ٹیکسلایو سی خرم پراچہ میں پولیو مہم بارے تربیتی سیشن کا انعقاد

ٹیکسلا ( نمائندہ خصوصی)تفصیلات کے مطابق یو سی خرم پراچہ میں سابق چیئرمین یونین کونسل خرم پراچہ اور علاقہ کی معروف سماجی و کاروباری شخصیت ملک سہیل عمران کے دفتر میں پولیو پروگرام کے تحت کلیدی سماجی شخصیات (Key Influencers) کی استعداد کار میں اضافے کے لیے ایک اہم سیشن منعقد کیا گیا جس میں 25 مقامی سماجی شخصیات نے شرکت کی اور سیشن کی سہولت کاری کمیونیکیشن بلاک آفیسر (CBO) الطاف خان نے کی۔ سیشن کے دوران شرکا کو پولیو کی بیماری، اس کی علامات، بچا کے طریقوں، پاکستان میں پولیو کی موجودہ صورتحال، منہ کے ذریعے پلائے جانے والے پولیو ویکسین (OPV) اور حفاظتی ٹیکہ جات کے توسیعی پروگرام (EPI) کی اہمیت کے بارے میں تفصیلی آگاہی فراہم کی گئی، جبکہ پولیو پروگرام میں کلیدی سماجی شخصیات کے مثر کردار پر خصوصی زور دیا گیا، خصوصا ویکسین سے متعلق ہچکچاہٹ اور غلط فہمیوں کا ازالہ کرنے، انکاری خاندانوں کے ساتھ مثر رابطہ کاری، اور ویکسین سے محروم بچوں تک رسائی کو یقینی بنانے کے حوالے سے۔ اس موقع پر شرکا کو مثر بین الشخصی رابطہ کاری (IPC)، کمیونٹی انگیجمنٹ اور منظم فالو اپ کے ذریعے انکاری (Refusal) اور گھر پر عدم دستیابی (Not Available NA) کیسز کو کور کرنے اور بچوں کی پولیو ویکسینیشن یقینی بنانے میں اپنا فعال کردار ادا کرنے کی ترغیب دی گئی اس حوالے سے مس صائمہ تنویر نے بتایا کہ پولیو کے خاتمے کے لئے کمیونیکیشن بلاک آفیسر الطاف خان کی زیر نگرانی خصوصی اقدامات اٹھائے جا رہے ہیں اس حوالے سے مختلف مقامات پر تربیتی سیشن منعقد ہو رہے ہیں