیلیٹ کرکے شرمندگی سے بچا جاسکتا ہے تاہم پانچ منٹ بعد اس پیغام کو ڈیلیٹ نہیں کیا جاسکے گااسی طرح بیٹا ورژن میں ایک اور فیچر کی آزمائش بھی کی جارہی ہے جس سے پیغامات کے ٹیکسٹ کو فارمیٹ کیا جاسکتا ہے ۔اس وقت صارفین کو اپنے پیغامات کو فارمیٹ کرنے کیلئے مختلف کمانڈ استعمال کرنا پڑتی ہیں ۔بیٹا ورژن میں آزمائش کے بعد یہ فیچرز مستقبل قریب میں صارفین کو دستیاب ہونگے ۔
