تل ابیب: اسرائیل کے وزیرِ دفاع اسرائیل کاٹز نے کہا ہے کہ اسرائیلی فوج لبنان، شام اور غزہ میں قائم کیے گئے نام نہاد "سکیورٹی زونز” سے انخلا نہیں کرے گی اور ان علاقوں میں فوجی موجودگی برقرار رکھی جائے گی۔
کاٹز نے یہ بیان جنوبی لبنان میں اسرائیلی فوجیوں کے دورے کے دوران دیا۔ ان کا کہنا تھا کہ اسرائیلی فوج جنوبی لبنان میں حزب اللہ کے بنیادی ڈھانچے اور دیگر تنصیبات کے خلاف کارروائیاں جاری رکھے گی۔ انہوں نے خاص طور پر جنوبی لبنان میں قلعہ شقیف (Beaufort Castle) کے علاقے کا ذکر کرتے ہوئے اسے شمالی اسرائیلی آبادیوں کے تحفظ کے لیے اہم قرار دیا۔
اسرائیلی وزیرِ دفاع نے کہا کہ اسرائیل کا موقف واضح ہے اور فوج جنوبی لبنان کے سکیورٹی زون سے دستبردار نہیں ہوگی۔ انہوں نے مزید کہا کہ اسرائیلی فوج لبنان، شام اور غزہ میں اپنے سکیورٹی زونز میں طویل مدت تک موجود رہے گی۔
