لاہور (شوبزڈیسک) فلم والا پکچرز کے تحت نئی فلم “لوڈ ویڈنگ”کے پہلے آفیشل پوسٹر شائقین کے لیے ریلیز کردیا گیا۔” لوڈ ویڈنگ“ ایک سوشل کامیڈی فلم ہے جو کہ خاندان بھر کے لیے تفریح کا ذریعہ ثابت ہوگی، فلم عید الاضحی پر ریلیز کی جائے گی۔ فلم میں فہد مصطفیٰ اور مہوش حیات شامل ہیں، فلم کی ہدایات معروف ہدایات کار نبیل قریشی نے دیں ہیں جبکہ پروڈیوسرز میں فضا علی ، میرزا اور مہدی علی شامل ہیں، یاد رہے کہ فلم پہلے ہی شائقین کی توجہ کا مرکزبنی ہوئی ہے اور شائقین بے صبری سے فلم کے بڑے پردے پر لگنے کا انتظار کررہے ہیں۔ فلم کا پوسٹر فلم کے دیسی ہونے کی بھرپورعکاسی کررہا ہے، اور یہی وجہ ہے کہ اس نے آتے ہی فلمی شائقین کے درمیان ایک ہلچل سے مچادی ہے۔فلم کے پوسٹر میں مہوش حیات قمیض ، شلوار ، دوپٹہ، کھسے اور چوڑیوں کے ساتھ ایک مکمل پرکشش دیسی روپ دھارے ہوئی ہیں۔
جبکہ دوسری جانب فہد مصطفیٰ بڑی اور گھنی مونچوں کےساتھ ہرا قمیض شلوار زیب تن کیے ہوئے ہیںجبکہ اس پر نوے کی دہائی کے جوگرز اور ہاتھ میں اسکریو ڈرائیور تھامے ہوئے فلمی شائقین کو اپنے کردار سے متعلق سوچنے پر مجبور کردیگا۔اس موقع پر فلم کے ڈائریکٹر نبیل قریشی کا کہنا تھا کہ لوڈ ویڈنگ ایک سوشل کامیڈی فلم ہے، جس میں معاشرے میں موجود مسائل کوہلکے پھلکے انداز میں اجاگر کرنے کی کوشش کی گئی ہے،امیدہے کہ فلم شائقین کو ہماری یہ کاوش پسند آئے گی۔
