لندن (ویب ڈیسک )سابق وزیراعظم نواز شریف اور ان کی صاحبزادی مریم نواز لندن پہنچ گئے۔میڈ یا رپورٹس کے مطابق لندن کے ہیتھرو ائیر پورٹ پر نواز شریف اور مریم نواز کا استقبال لندن میں پاکستانی ہائی کمشنر سید ابن عباس نے کیا۔بتا یا جا رہا ہے کہ نواز شریف اور مریم نواز ائیر پورٹ سے سیدھا ہسپتال جائیں گے جہاں وہ بیگم کلثوم نواز کی عیادت کریں گے۔مبصرین کا کہنا ہے کہ سابق وزیراعظم نواز شریف کو سپریم کورٹ کی جانب سے نا اہل قرار دیا گیا ہے ایسی صورتحال میں پاکستانی ہائی کمشنر کی جانب سے نواز شریف کا استقبال کیا جانا مناسب فعل نہیں ہے۔واضح رہے کہ گزشتہ روز بیگم کلثوم نواز شدید علیل ہونے کی اچانک خبر آئی جس کے بعد ترجمان شریف خاندان کی جانب سے بتایا گیا کہ نوازشریف اپنی صاحبزادی کے ہمراہ لندن جائیں گے جہاں وہ کلثوم نوز کی عیادت کریں گے۔واضح رہے کہ کلثوم نواز گزشتہ کئی ماہ سے لندن میں ہی زیر اعلاج ہیں۔