نثار سن لیں ,ایسا بم پھاڑوں گا سب یاد رکھیں گے

لاہور(اپنے سٹاف رپورٹر سے )انصاف پروفیشنل فورم کے زیرِاہتمام ہیلتھ اور ایجوکیشن کے موضوع پر سیمینار مرکزی رہنماءڈاکٹر یاسمین راشد نے انعقاد کیا ، سیمینار کے مہمان خصوصی وزیراعلیٰ خیبرپختونخوا پرویز خٹک اور ان کی کابینہ وزیر تعلیم عاطف خان ،وزیر صحت شہرام ترکئی ، پبلک ہیلتھ کے منسٹر شاہ فرمان اور کے پی کے اسمبلی کے سپیکراسد قیصر نے شرکت کی ،چیف منسٹر پرویز خٹک نے اپنے خطاب میں کہاکہ پنجاب پولیس نے 30 اکتوبر کو خیبرپختونخوا کی کابینہ اور ورکروں کے ساتھ بڑی زیادتی کی اور ان پر ظلم وتشدد اور آنسوگیس کے شیل پھینکے گئے ، انہوںنے کہاکہ ہم پنجاب کے وزیراعلیٰ کو چیلنج کرتے ہیں کہ جس طرح کے پی کے نے تعلیم ، ایجوکیشن اور پولیس میں ریفارمز کئے ہیں وہ بھی ایسا کرکے دکھائیں،انہوںنے کہاکہ ہم سی پیک منصوبے کے خلاف نہیں لیکن مغربی روٹ پر وفاقی حکومت کی طرف سے وعدہ خلافی پر برہم ہیں، پاکستان سب کا ہے صوبائیت کا بیج نوازشریف نے بویا ہے ، انہوں نے کہاکہ نوازشریف صرف اپنے بھائی شہبازشریف کے صوبے میں سب پروجیکٹ شروع کررہا ہے ، انہوں نے مزید کہاکہ کے پی کے کی گورنمنٹ نے جو ریفارمز کئے ہیں اس کے دور رس نتائج برآمد ہوںگے، ہم ایسے منصوبے شروع نہیں کرتے جو لوگوں کو نظر آئیں، پنجاب کے ددستوں کے پرزور اسرار پر بڑے پروجیکٹ شروع کررہے ہیں، جلد کے پی کے میں میٹرو کا پروجیکٹ شروع کیا جائے گا اور یہ پنجاب کے میٹروپروجیکٹ سے کم لاگت میںبنے گا۔ اس موقع پر تحریک انصاف کی مرکزی رہنماءعندلیب عباس نے کے پی کے میں ترقیاتی کاموں کے حوالے سے(presentaiton ) ویڈیوفلم دکھائی ، انہوں نے کہاکہ کے پی کے میں گورنس میں 25 میں سے 18 شعبوں میں پنجاب ، سندھ اور بلوچستان کو پیچھے چھوڑ دیا ، خاص طور پر تعلیم اور صحت میں ، انہوں نے کہاکہ ورلڈ بنگ نے بھی اس کا اعتراف کیاہے کہ سب سے زیادہ ترقی کے پی کے کی گورنمنٹ کی ہے ۔خیبرپختوانخوا کے سیکرٹری ایجوکیشن عاطف نے کہاکہ ہماری گورنمنٹ سے پہلے سرکاری سکول خستہ حال تھے اور معیار تعلیم کا بُرا حال تھا ، سکولوں میں بچوں کے بیٹھنے کے لئے فرنیچر تک نہ تھاہماری گورنمنٹ نے آ کر سکولوں کی حالت بہتر کی ہے اور معیار تعلیم پرائیویٹ سکولوں کے برابر لے آئے ہیں اورگورنمنٹ سکولوں کوانگلش میڈیم کیا ہے ، انہوں نے کہاکہ خیبرپختونخوا واحدصوبہ ہے جہاں پرائیویٹ سکولوں سے بچوں نے گورنمنٹ سکولوں کا رخ کیا ہے، انہوں نے کہاکہ سرکاری سکولوںمیں 12ہزار ٹیچر بھرتی کئے ہیں ، سکولوں میںٹیچروں کی حاضری کو یقینی بنایا ہے ۔منسٹر ہیلتھ شہرام ترکئی نے کہاکہ ہسپتالوں کو بااختیار بنا دیا اور ڈاکٹروں کی تنخواہیں پنجاب کے ڈاکٹروں سے ڈبل کردی گئی ہیں، سپیکر اسد قیصر اور منسٹر پبلک ہیلتھ اسد قیصر نے کہاکہ سب سے زیادہ قانون سازی کے پی کے کی اسمبلی نے کی ہے ، صوبے میں صاف پانی کی سکیموں کا جال بچھایاجارہا ہے۔بعدازا ں تحریک انصا ف کے مرکزی رہنماءاعجاز چوہدری نے اپنی رہائشگاہ پر پرویزخٹک اور ان کی کابینہ کے اعزاز میں ٹی پارٹی کا اہتمام کیا جس میں پارٹی کے رہنماﺅں نے شرکت کی ۔اس موقع پر ایم این اے ساجدہ ذوالفقار ،عبدالعلیم خان، اعجازاحمدچوہدری ،میاں محمودالرشید، شعیب صدیق، میاں اسلم اقبال،ظہیرعباس کھوکھر، ولید اقبال، حماد اظہر، عمر چیمہ ، دیوان غلام محی الدین ، سعدیہ سہیل ، ڈاکٹر نوشین حامد معراج، جمشید چیمہ، مسرت چیمہ، فواد چوہدری، حافظ فرحت ، عائشہ چوہدری ، مراد راس ، چوہدری اصغر گجر، شنیلاروت ، طارق ثناءباجوہ ، عدنان جمیل سمیت دیگررہنماﺅں نے شرکت کی ۔ وزیراعلیٰ خیبرپختونخوا نے ایک بار پھر وفاقی وزیر داخلہ کو للکار دیا، کہتے ہیں چوہدری نثار خبردار رہیں، میرے پاس ایک بم ہے، ایسا بم پھاڑوں گا کہ یاد رکھیں گے، ملک میں ظالم اور ڈکٹیٹر کی حکومت ہے، پنجاب میں ادارے مغل بادشاہوں کے غلام بن گئے ہیں۔ پی ٹٰی آئی کارکنان سے خطاب کرتے ہوئے وزیراعلیٰ خیبرپختونخوا پرویز خٹک کا کہنا تھا کہ عمران خان کے دھرنا ملتوی کرنے پر تکلیف ہوئی، ہم انجوائے کررہے تھے، پٹاخوں سے گھبراتے نہیں، چوہدری نثار خبردار رہیں، میرے پاس ایک بم ہے، بم پھاڑوں گا تو وہ یاد رکھیں گے، پاکستان میں ظالم اور ڈکٹیٹر کی حکومت ہے، ہمیں روکا نہ جاتا تو پتا چل جاتا ڈکٹیٹروں کے ساتھ کیا ہوتا ہے۔ انہوں نے کہا کہ جمہوری ملک میں آواز بلند کرنا سب کا حق ہوتا ہے، نظام تبدیلی کرنے کیلئے تعلیمی نظام بدلنا ہوگا، ہم نے آج کیلئے نہیں آنیوالے کل کیلئے کام کرنا ہے، ہمیں اس ملک کے بارے میں سوچنا ہوگا، کسی بیرونی مدد کی ضرورت نہیں۔ پرویز خٹک کہتے ہیں وزیر اعلیٰ پنجاب پولیس کا استعمال کرنا چھوڑ دیں، ادارے بااختیار نہیں ہوں گے تو عوام کی خدمت کے قابل نہیں رہیں گے، آج ادارے مغل بادشاہوں کے غلام بن گئے ہیں، محنت کش مغل باشاہوں کو نیچے گرا کر دکھائیں گے۔
لاہورا¿مانیٹرنگ ڈیسک) وزیراعلیٰ خیبرپختونخوا نے ایک بار پھر وفاقی وزیر داخلہ کو للکار دیا، کہتے ہیں چوہدری نثار خبردار رہیں، میرے پاس ایک بم ہے، ایسا بم پھاڑوں گا کہ یاد رکھیں گے، ملک میں ظالم اور ڈکٹیٹر کی حکومت ہے، پنجاب میں ادارے مغل بادشاہوں کے غلام بن گئے ہیں۔ پی ٹٰی آئی کارکنان سے خطاب کرتے ہوئے وزیراعلیٰ خیبرپختونخوا پرویز خٹک کا کہنا تھا کہ عمران خان کے دھرنا ملتوی کرنے پر تکلیف ہوئی، ہم انجوائے کررہے تھے، پٹاخوں سے گھبراتے نہیں، چوہدری نثار خبردار رہیں، میرے پاس ایک بم ہے، بم پھاڑوں گا تو وہ یاد رکھیں گے، پاکستان میں ظالم اور ڈکٹیٹر کی حکومت ہے، ہمیں روکا نہ جاتا تو پتا چل جاتا ڈکٹیٹروں کے ساتھ کیا ہوتا ہے۔انہوں نے کہا کہ جمہوری ملک میں آواز بلند کرنا سب کا حق ہوتا ہے، نظام تبدیلی کرنے کیلئے تعلیمی نظام بدلنا ہوگا، ہم نے آج کیلئے نہیں آنیوالے کل کیلئے کام کرنا ہے، ہمیں اس ملک کے بارے میں سوچنا ہوگا، کسی بیرونی مدد کی ضرورت نہیں۔پرویز خٹک کہتے ہیں شہباز شریف! پنجاب پولیس کا استعمال کرنا چھوڑ دو، ادارے بااختیار نہیں ہوں گے تو عوام کی خدمت کے قابل نہیں رہیں گے، آج ادارے مغل بادشاہوں کے غلام بن گئے ہیں، محنت کش مغل باشاہوں کو نیچے گرا کر دکھائیں گے۔وزیراعلیٰ کے پی بولے کہ تبدیلی پر سوال کرتا ہوں، کہا جاتا ہے میگا پراجیکٹ بناو¿، جو کام پنجاب حکومت 1 سال میں کرتی ہے، ہم 5 ماہ میں کرتے ہیں، ہم نے اپنے صوبے کو ٹریک پر ڈال دیا ہے۔