تازہ تر ین

نواز شریف کے دو اور اکاﺅنٹس کا انکشاف،رقم کس نے کب منتقل کی ،حقائق سامنے آگئے

اسلام آباد(ویب ڈیسک) احتساب عدالت میں العزیزیہ اسٹیل ریفرنس کی سماعت کے دوران سابق وزیر اعظم نواز شریف کے 2 مزید غیر ملکی کرنسی بینک اکاو¿نٹس کی تفصیلات پیش کردی گئی ہیں۔جوڈیشل کمپلیکس اسلام آباد میں احتساب عدالت کے جج محمد بشیر نے سابق وزیر اعظم نواز شریف کے خلاف العزیزیہ اسٹیل ریفرنس کی سماعت کی، سماعت کے دوران استغاثہ کے گواہ کی جانب سے مزید 2 غیر ملکی کرنسی بینک اکاو¿نٹس کی تفصیلات پیش کردی گئی ہیں۔تفصیلات کے مطابق حسین نواز نے 23 دسمبر 2010 کو 30 ہزار پاو?نڈ نواز شریف کو بھجوائے، پھر15 نومبر 2015 کو نواز شریف نے 25 ہزار پاو?نڈ اپنے پاکستانی کرنسی اکاو?نٹ میں ٹرانسفر کیے،30 اپریل اور 2 مئی 2016 کو نواز شریف نے 10،10 پاو?نڈ اپنے پاکستانی کرنسی اکاﺅنٹ میں ٹرانسفر کیے۔جج محمد بشیر نے استفسار کیا کہ اپنے ہی اکاو?نٹ سے اپنے دوسرے اکاو?نٹ میں ٹرانسفر پر کیا آپ کواعتراض ہے، جس پر نمائندہ نواز شریف ظافر خان نے کہا کہ ہمیں دستاویزات پر اعتراض ہے، جج محمد بشیر نے کہا کہ یہ تو نواز شریف نے خود ٹرانسفر کیے اور کیا 10 پاﺅنڈ کا چیک جاری ہونے پر بھی اعتراض کریں گے۔نواز شریف کے یورو کرنسی اکاﺅنٹ کی تفصیلات کے مطابق حسین نواز نے سال 2010 میں 11 لاکھ 20 ہزار یورو نواز شریف کے اکاو?نٹ میں بھجوائے، پھر حسین نواز نے 2012 میں 40 ہزار یورو نواز شریف کے اکاﺅنٹ میں بھجوائے، نواز شریف نے 23 ستمبر 2010 کو 9 لاکھ یورو کے 5 چیک جاری کیے اور 9 لاکھ یورو نواز شریف نے اپنے پاکستانی کرنسی اکاﺅنٹ میں ٹرانسفر کیے، اپریل 2012 میں 2 لاکھ 10 ہزار یورو نواز شریف نے پاکستانی کرنسی اکاو?نٹ میں ٹرانسفر کیے، نومبر 2015 میں ایک لاکھ 90 ہزار یورو نواز شریف نے اپنے پاکستانی اکاو?نٹ میں ٹرانسفر کیے جب کہ 30 اپریل 2010 کو نواز شریف نے 10 یورو کیش کروائے۔استغاثہ کے گواہ ملک طیب کا بیان آج بھی مکمل نہ ہو سکا جب کہ وکیل صفائی عائشہ حامد نے ریکارڈ پر اعتراض اٹھا دیا جس کا جواب کل دیا جائے گا، عدالت نے کیس کی مزید سماعت کل تک ملتوی کر دی۔

سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved