اسلام آباد(ویب ڈیسک ) کھیل کے ساتھ کھلواڑ، پاکستان سپر لیگ کو بڑا دھچکا لگ گیا۔ بکیوں سے مبینہ رابطے اور میچ فکسنگ کے الزام پر اسلام آباد یونائیٹڈ کے شرجیل خان، خالد لطیف کے بعد فاسٹ باو¿لر محمد عرفان بھی معطل ہو گئے۔اوپنرز گنہگار ہیں یا بے قصور، اینٹی کرپشن یونٹ نے تحقیقات بھی شروع کر دیں۔ جواریوں سے مبینہ رابطوں پر دونوں کھلاڑیوں کو سپرلیگ سے باہر کر کے دبئی سے واپس وطن بھجوا دیا گیا جبکہ اب فاسٹ باو¿لر محمد عرفان پر بھی میچ فکسنگ کا الزام لگا ہے۔ اینٹی کرپشن یونٹ نے محمد عرفان کا فون قبضہ میں لے لیا اور محمد عرفان کو پی ایس ایل سے آو¿ٹ کر کے وطن واپس بھجوا دیا گیا۔پی ایس ایل کے افتتاحی میچ میں شرجیل خان ایک رن بنا کر ایل بی ڈبلیو ہو گئے تھے۔ محمد عرفان نے بھی چار اوورز میں دو وکٹیں لیں اور ستائیس رنز دیئے جبکہ خالد لطیف کو اسلام آباد یونائیٹڈ کی حتمی الیون میں نمائندگی نہ مل سکی تھی۔ تین کھلاڑیوں کے آو¿ٹ ہونے کے بعد آئندہ چند روز میں میچ فکسنگ کے پنڈورا باکس سے کس کس کھلاڑی کا نام نکلے گا، سب کی نظریں لگ گئیں۔دراز قد بلے باز اور پی ایس ایل بارے افسوسناک خبر
