کرائسٹ چرچ (ویب ڈیسک )کرائسٹ چرچ کے جنگلوں میں لگی آگ نے نیوزی لینڈ اور جنوبی افریقہ کے درمیان شیڈول دوسرے ون ڈے کو خطرے سے دوچار کردیا ہے۔نیوزی لینڈ اور جنوی افریقا کے درمیان شیڈول دوسرا ایک روزہ میچ کرائسٹ چرچ میں ہونا تھا لیکن قریبی علاقے پورٹ ہلزپر لگی آگ شہر کے قریب پہنچ چکی ہے۔ یہ آگ پیر کو شروع ہوئی تھی جس کی لپیٹ میں اب تک کئی گھر آچکے ہیں، نیوزی لینڈ کرکٹ کے ترجمان کا کہنا ہے کہ ہم نے اگرچہ ابھی تک کوئی حتمی فیصلہ نہیں کیا مگر صورتحال پر نظر رکھے ہوئے ہیں، حالات بہتر نہ ہونے پر یہ میچ بھی منتقل کیا جاسکتا ہے۔
