وزیراعظم میاں نواز شریف سے جنرل راشد محمود الوداعی ملاقات

اسلام آباد(نامہ نگار خصوصی) وزیراعظم میاں نوازشریف نے سبکدوش ہونے والے چیئرمین جوائنٹ چیف آف سٹاف کمیٹی جنرل راشد محمود کے اعزاز میں وزیراعظم ہاو¿س میں الوداعی ظہرانہ دیا جس میں پاک بحریہ ، پاک فضائیہ کے سربراہان ، وزیر دفاع خواجہ محمد آصف ، قومی سلامتی کے مشیر جنرل (ر) ناصر جنجوعہ ، وزیراعظم کے مشیر امور خارجہ سرتاج عزیز ، وزیراعظم کے معاون خصوصی طارق فاطمی ، وفاقی وزیر جنرل (ر) قادر بلوچ ، ڈی جی آئی ایس آئی جنرل رضوان اختر ، وزیر خزانہ اسحاق ڈار ،سینیٹر جنرل (ر) عبدالقیوم ،سیکرٹری خارجہ اعزاز احمد چوہدری ، وزیراعظم کے سیکرٹری فواد حسن فواد ودیگرا ہم شخصیات نے شرکت کی وزیراعظم نے سبکدوش ہونے والے چیئرمین جوائنٹ چیف آف سٹاف کمیٹی جنرل راشد محمود کی پیشہ وارانہ خدمات کو شاندار الفاظ میں خراج تحسین پیش کیا وزیراعظم ہاو¿س پہنچنے پر ان کا پرتپاک استقبال کیا گیا وزیراعظم نے ان کی خدمات کو سراہتے ہوئے کہا کہ قوم آپ کی خدمات کو ہمیشہ یاد رکھے گی ۔