گلوکارعمادمیررشتہ ازدواج سے منسلک ہوگئے

لاہور(کلچرل رپورٹر) گلوکارعمادمیررشتہ ازدواج سے منسلک ہوگئے۔ان کی شادی چندروزقبل انجام پائی جس میں ان کے رشتہ داروں اور قریبی دوستوں نے شرکت کی۔ عماد میر کچھ عرصہ پہلے امریکہ گئے تھے جہاں سے واپسی پر انہوں نے اپنی فیملی کی مشاورت سے شادی کرلی ۔اس حوالے گفتگو کرتے ہوئے عمادمیرنے”خبریں“کوبتایا کہ شادی کے بعد میں فنی سرگرمیوں کا دوباہ آغازکردیا ہے اور ان دنوں نئے البم پر کام کررہا ہوں جبکہ میرایک گانا پہلے ہی ریکارڈ ہوچکا ہے جس کی وڈیو جلد ہی شوٹ کی جائے گی۔ایک سوال کے جواب میں انہوں نے بتایا کہ مجھے فلموں میں گانے کی آفرزبھی ہیں اور جلد ہی میں پلے بیک گلوکاری بھی شروع کروں گا۔ایک سوال کے جواب میںانہوں نے کہا کہ پاکستان میں میوزک چینل نئے فنکاروں کی پرموشن کے لئے کچھ نہیں کررہے ہیں جس سے مایوسی پھیل رہی ہے۔