پاسنگ آﺅٹ پریڈ , اہلکاروں کی دوبارہ واپسی سوالیہ نشان

اسلام آباد (مانیٹرنگ ڈیسک) سانحہ کوئٹہ کے زخمی اہلکاروں نے مطالبہ کیا ہے کہ پاسنگ آﺅٹ کے بعد انہیں دوبارہ واپس کیوں بلایا گیا تھا، تحقیقات ہونی چاہئیں۔ نجی ٹی وی کے پروگرام میں گفتگو کرتے ہوئے سانحہ کوئٹہ کے زخمی اہلکاروں نے کہا کہ ایوب قریشی کے حکم پر تمام اہلکاروں کو واپس بلایا گیا تھا جبکہ ٹریننگ 2روز پہلے مکمل کر لی تھی۔ انہوں نے کہا کہ واقعہ سازش ہے یا نہیں اس کا علم نہیں تاہم ٹریننگ مکمل کر کے جانے کے بعد دوبارہ تمام اہلکاروں کو واپس بلانے کی تحقیقات ہونی چاہئیں۔ ذرائع نے کہا ہے کہ وزیراعلیٰ بلوچستان ثناءاللہ زہری نے 7 روز قبل پولیس سنٹر کی دیواریں اونچی کرنے کا کہا مگر عمل کیوں نہیں ہوا۔