بھارتی فوج نے لائن آف کنٹرول پر بلا اشتعال فائرنگ کرکے 3 پاکستانی فوجیوں کو شہید کر دیا ہے۔ شہداءمیں کیپٹن تیمور علی، حوالدار مشتاق حسین اور لانس نائیک غلام حسین شامل ہیں۔ پاکستانی فوج نے بھرپور جوابی کارروائی کرتے ہوئے دشمن کی متعدد چوکیاں تباہ کر دیں۔ جوابی کارروائی میں 7 بھارتی فوجیوں کے ہلاکت ہونے کی مصدقہ اطلاعات ہیں۔ اس سے قبل بھارتی فوج کی جانب سے نیلم ویلی میں مسافر بس کو نشانہ بنایا گیا جس سے 7 مسافر شہید جبکہ سات زخمی ہو گئے۔ بھارتی فورسز نے مسافر بس کو وادی نیلم میں ڈھڈنیال کے قریب نشانہ بنایا۔ بھارتی فوج نے زخمیوں کو ہسپتال لے جانے والی ایمبولینس پر بھی فائرنگ کی جس سے مزید چار افراد زخمی ہو گئے۔ پاک فوج کی جانب سے بھارتی جارحیت کا منہ توڑ جواب دیتے ہوئے دشمن کی چوکیوں کو نشانہ بنایا جا رہا ہے جس سے بھارتی فوج کی متعدد چوکیاں تباہ ہونے کی اطلاعات ہیں۔
ہندوستانی فوج کا ایک اور حملہ ….3پاکستانی فوجی شہید ….جوابی وار میں 7بھارتی سورما جہنم واصل
