بہاولنگر( تحصیل رپورٹر) محنت کش خاتون زینب بی بی انصاف لینے کے لیئے خبریں آفس پہنچ گئی اور اپنے ساتھ ہونے والے ظلم کی داستان خبریں ہیلپ لائن کی ٹیم کو بتائی کہ میرے ساتھ وڈیرہ زمیندار نے سر عام مجھے تشدد کا نشانہ بنایا اور میرے سر کے بال مونڈ دیئے جب اس واقعہ کی کارروائی کے لیے میں تھانہ منڈی صادق گنج گئی تو پولیس نے میری کارروائی کرنے سے انکار کر دیا کیوں کہ وڈیرہ زمیندار با اثر ہے اور پولیس اس کی پشت پناہی کر رہی ہے اس لیے میں خبریں آفس آ گئی اب مجھے انصاف دلوایا جائے اس پر ہونے والے تشدد کا خبریں ہیلپ لائن کی ٹیم نے ڈی پی او بہاولنگر میڈم عمارہ اطہر سے رابطہ کیا تو انہوں نے خبریں کی ٹیم کو یقین دہانی کروائی اور کہا کہ زینب بی بی کو ہر ممکن صورت انصاف فراہم کیا جائے گا اور اس کے ساتھ پر ہونے والے تشدد کا نوٹس لیتے ہوئے ڈی پی او نے مقدمہ درج کروا دیا اور فوری ملزمان کو گرفتار کرنے کا حکم دیا تفصیلات کے مطابق تھانہ منڈی صادق گنج کے نواحی گاو¿ں چک نیلیاں والی میں اوباش زمیندار نے کھیتوں میں کام کرتی محنت کش خاتون زینب بی بی کو سرعام تشدد کانشانہ بنایا اور سر کے بال مونڈ دیے مدیہ زینب نے بتایا کہ میں کھیتوں میں محنت مزدوری کرنے گئی امیر ولد غلام رسول اور اس کے بھائی یاسین۔وزیر وغیرہ نے مجھے سرعام تشدد کا نشانہ بنایا اور میرے سر کے بال اتار دیے ہم نے 15پر کال کی تو انہوں نے کہا کہ ہم پولیس تھانہ منڈی صادق گنج جو روانہ کرتے ہیں جب ہم نے پولیس تھانہ بھون صادق گنج سے رابطہ کیا تو انہوں نے بھی ہماری بات نہیں سنی اور 5دن گزرنے کے باوجود ابھی تک مقدمہ درج نہیں کیا گیا اس لیئے ہم انصاف لینے کے لیئے بہاولنگر خبریں آفس پہنچ گئے اور ہمیں انصاف فراہم کیا جائے ۔
