راولپنڈی/بھمبر/سرینگر، چوکی سماہنی(نمائند گان خبریں) بھارت کی کنٹرولا ئن پر تیسرے روز بھی بلا اشتعال فائرنگ،پاک فوج کا منہ توڑ جواب،دشمن کی توپیں خاموش ہو گئیں،واقعہ میں بھمبر سیکٹر کے تین مقامات کو نشانہ بنایا گیا،کوئی جانی نقصان نہیں ہوا۔پاک فوج کے شعبہ تعلقات عامہ (آئی ایس پی آر) کی طرف سے جاری بیان کے مطابق بھارت کی سرحدی فورسز نے منگل کی صبح تیسرے دن بھی کنٹرول لائن پر سیز فائر کی خلاف ورزی کرتے ہوئے بلا اشتعال فائرنگ کی ۔بھارت نے بھمبر سیکٹر میں باغ سر، بروح اور خنجارکے علاقوں میں سول آبادی کو نشانہ بنایا ہے تاہم کسی جانی نقصان کی اطلاع نہیں ملی۔بیان کے مطابق بھارت کی جانب سے فائرنگ کا سلسلہ صبح چار بجے شروع ہوا جو چھ بجے تک جاری رہا۔اس دوران پاک فوج نے بھی دشمن کی جارحیت کا منہ توڑ جواب دیا جس سے دشمن کی توپیں خاموش ہو گئی ہیں ۔ ذرائع کے مطابق بھارتی فورسز نے درمیان اور بھاری ہتھیاروں سے سول آباد پر گولہ باری ۔شیلنگ میں مارٹر گولوں کا بھی استعمال کیا گیا۔سیکورٹی ذرائع کے مطابق بھارتی فورسز نے سمانی سیکٹر اور بنڈالہ پر بھی گولے برسائے اور بلااشتعال فائرنگ کی ۔پاک فوج کی جوابی کارروائی میں بھارتی سورما چیک پوسٹیں اور اسلحہ چھوڑ کر فرار ہو گئے ۔ذرائع کے مطابق بھارتی جارحیت کے بعد پاک فوج نے راولاکوٹ، نیلم، ہٹیاں، حویلی اور بھمبر میں ایل او سی سے ملحقہ علاقوں کی فضائی نگرانی شروع کر دی ۔بھارتی فوج کے حوالے سے بھارت کے میڈیا نے کہا ہے کہ پاک فوج نے ضلع راجوڑی کے نوشہرہ سیکٹر میں بلا اشتعال فائرنگ کی اور جہان گڑھ،کلسیاں اور مکڑی میں بی ایس ایف کی سرحدی پوسٹوں کو نشانہ بنایا ہے۔راجوڑی میں بی ایس ایف کے حکام اور پولیس نے پاکستان پر فائرنگ میں پہل کرنے کا الزام عائد کرتے ہوئے کہا ہے کہ پاکستان کی شیلنگ سے تین پوسٹوں کو نقصان پہنچا ہے ۔یہ فائرنگ منگل کو صبح کے وقت کی گئی ۔بی ایس ایف نے بھی فائرنگ کا جواب دیا ہے تاہم دونوں اطراف کسی جانی نقصان کی اطلاع نہیں ۔ جبکہ تحصیل ریور چوکی سماہنی کے مطابق لائن آف کنٹرول پر سماہنی سےکٹر مےںبنڈالہ ،کہاولےاں ،چاہی ،نہالہ ،کھوڑی بڑوھ ،لال ٹےکری وغےرہ کے سرحدی علاقوں مےں منگل کے روز علی الصبح بھارتی افواج کی طرف سے اےک بار پھر اچانک فائرنگ اور مارٹر گنوں سے گولہ باری ،پاک فوج کی طرف سے بھرپور جوابی کاروائی ،گولےوں اور بھاری مشےن گنوں کی گن گرج سے علاقہ کی فضا گونج اٹھی ،بھارتی افواج کی طرف سے داغے گئے مارٹر گولے سول آبادی پر بھی آگرے ،نواحی گاﺅں جابہ مےں مقامی زمےندار رحم علی گوجرکے پانچ موےشی ہلاک ،سول آبادی معجزانہ طور پر محفوظ رہی۔
